Isumaginninnermi Siunnersortit Aqutsisuat

Kommune Kujalleq pissarsiorpoq pensionisianik, innarluutilinnik utoqqarnillu suliaqarfimmi sulisussanik pikkorissunik tunniusimasunillu kiisalu Qaqortumi inissisimasussanik 01. Maj 2016 imaluunniit erseqqinnerusumik isumaqatigiissuteqarnikkut atorfinittussanik.
Kingusinnerpaamik ulloq:
20. april 2016
Sumiiffik / immikkoortortaq:
Qaqortoq
Sivisussusaa:
Ataavartumik
Ulloq sulilerfissaq:
1. maj 2016
Aningaasarsiat:
Isumaqatigiissutit atuuttut naapertorlugit

Isumaginninnermi siunnersortitut ilinniarsimasuussaatit imaluunniit kommunimi isumaginninnermi suliassalerisutut ukiuni qassiini misilittagaqarsimassallutit. Isumaginnittoqarfiup aqutsisuinut ilaassaatit, aammattaarlu ilaatigut allaffissornermik suliallit, oqartussaqarfiit assigiinngitsut suleqatigiiffiat aammalu allat qanimut suleqatigissallugit.

 

Suleqatigiit pensionisiat, innarluutillit utoqqaallu pillugit suliassalerisut akisussaaffigissavatit, tassanilu suliassartaat aallunneqassapput naatsorsuinerit allaffissornikkullu suliassartaat allat Tigooraasunit naatsorsuisartunillu isumagineqassammata.

Isumaginnittoqarfik nutaamik aaqqissorneqarluni aallarteqqammerpoq, kissaatigineqarporlu suliassaqarfimmi tassani pitsaassuseq ineriartortinneqarlunilu qaffassarneqassasoq. Suliassanut nutaanut aammalu suleqatigiinnik ineriartortitsinissamut sapiissuseqarlutillu kajumissuseqassaatit.

 

Suliassat:

  • Suliassaqarfimmi tassani suliassalerisunut pingasunut tamarmik Qaqortumiittunut aqutsisuuneq.
  • Ataatsimut isiginnilluni suliassalerineq, tassunga ilanngullugu innarluutilinnut inatsisit malittarisassallu naapertorlugit saaffiginnittoqarnerani siunnersuineq ilitsersuinerlu. Innarluutilinnut sulianut agguataakkat. Oqartussaqarfiit assigiinngitsut suleqatigiiffiannut kiisalu aalajangiisartoqatigiinnut siunnersuusiorneq aammalu oqartussaqarfinnut allanut suliat pillugit allakkatigut oqaasiinnakkullu attaveqarneq.
  • Ataatsimut isiginnilluni suliassalerineq, tassunga ilanngullugu siusinaartumik pensionisiat, utoqqalinersiat pillugit inatsisit malittarisassallu naapertorlugit siunnersuineq ilitsersuinerlu. Oqartussaqarfiit assigiinngitsut suleqatigiiffiannut kiisalu aalajangiisartoqatigiinnut siunnersuusiorneq aammalu oqartussaqarfinnut allanut suliat pillugit allakkatigut oqaasiinnakkullu attaveqarneq.
  • Ingerlatsiviup aammalu sullissiviit allat akornanni suleqatigiinnermik pilersitsissalluni.
  • Suliassaqarfimmi tassani suliassalerinermi suleriaatsinik allanngutsaaliuineq ineriartortitsinerlu
  • Nunaqarfinnut attaveqaataaneq.
  • Aalajangiisartuni / Utoqqaat najugaqarfiinut - utoqqaat najugaqatigiiffiinut utoqqaallu illuinut inissittussanik tulleriiaariartuni peqataaneq

 

Akisussaaffeqarfiit:

Innarluutillit kiisalu siusinaartumik pensionisiallit utoqqalinersiallillu pillugit inatsisit atuuttut naapertorlugit suliassalerineq.

 

Naatsorsuutigaarput isumagissuusutit allanut ataqqinnittuullutit - aamma inunnut inuuniarnerminni ajornartorsiuteqartunut. Inuk qitiutissinnaassavat, aaqqiissutissanillu isumaliortuullutit. Attaveqallaqqissuussaatit, aammalu persuarsiortuunak qiimasuussallutit. Allanik peqateqallaqqissuussaatit inunnut attaveqallaqqillutit allat persuarsiornartuni persuarsiornanngitsunilu peqatigisinnaaniassagakkit.

Kalaallisut danskisullu oqaaseqaruit iluaqutaassaqaaq.

 

Isumaqatigiissutit attuumassuteqartut naapertorlugit atorfinitsitsisoqassaaq.

 

Inissaqartitsisoqarsinnaavoq malittarisassat malillugit ineqarnermut qularnaveeqqutinullu akilerneqartartussamik, aamma angalanermut nutsernermullu aningaasartuutit malittarisassat atuuttut malillugit kommunimit isumagineqassapput.

 

Atorfik pillugu sukumiinerusumik paasisaqarumagaanni Qaqortumi attavigineqarsinnaavoq isumaginninnermi pisortaagallartoq Peter Sonberg peso@kujalleq.gl imaluunniit tlf. 70 41 00. Nittartagarput www.kujalleq.gl iserfigalugu kommuni pillugu annertunerusumik atuagaqarsinnaavutit

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 06. januar 2016 kommunimit tiguneqareersimassapput, kommunillu mailianut nassiunneqassallutik:

 

Kommune Kujalleq

Postboks 514

3920 Qaqortoq

hr-afd@kujalleq.gl