Isumaginninnermut Siunnersorti

Qaqortumi Isumaginnittoqarfimmi sullitassanik tigooraasartut naatsorsuisartullu
isumaginninermi siunnersortimik / suliassalerisumik pikkorissumik pissarsiorput
Kingusinnerpaamik ulloq:
23. marts 2016
Sumiiffik / immikkoortortaq:
Qaqortoq
Ulloq sulilerfissaq:
1. april 2016
Aningaasarsiat:
AK tjenestemandslignende
Kommune Kujalleq pikkorissumik tunniusimasumillu Qaqortumi immikkoortortatsinnut sulisussarsiorpoq. april 2016 imaluunniit erseqqinnerusumik isumaqatigiissuteqarnikkut atorfinittussamik. 

Isumaginninnermi siunnersortitut ilinniarsimasumik, kommunimiluunniit isumaginninnermi suliassalerinermi misilittagaqartumik pissarsiorpugut. Atorfik Qaqortumi inissisimavoq. 

Sulianerpit ilarujussuani Pisortanit ikiorsiissutit pillugit inatsit naapertorlugu isumaginninnermi suliassalerisassaatit.
Suleqatigiit, suliamik aqutsisoq suliassalerisullu allat arfineq-pingasut, peqataaffigissavatit suliatigullu tapersersoqatigiittassallusi.

Nutaanik suleqatigiissitaliornikuuvugut, tamatumani siunertaraarput inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik sullissisoqarnissaa anguniarlugu.
Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarnissaa sulissutigalutigu.
Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut.
 
Piginnaasatigut piumasaqaatit makkua pigissagitit naatsorsuutigaarput;
•    Inatsisit malillugit qanoq sulinissat ilisimassagit.
•    Kisitsisilerillaqqinneq aammalu ikiorsiissutinik naatsorsuillaqqinneq.
•    Qarasaasiatigut kisitsissutinik allanillu atuillaqqinneq.
•    Innuttaasunik sullissineq ilisimasaqarfigissavat - aamma attaveqatigiinneq pitsaasoq.
•    Suleqatigiit ulapaaqisut pitsaasumik ilannguffiginissaat pingaaruteqarpoq.

 Uagut neqeroorutigisinnaavavut;
•    Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqassaatit.
•    Atorfik pissanganartuuvoq sulianik unammillernartunik namminersuutigisassanik imaqartoq, ilinniartitaaneq pikkorissarneqartarnissarlu sulinermi annertuumik pingaartinneqarlutik.
•    Sulinikkut avatangiisit pitsaasut eqeersimaarfiusullu.

Atorfinitsitsineq akissarsiallu kattuffiit isumaqatigiissutaat naapertorlugit isumaqatigiissuteqarnerluunniit naapertorlugu pissapput.
Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

Atorfik pillugu paasissutissat sukumiinerusut suliamik aqutsisumut saaffiginninnikkut pissarsiarineqarsinnaapput: Marie Rødgaard oqarasuaat 64 53 56. Nittartagarput www.kujalleq.gl iserfigalugu kommuni pillugu annertunerusumik atuagaqarsinnaavutit. Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 21. marts 2016 kommunimit tiguneqareersimassapput, kommunillu mailianut nassiunneqassallutik: Kommune Kujalleq, Postboks 514, 3920 Qaqortoq

64 53 56

hr-afd@kujalleq.gl