Isumaginninnermi Siunnersorti suliassalerisut marluk

Isumaginnittoqarfik isumaginnittoqarfimmi saaffiginnittunik tigooraasunik naatsorsuisartunilu marlunnik isumaginninnermi siunnersortinik / suliassalerisunik 01.april 2016 atorfinittussanik erseqqinnerusumilluunniit isumaqatigiissuteqarnikkut atorfinittussanik pissarsiorpoq.
Kingusinnerpaamik ulloq:
23. marts 2016
Sumiiffik / immikkoortortaq:
Qaqortoq
Sivisussusaa:
Ataavartumik
Ulloq sulilerfissaq:
1. april 2016
Aningaasarsiat:
Isumaqatigiissutit atuuttut naapertorlugit
Isumaginninnermi siunnersortitut ilinniarsimasunik imaluunniit kommunimi isumaginninnermi suliassalerinikkut misilittagaqartunik sulisussarsiorpugut. Atorfiit Qaqortumi inissisimapput. Qullersaq qaninneq tassaassaaq susassaqarfimmi ilinniagallit pisortaat suliassaqarfigissavallu Sullitassanik tigooraavik Naatsorsuititsisarfillu.

Suleqatigiuvugut siunertaraarpullu inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik sullissisoqarnissaa anguniarlugu.
Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarnissaa sulissutigalutigu.

Suliassat makkupput:
• Makku pillugit sullissinerit Pisortanit ikiorsiissutit
• Erninermi ullormusiat
• Ineqarnermut tapiissutit suliarineqarneri
• Meeqqanut tapit suliarineqarneri
• Paaqqinninnersiutit nalinginnaasut
• Angajoqqaat akiligassaannit akiliisitsiniutit – meeqqat angerlarsimaffiup avataanut inissitat
• Innuttaasunik tigooraanerit
Naatsorsuutigaarput atorfimmut atatillugu makku piginnaaffigissagitit:
• Inatsisit malillugit qanoq sulinissat ilisimassagit.
• Kisitsisilerillaqqinneq aammalu ikiorsiissutinik naatsorsuillaqqinneq.
• Excel naatsorsueriaatsillu allat, aamma winformatik, ilisimasaqarfiginissaat
• inerisimassaatit nuannersumik eqqarsartariaaseqarlutit akisussaaffeqartuussallutillu
• nammineq sulisinnaassuseqassaatit peqqissaartuullutit suliassallu sukumiisumik suliarisinnaassallugit
• nikerartumik sulisinnaassuseqarlutit sualeqartikkuminartuussallutillu
• Suleqatigiit ulapaaqisut pitsaasumik ilannguffiginissaat pingaaruteqarpoq.

Suleqatigiit eqqarsaatigalugit sulisut sulinngiffeqarnerni napparsimanerni peqannginnernilu allanik peqqutilinnik sulianut tunngatillugu imminnut ataqatigiilluarnissaat pingaartinneqarpoq.

Atorfinitsitsineq isumaqatigiissutit naapertorlugit atuutsinneqassaaq. Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

Atorfimmut atatillugu paasissutissat sukumiinerusut suliaqarfimmi pisortamut Marie Rødgaardimut oqarasuaat 64 53 56 Imaluunniit e-mail marr@kujalleq.gl atorlugu paasiniarneqarsinnaapput.

Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut. Qinnuteqaat ilinniakkamik aammalu siusinnerusukkut suliffigisimasat pillugit paasissutissanik, ilinniakkamik allagartap il.il. ilalik, kommunimi tiguneqareersimassaaq kingusinnerpaamik 01. april 2016 uungalu nassiunneqassalluni

Kommune Kujalleq
Sulisoqarnermut allaffik
Postboks 514
3920 Qaqortoq
hr-afd@kujalleq.gl