Meeqqanut Inuusuttunullu pissarsiorpoq Inunnik Isumaginnittoqarfimmut Qaqortumiittumut Pissarsiorpoq

Kommune Kujalleq Qaqortumi Meeqqat Inuusuttullu pillugit isumaginninnermut siunnersortinik pikkorissunik tunniusimasunillu ulloq 01. februar 2016 imaluunniit isumaqatigiissusioqatigiinnikkut sulilersinnaasunik pissarsiorpoq
Kingusinnerpaamik ulloq:
6. januar 2016
Sumiiffik / immikkoortortaq:
Qaqortoq
Ulloq sulilerfissaq:
1. februar 2016
Aningaasarsiat:
Atorfeqarneq akissarsiaqarnerlu Namminersorlutik Oqartussani Kommuninilu atorfinni tjenestemandinut assingusuni qaffasissusiliineq pillugu isumaqatigiissutit malillugit pissapput

Isumaginninnermut siunnersortimik ilinniarsimasumik meeqqat inuusuttullu pillugit sullissinikkut misilittagalimmik pissarsiorpugut. Atorfik Qaqortumi inissisimavoq.

Sulininni annertuumik Meeqqat, Inuusuttut aammalu Ilaqutariit pillugit malittarisassat naapertorlugit sullissineq ingerlattassavat, ilaatigut iliuusissatut pilersaarusiornerit, isumaginninnikkut nalunaarusiornerit aammalu susassaqarfiit akimorlugit suleqatigiinnermut ataatsimiititamut innersuusiornerit suliarisassavatit.

Aamma suliat meeqqanut tunngasut ajornakusoornerit ilungersunarnerillu pillugit eqeersimaartumik sullissisinnaassaatit. 

Isumaginnittoqarfik nutaamik aaqqissorneqaqqammerpoq tassanilu kissaatigineqarpoq meeqqanut inuusuttuaqqanullu sullissineq ineriartortinneqarlunilu pitsanngorsarneqassasoq.

Taamaammat inunnu tsuliassalerineq aallunneqartussanngorlugu aaqqissorneqarpoq naatsorsuinerit allaffissornikkullu suliassat allat tamarmik Tigooraasunit naatsorsuisartunillu suliarineqassammata.

Suliassalerisunik nutaanik ineriartortitsinitsinni peqataarusukkuit attavigitigut. 

Naatsorsuutigaarput:

  • Isumaginninnermut siunnersortitut/sullissisutut ilinniarsimasuunissat
  • Inatsisit naapertorlugit sulinermik ilisimasaqarnissat.
  • Meeqqat Inuusuttullu pillugit misilittagaqarnissat
  • Attaveqallaqqissuunissat
  • Sulianik toqqortuinermik nalunaarsuinermillu sungiussisimasuunissat
  • Patajaatsuusutit
  • Suleqatiginninnisssamut oqartussanillu allanik suleqateqarnissamut piginnaasagissaarnissat
  • Isumaginninnermi unammillernartumi sunniuteqaqataallutit iliuuseqarusussuseqarnissat

 Uagut neqeroorutigisinnaavavut;

  • Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqassaatit.
  • Atorfik pissanganartuuvoq sulianik unammillernartunik namminersuutigisassanik imaqartoq, ilinniartitaaneq pikkorissarneqartarnissarlu sulinermi annertuumik pingaartinneqarlutik.
  • Sulinikkut avatangiisit pitsaasut eqeersimaarfiusullu.
  • Inigisaq pitsaasoq

Inissaqartitsisoqarsinnaavoq malittarisassat malillugit ineqarnermut qularnaveeqqutinullu akilerneqartartussamik, aamma angalanermut nutsernermullu aningaasartuutit malittarisassat atuuttut malillugit kommunimit isumagineqassapput.

Atorfik pillugu paasissutissat sukumiinerusut oqartussaasutut akisussaasuugallartumut uunga saaffiginninnikkut pissarsiarineqarsinnaapput: Isumaginninnermi pisortaq Bodil Svare oqarasuaat 64 53 73. Nittartagarput www.kujalleq.gl iserfigalugu kommuni pillugu annertunerusumik atuagaqarsinnaavutit

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri kingusinnerpaamik ulloq 06. januar 2016 nal. 12.00 kommunimit tiguneqareersimassapput, kommunillu mailianut nassiunneqassallutik: hr-afd@kujalleq.gl

Kommune Kujalleq HR-afdeling

Postboks 514

3920 Qaqortoq

hr-afd@kujalleq.gl