Digitaliseringsmedarbejderissarsiorpoq

Kommune Kujalleq digitaliseringsmedarbejderissarsiorpoq

Kommune Kujalleq qarasaasialerisussarsiorpoq Qaqortumiittussamik, 1. januar 2016 isumaqatigiissuteqarnikkulluunniiit sulilersussamik.
Kingusinnerpaamik ulloq:
10. december 2015
Sumiiffik / immikkoortortaq:
Qaqortoq
Ulloq sulilerfissaq:
1. januar 2016
Aningaasarsiat:
A.K. funktionsoverenskomst
Kommune Kujalleq qitiusumik siammasissumillu qarasaasialerinermik suliniummik aallartitsisimavoq. 

Suliassarisussaassavatit qarasaasialerinermi pisariaqartitat, aaqqiissutissatut aqqutissat kiisalu taakku atuutinneqalernissaat.  
Suliniutini assigiinngitsuni kommunip ingerlatsiviinni assigiinngitsunut attuumassuteqartuni, sulisut pikkorissartinneqarneranni, ulluni aalajangersimasunik sammisaqartitsinermi il.il. aqutsisuussaatit aamma avataaniit suliniummut attuumassuteqartunik attaveqaataassaatit.
Qarasaasialerinermik aqutsisuussaatit kiisalu suliniutit siuariartornerannik allattoqarfimmut nalunaarusiortassaatit.
Makku ilinnut piumasaqaatigaagut: 
•   Suliniutinik aqutsinermik misilittagarneq, 
•   Qarasaasialerinermik digitalinngorsaanermillu misilittagaqarneq,
•   Suliassanik aaqqiissuteqartarnerni pitsaassutsimik ilisimasaqarluarnissaq
•   Immikkuualuttunik takunnissinnaassuseqarneq
•   Nammineerlutit sulisinnaassuseqartutit
•   Suliassanik ataatsimoortumik najoqqutassiorneq
•   Suliassat siuariartornerannik qulakkeereerinninneq
•   Niuernermik paasinnissinnaaneq
•   Allakkatigut oqaatitigullu attaveqarnissamik piginnaaneqarluartuuneq 

Akissarsianut atorfinitsitaanermullu atugassarititaasut Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.
Isumaqatigiissutit naapertorlugit atorfinitsinneqarneq akissarsiassallu aalajangersarneqassapput.

Atorfininnermut atatillugu inissannik tunineqarsinnaavutit, tassunga tunngatillugu inimut akiliut qularnaveeqqusissut, ilaallu ilanngullugit sukkulluunniit inatsisit atuuttut naapertorlugit akilerneqassallutik, soorluttaaq angalanermut nuunnermullu aningaasartuutit sukkulluunniit inatsisit atuuttut naapertorlugit akilerneqassallutik. Atorfik pillugu apeqqutissaqaruit allattoqarfimmi pisortaq Kim Dahl oqarasuaat +299 64 53 12, iml. mail atorlugu attaveqarfigisinnaavat kida@kujalleq.gl 

Qinnuteqarnissamut killiliussaq: 10. december 2015

Qinnuteqaat uunga nassiunneqassaaq: Kommune Kujalleq HR-afdelingen Postboks 514 3920 Qaqortoq hr-afd@kujalleq.gl