Atuareernerup Kingorna ornittagaat Sisi-mi aqutsisuugallartussamik, ukiuni pingasuugallartuni

Sisi meeqqanut 80-90-nut naatsorsuussaavoq 1. kl.-miit 3.- kl. ilanngullugu.
Sulisoqarpoq katillugit 6-linnik.
Kingusinnerpaamik ulloq:
18. december 2015
Sumiiffik / immikkoortortaq:
Qaqortoq
Ulloq sulilerfissaq:
1. januar 2016
Aningaasarsiat:
Isumaqatigiissutit naapertorlugit
isi-mi aqutsisup ulluinnarni suliassaasa ilagaat:

Sisi ullaakkut nal. 8.00 ammartarpoq, ullaakkut sulisut tamarmik naapittarput ullormut suliassanik pilersaarusiorlutik. Atuartut soraaraangata minnerit aaneqartarput sulisunit.
Ulluinnarni sulisut sullivinni nikerarlutik sulisarput, illup iluani silamilu.
Sisi-mi atuartunut assigiinngitsunik sammisassaqartitsiniartaput, ukiup qanoq ilinera aallaavigalugu.
Sisi-mi aqutsisutut ulluinnarni Sisi-p ingerlanera nakkutigisussaavaa, sulisut tungaatigut taamatullu meeqqat angajoqqaallu aamma. Sisi-mi suliassat naliginnaasut saniatigut aqutsisup isumagisarpai:

-    Atuarfiup pisortaanut attaveqarneq
-    Ilinniartitsisunut attaveqarneq
-    Aningaasarsiat suliarinerat
-    Atortussanik pisiniarneq
-    Aningaasartuutit nakkutiginerat
-    Illup (Sisi) aserfallatsaaliornera
-    Angajoqqaanik attaveqarneq
-    Inunnik isumaginnittoqarfimmut attaveqarneq
-    Angajoqqaanik ataatsimiisitsisarnerit

Sisi-mi suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu, sulisut assigiinngitsutigut pikkorissallattaarneqartarnermikkut sullitaminnik ilisarisimannilluartuupput tunniusimasuullutillu.

Aqutsisumut makkuninnga naatsersuuteqarpugut:

•    Suliffimmut tunniusimasoq
•    Suliffimmi ataatsimoorussamik isiginnissinnaasoq
•    Meeqqat pisariaqartitaannik takunnissinnaasoq
•    Atuisunut suleqatikkuminartoq
•    Unneqqarissoq
•    Nalimmassarluarsinnaasoq
•    Isumassarsiullaqqissoq
•    Qarasaasialerinermik piginnaasaqarneq- piumasaqaataanngilarli.