Isumaginnittoqarfimmi Suliassalerisoq

Qaqortumi isumaginnittoqarfimmi sulisunik pikkorissunik tunniusimasunillu pissarsiorpugut piaarnerpaamik imaluunniit erseqqinnerusumik isumaqatigiissuteqarnikkut atorfinittussanik.
Allaffimmi kontorfuldmægtig-itut ilinniarsimasumik pissarsiorpugut, sulilertussap ilaatigut allaffissornikkut sulisuvut aammalu Saaffiginnittunik tigujoraasut naatsorsuussinikkullu suliallit suleqatigisassavai.
Nutaanik suleqatigiissitaliornikuuvugut, tamatumani siunertaraarput inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik sullissisoqarnissaa anguniarlugu.
Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarnissaa sulissutigalutigu.
Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut.
Kingusinnerpaamik ulloq:
30. december 2015
Sumiiffik / immikkoortortaq:
Qaqortoq
Ulloq sulilerfissaq:
1. januar 2016
Aningaasarsiat:
Tjenestemandisut assingusumik
Piginnaasatigut piumasaqaatit makkua pigissagitit naatsorsuutigaarput;
•    Kisitsisilerillaqqinneq aammalu ikiorsiissutinik naatsorsuillaqqinneq.
•    Qarasaasiat atorlugit naatsorsuinermi atortorissaarutinut ilisimasalik.

Takorloorparput allaffissornikkut ilinniarsimasuunissat aammalu:
•    Danskisut kalaallisullu allattariarsornikkut oqaatsitigullu piginnaasaqarluarnissat
•    Attaveqatigiinnissaq pikkoriffigigit, aammalu oqaloqatigittarnermi siunnersuinikkullu sulinermi misilittagaqarnissat
•    Ingerlatsinikkut sulinermi misilittagaqartuunissat
•    EDB-p atornissaanut misilittagaqarnissat, ilaatigut Outlook, Word aamma Excel atuisartutut atorsinnaassagitit
•    Aalajaatsuunissat, tunniusimanissat aammalu suliffimmut, suleqatinut sullitanullu tunngatillugu pitsaasumik isiginnittarnissat
•    Ingerlatsivimmi ulapaarfiusumik persuarsiorpalaanngitsumilu sulinissamut kajungerinninnissat

Isumaqatigiissutit naapertorlugit akissarsianut atorfeqarnermilu atugassaqartitsisoqassaaq.

Atorfik pillugu paasissutissat sukumiinerusut isumaginninnermi pisortamut Bodil Svare pissarsiariniarneqarsinnaapput oqarasuaatikkut: 64 53 74 imaluunniit isumaginninnermi suleqatigiit aqutsisuannut Marie Rødgaardimut oqarasuaat 64 53 56.

Qinnuteqaat ilinniagarisimasanik siusinnerusukkullu suliffigisimasanik paasissutissartalik, ilinniakkanut uppernarsaatinik, sulisitsisut oqaaseqaataannik allanillu ilallugu Qaqortumi Allaffeqarfimmut tunniunneqareersimassaaqkingusinnerpaamik 30. december 2015 kl. 12.00, uungalu nassiunneqassalluni:

Kommune Kujalleq<br>Sulisunut allaffik<br>Postboks 514<br>3920  Qaqortoq<br>Hr-afd@kujalleq.gl