Isumaginninnermik Siunnersorti

Kommune Kujalleq pissarsiorpoq pensionisianik, innarluutilinnik utoqqarnillu suliaqarfimmi sulisussanik pikkoris-sunik tunniusimasunillu kiisalu Qaqortumi inissisimasussanik 1. januar 2016 imaluunniit erseqqinnerusumik isu-maqatigiissuteqarnikkut atorfinittussanik.

Isumaginninnermi siunnersortitut ilinniarsimasuussaatit imaluunniit kommunimi isumaginninnermi suliassalerisutut ukiuni qassiini misilittagaqarsimassallutit. Isumaginnittoqarfiup suliassalerisuinut ilaassaatit, aammattaarlu ilaatigut allaffissornermik suliallit, oqartussaqarfiit assigiinngitsut suleqatigiiffiat aammalu allat qanimut suleqatigissallugit.
Kingusinnerpaamik ulloq:
22. december 2015
Sumiiffik / immikkoortortaq:
Qaqortoq
Ulloq sulilerfissaq:
1. januar 2016
Aningaasarsiat:
A.K. Tjenestemandisut assingusut najoqqutaralugit
Suliassat:
•    Ataatsimut isiginnilluni suliassalerineq, tassunga ilanngullugu innarluutilinnut inatsisit malittarisassallu naapertorlugit saaffiginnittoqarnerani siunnersuineq ilitsersuinerlu. Innarluutilinnut sulianut agguataakkat. Oqartussaqarfiit assigiinngitsut suleqatigiiffiannut kiisalu aalajangiisartoqatigiinnut siunnersuusiorneq aammalu oqartussaqarfinnut allanut suliat pillugit allakkatigut oqaasiinnakkullu attaveqarneq.
•    Ataatsimut isiginnilluni suliassalerineq, tassunga ilanngullugu siusinaartumik pensionisiat, utoqqalinersiat pillugit inatsisit malittarisassallu naapertorlugit siunnersuineq ilitsersuinerlu. Oqartussaqarfiit assigiinngitsut suleqatigiiffiannut kiisalu aalajangiisartoqatigiinnut siunnersuusiorneq aammalu oqartussaqarfinnut allanut suliat pillugit allakkatigut oqaasiinnakkullu attaveqarneq.
•    Ingerlatsiviup aammalu sullissiviit allat, angajoqqaallu akornanni suleqatigiinnermik pilersitsissalluni.
•    Pensionisianut, innarluutilinnut, utoqqaat najugaqatigiiffiinut, kiisalu utoqqaat illuinut maleruagassanik nutarterisarneq. Pensionisiat innarluutillillu pillugit allaffeqarfimmut attaveqaataaneq.
•    Nunaqarfinnut attaveqaataaneq.
•    Utoqqarnut inissianut - utoqqaat najugaqatigiiffiinut kiisalu utoqqaat illuannut nuuttussanik tulleriiaarisartunut ilaasortaaneq
•    Ingerlatsivimmi suliassanut takkuttartunut peqataaneq.
•    Suliniutinut assigiinngitsunut peqataaneq.
•    Pigaartunut suliartoqquneqarsinnaasunut peqataassaaq.

Akisussaaffeqarfiit:
Innarluutillit kiisalu siusinaartumik pensionisiallit utoqqalinersiallillu pillugit inatsisit atuuttut naapertorlugit suliassalerineq.

Isumaginnittoqarfimmi sulisuuguit isumaginninnermi pigaartuusartunut ilaassaatit.

Naatsorsuutigaarput isumagissuusutit allanut ataqqinnittuullutit aamma inunnut inuuniarnerminni ajornartorsi-uteqartunut. Inuk qitiutissinnaassavat, aaqqiissutissanillu isumaliortuullutit. Attaveqarnermut pikkorissuussaatit, persuarsiortuunatit qiimasuullutilluk Persuarsiornartuni persuarsiornanngitsunilu inunnik peqateqallaqqissuussaatit. Kalaallisut danskisullu oqaaseqaruit iluaqutaassaqaaq.

Isumaqatigiissutit attuumassuteqartut naapertorlugit atorfinitsitsisoqassaaq.

Inissaqartitsisoqarsinnaavoq malittarisassat malillugit ineqarnermut qularnaveeqqutinullu akilerneqartartussamik, aamma angalanermut nutsernermullu aningaasartuutit malittarisassat atuuttut malillugit kommunimit isumagineqassapput.

Atorfik pillugu sukumiinerusumik paasisaqarumagaanni Qaqortumi attavigineqarsinnaavoq Bodil Svare bods@kujalleq.gl tlf. 70 41 00. Nittartagarput www.kujalleq.gl iserfigalugu kommuni pillugu annertunerusumik atuagaqarsinnaavutit.

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 28. december 2015 kom-munimit tiguneqareersimassapput uunga:

Kommune Kujalleq<br>Sulisoqarnermut immikkoortortaq<br>Postbox 514<br>3920 Qaqortoq<br>hr-afd@kujalleq.gl