Isumaginnittoqarfimmi suliassalerisut

Qaqortumi isumaginnittoqarfimmi sulisunik pikkorissunik tunniusimasunillu pissarsiorpugut 01. marts 2016 imaluunniit erseqqinnerusumik isumaqatigiissuteqarnikkut atorfinittussanik.
Kingusinnerpaamik ulloq:
22. februar 2016
Sumiiffik / immikkoortortaq:
Isumaginnittoqarfik Qaqortoq
Ulloq sulilerfissaq:
1. marts 2016
Aningaasarsiat:
Isumaqatigiissutit atuuttut naapertorlugit akissarsianut atorfeqarnermilu atugassaqartitsisoqassaaq.

Isumaginnittoqarfimmi atorfik (Sullitassanik tigooraavik naatsorsuititsisarfik) Isumaginninnermut Siunnersortimik/sullissisumik marsip aallaqqaataaniit 2016 isumaqatigiissuteqarnikkulluunniit sulilersussamik pissarsiorpugut.

Isumaginninnermi siunnersortitut ilinniarsimasumik, kommunimiluunniit isumaginninnermi suliassalerinermi misilittagaqartumik pissarsiorpugut. Atorfik Qaqortumi inissisimavoq. Qullersaq qaninneq tassaassaaq susassaqarfimmi ilinniagallit pisortaat suliassaqarfigissavallu Sullitassanik tigooraavik Naatsorsuititsisarfillu.

Nutaanik suleqatigiissitaliornikuuvugut, tamatumani siunertaraarput inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik sullissisoqarnissaa anguniarlugu.

Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarnissaa sulissutigalutigu.

Suliassat makkupput:

  • makku sullissinerit  Pisortanit ikiorsiissutit  
  • Siusinaartumik pensionit tapiissutillu
  • Utoqqalinersiat tapiissutillu -             
  • Paaqqinninnersiutit naliginnaasut
  • Angajoqqaat  akiligassaannit akiliisitsiniutit– meeqqat angerlarsimaffiup avataanut inissitat

Naatsorsuutigaarput atorfimmut atatillugu makku piginnaaffigissagitit:

  • Inatsisit malillugit qanoq sulinissat ilisimassagit.
  • Kisitsisilerillaqqinneq aammalu ikiorsiissutinik naatsorsuillaqqinneq.
  • Excel allallu naatsorsueriaatsit ilisimasaqarfiginissaat
  • inerisimassaatit nuannersumik eqqarsartariaaseqarlutit akisussaaffeqartuussallutillu
  • nammineq sulisinnaassuseqassaatit peqqissaartuullutit suliassallu sukumiisumik suliarisinnaassallugit
  • nikerartumik sulisinnaassuseqarlutit sualeqartikkuminartuussallutillu
  • Suleqatigiit ulapaaqisut pitsaasumik ilannguffiginissaat pingaaruteqarpoq.

Suleqatigiit eqqarsaatigalugit sulisut sulinngiffeqarnerni napparsimanerni peqannginnernilu allanik peqqutilinnik sulianut tunngatillugu imminnut ataqatigiilluarnissaat pingaartinneqarpoq.

Atorfinitsitsineq isumaqatigiissutit naapertorlugit atuutsinneqassaaq.  Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

Atorfimmut atatillugu paasissutissat sukumiinerusut susassaqarfimmi ilinniagalik Marie Rødgaard oqarasuaammut 64 53 56-mut paasiniarneqarsinnaapput.

Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut. Qinnuteqaat ilinniakkamik aammalu siusinnerusukkut suliffigisimasat pillugit paasissutissanik, ilinniakkamik allagartap il.il. ilalik faxnr: 70 41 77, kommunimi tiguneqareersimassaaq  kingusinnerpaamik 22. februar 2016 uungalu nassiunneqassalluni:


Kommune Kujalleq

postboks 514

3920 Qaqortoq

hr-afd@kujalleq.gl