Perorsaanikkut Siunnersortimik

Maajip aallaqqaataani 2016 imaluunniit kingusinnerulaartukkut atorfinittussamik Kommune Kujalleq perorsaanikkut siunnersortimik pissarsiorpoq. Atorfik Qaqortumi inissisimavoq.
Inissisimaffia: MISI – Siunnersuisarfik Qaqortumiittoq.
Pisortarisassaq: MISI-mi pisortaq, tarnip pissusaanik immikkut ilisimasalik.
Kingusinnerpaamik ulloq:
5. april 2016
Sumiiffik / immikkoortortaq:
Qaqortoq
Sivisussusaa:
Ataavartumik
Ulloq sulilerfissaq:
1. maj 2016
Aningaasarsiat:
Isumaqatigiissut atuuttut najoqqutaralugit

Piumasaqaatit:

• Perorsaasutut ilinniarsimaneq.
• Saniatigut ilinniaqqissimanissaq pingaartinneqarpoq.
• Allaffissornikkut misilittagaqarnissaq qarasaasialerisinnaanissarlu.
• Iluaqutaavoq kalaallisut qallunaatullu oqalussinnaaneq.
Perorsaanikkut siunnersortip suliarissavai:
• Perorsaanikkut siunnersortip suliassarai Kommune Kujallermi meeqqerivinni sulisut siun-nersortaaffiginissai meeqqeriveqarnermullu nakkutigisassat ineriartortitsinerullu ingerlan-nissaat.
• Meeqqanut kultureqarnermullu Ingerlatsiviup pisortaanut ulluunerani neqerooruteqartar-nernut attuumassutilinnut siunnersortitut sulineq
• Inatsisit pillugit paasissutissiineq, meeqqeriviillu inatsisit malillugit ingerlanerannik nak-kutilliineq
• Perorsaanikkut sulianik anguniagaqarnikkut siunnersuineq ulluuneranilu neqeroorutit tamaasa ukiumut pilersaarusiortarlugit.
• Ulluunerani neqeroortarnerni tamani, meeqqat tamarmik nalilersorneqarneri uppernarsaa-siornerilu pillugit, sulisunik siunnersuineq, matumani TRAS, RABU aamma SPU atorlugit.
• Avataani suleqatit peqatigalugit, suleqatigiinnik pilersitsinissamik ilitsersuineq.
• Ulluunerani neqerooruteqartarnermi pisortanik coaching aamma MUS suliaralugit. Pikkoris-sarnerit ilinniaqqinnerillu aqqutigalugit, sulisut ataavartumik ineriartortinneqartarnissaannut qulakkeerinninneq.
• Taakku sanatigut killilimmik MISI’p suliaanut tunngasunik suleqataasassaaq, siunnersui-nermut ilitsersuinermullu tunngasunik kiisalu meeqqat immikkut pisariaqartitsisut pillugit nakkutiginninnermut misiliinermullu tunngasunik.
• MISI-mi sulisut ataatsimeeqatigiittarnerini peqataasarneq.

Atorfimmut atatillugu angalasarnissaq naatsorsuutigineqassaaq.

Atorfininnermi atugassarititaasut:
Atorfinitsitsinermi tunngavigineqassaaq Naalakkersuisut aamma Atorfillit Kattuffiata akornanni isumaqatigiissut, § 1 imm. 9 malillugu, akissaatit inissisimaffiat 21 – 25 kiisalu suliartoqqusaasin-naanermut tapit § 7 malillugu.

Inissaqartitsisoqassaaq maleruagassat malillugit tunniunneqarsinnaasumik.

Atorfimmut tunngatillugu annertunerusumik paasisaqarusukkuit uunga saaffiginnissaatit:

Meeqqeriviit pillugit pisortaq Maj-Britt Serani e-mail: majf@kujalleq.gl, oqarasuaat 70 41 00, toq-qaannartoq 61 41 09 aamma saaffigineqarsinnaavoq Trudy Høy Kreutzmann, oqarasuaat 70 41 00, toqqaannartoq 64 54 33, thkr@kujalleq.gl .

Qinnuteqartoq atorfinitsitaasussaq, piumasaqarfigineqassaaq Inatsisartut inatsisaat meeqqanut pinerliisimannginnermut uppernarsaatinik piumasaqaateqartussaatitaaneq tunngavigalugu meeqqa-nut pinerliisimannginnermut uppernarsaammik.

Qinnuteqarfissaq kingulleq marlunngorneq 5. april 2016.

Qinnuteqaat, ilinniarsimanermik ilinniaqqissimanermillu uppernarsaatinik, suliffigisimasanilu oqaaseqaatinik ilallugu nassiunneqassaaq uunga:

Kommune Kujalleq
Meeqqanut Kultureqarnermullu Ingerlatsivik
Postboks 166
3922 Nanortalik
E-mail: bkforv@kujalleq.gl

Nalunaaqutserlugu: Perorsaanermut siunnersorti