Inuussutissarsiornermut Suliffeqarnermullu Ingerlatsivimmi pisortassarsiorpoq

Februarip ulluisa aallaqqaataanni imaluunniit erseqqinnerusumik isumaqatigiissuteqarnikkut atorfinittussamik.

Atorfimmi Kommune Kujalleq sullinneqassaaq atorfillu Qaqortumi inissisimalluni.

Kommune Kujalleq nunatsinni kommunit kujallersaraat, tassaniippullu illoqarfiit Narsaq, Qaqortoq Nanortalillu kiisalu nunaqarfiit 11-it. Illoqarfiit imminnut qanittuupput inuussutissarsiornikkullu assigiissuteqaqalutik.
Kingusinnerpaamik ulloq:
15. januar 2016
Sumiiffik / immikkoortortaq:
Qaqortoq
Ulloq sulilerfissaq:
1. februar 2016
Aningaasarsiat:
Atorfik Kalaallit Nunaanni Ilinniagartuut Suleqatigiiffiata (ASG) pisortanut isumaqatigiissutai naapertorlugit akissarsiaqarfiussaaq. Inissaqartitsisoqarsinnaavoq malittarisassallu atuuttut malillugit akilersorneqassaaq

Kommunimi inuussutissarsiornerup suliffeqarnerullu nukittorsarneqarnissaannik Kommune Kujalleq kissaateqarpoq kiisalu nunatta kujaterpiaani periarfissarpassuarnut silarsuup sinnerata ilisimaarinnilernissaanik kissaateqarluni. Inuussutissarsiutit tamalaat, aatsitassat kommunip ineriartortitsivianut atasut kisimik pinnatik, suliassaqarfimmut ilaapput. Suliffeqarnermut tunngasut nukittorsarneqarnissaat immikkut sammineqassaaq, tamanna ilaatigut suliffissarsiuussisarfiit, siunnersuisarfiit piginnaanngorsaaviillu nutaat pingasut pilersinnerisigut tamanna pissalluni.

Inuussutissarsiornermut pisortaq nutaaq inuussutissarsiortunik, aningaasaliisartunik aammalu pisortani namminersorrtunilu suleqatinik allanik siammasissumik suleqateqassaaq, aammalu kommunip iluani suliassaqarfinnut allanut amerlasuutigut attuumassuteqassalluni.  Qaninnerpaamik suleqatissattut taaneqarsinnaasut ilaat tassaapput ineriartortitsinermut pisortaq kiisalu kommunip pisortaanera, taannalu aamma qaninnerpaatut qullersarissavat.

Suliassatigut piginnaasat.

·         Naleqquttumik ilinniagaqarsimassaatit, ajornanngippat ilinniagartuujussallutit.

  • Ukiorpassuarni aqutsinermut misilittagaqassaatit.
  • Kalaallit Nunaanni pissutsinik ilisimasaqarluassaatit
  • Kalaallit Nunaanni suliffeqarnermut tunngasunik ilisimasaqarluassaatit, soorlu suliffissarsiuussineq, piginnaanngorsaaneq ilinnialersussanillu sullissineq ilisimasaqarfigilluassallugit.
  • Nunatsinni inuussutissarsiornermi atugassarititaasunik ilisimasaqassaatit tamannalu aqqutigalugu kujataani najugassittarneq inuussutissarsiornerlu nukittorsassallugit,
  • Ammasuussaatit, suliffeqarfinnik nutaanik qarmaasinnaassuseqassallutit aammalu ilisimasanik suliffeqarfinnut ingerlatitseqqiisinnaassuseqassallutit.
  • Inuussutissarsiortut suleqatigiiffiinut kattuffiinullu kiisalu ingerlatseqatigiiffinnut suleqateqarnermut misilittagaqassaatit ineriartorneq pitsaasoq patajaatsorlu pilersissinnaajumallugit.
  • Suliniutit aalajangersimasut aallaavigalugit suliniartartuussaatit.
  • Suliffeqarfinnut, ingerlatseqatigiiffinnullu allanullu siunnersuinermut misilittagaqassaatit.

Inuttut piginnaasat:

·         Aalajangersimasumik siunnerfeqarlutit periaaseqarlutillu sulisinnaassaatit aammalu kommunimi politikkikkut aqutaasumi sulisinnaassuseqassallutit.

·         Suliniutinik aallarniisartuussaatit naammassinnittartuullutillu.

·         Suleqatigiilersitsillaqqissuussaatit kajumissusermillu siammarterillaqqissallutit.

  • Susassaqarfiit akimorlugit suleqatiginnissinnaassaatit.

·         Ulapaarfimmi sullerissuussaatit (aamma suliassat ataatsikkut arlallit ingerlakkaluaraangakkilluunniit)

  • Qinnuteqaateqartut marluinnik oqaasillit orniginartinneqarnerupput

Akissarsiat atorfinitsitaanermilu atugassarititaasut:

Atorfik kiisalu imarisai pillugit sukumiinerusumik paasisaqarusukkaanni pisortaaneq Frank H. Jørgensen oqarasuaat 64 53 13 atorlugu imaluunniit mail fhj@kujalleq.gl  atorlugu.

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri  kingusinnerpaamik ulloq 15. januar 2016 nal. 12.00 kommunimit tiguneqareersimassapput, uungalu nassiunneqassallutik:

Kommune Kujalleq

Postboks 514

3920 Qaqortoq

hr-afd@kujalleq.gl