Fagchefi - Immikkoortortami pisortaq ALLAGARSIUTEQQITAQ

Utoqqarnut, innarluutilinnut tarnimikkullu nappaatilinnut tunngatillugu immikkoortortaqarfimmi aqutsisoq/Fagchefi

Kommune Kujalleq atorfimmut nutaamut immikkoortortaqarfimmi aqutsisumik ulloq 01. juni 2016 imaluunniit isumaqatigiissusiornikkut atorfinissinnaasumik pissarsiorpoq
Kingusinnerpaamik ulloq:
2. maj 2016
Sumiiffik / immikkoortortaq:
Qaqortoq
Sivisussusaa:
Ataavartumik atorfinittussaq
Ulloq sulilerfissaq:
1. juni 2016
Aningaasarsiat:
isumaqatigiissutit naapertuutut malillugit
Kommune Kujalleq tassaaavoq kommuni ineriartortoq, utoqqarnut, innarluutilinnut tarnimikkullu nappaatilinnut tunngatillugu nutaamik aaqqissuussivigineqarnikoq.
Illit tassaavit Kommune Kujallermi innuttaasut ikiortariallit isumassortariallillu pitsaasumik sullinnissaannut piginnaasaqarlunilu sulerusussuseqartoq?
Ilinniakkat atorlugu piviusunngortitsisarnissat takorloortarpiuk?
System kisiat pinnagu innuttaasunut ataasiakkaanut isumalimmik peqqinnissap sulissutiginissaa soqutigaajuk?
Taamaappat tassaasinnaavutit sullissinermi aaqqissuussaaanerup nutaap atulersinneqarnissaanut siuttussatut aqutsisoq ujagarput.

Naatsorsuutigaarput:
• Tunniusimallutillu patajaatsuunissat, allat aqqutigalugit sulianik iluatitsisinnaassasutit, iluatitsinissamullu ersarissunik tunaartarisassiisinnaanissat
• Iluatsittumik angusaqarfiusumillu aqutsinikkut misilittagaqarnissat
• Suleqatit aqussinnaassagitit aammalu ineriartortillugit
• Suliatigut siammasissumik ingerlariaaseqarnissat, aammalu suleqatit attuumassuteqartullu pingaartillugit suleriaaseqarnissat
• Innuttaasunik qitiutitsisarnissat - aammali eqqummaffigalugu - suut tamarmik aningaasaqarnikkut sinaakkusiunneqarsimasut iluanniinngimmata, pingaarnersiuisinnaaneq imaannanngitsunillu aalajangiisinnaaneq piginnaasaqarfigissavatit
• Ingerlatsinermut piginnaasaqarnissat, qularnaatsumillu isumalluutinik aningaasaqarnikkullu aqutsisinnaassallutit
• Suliassat ataatsimoorussassat pillugit inunnillu isumaginnittoqarfik tamaat pillugu aqutsisoqatigiit sinnerisa suleqatiginissaat piginnaasaqarfigissavat

Neqeroorutigaavut:
• Immikkoortortaqarfik kommunimi aaqqissuussaanikkut allannguinermut atatillugu allanngortiterneqaleruttortoq
• Kommunimi illoqarfinni anginerni pingasuusuni immikkoortortaqarfiup iluaniipput suliffeqarfiit, najugaqatigiit, angerlarsimaffimmi ikiortit il. il.
• Atorfik kiffaanngissuseqarfiusoq ulluinnarni ingerlatsinermik akisussaaffittalik
• Sulisut piumassusillit ineriartuutaasumik suleqatigiinnissamik anguniagallit
• Isumaqatigiissutit atuuttut naapertorlugit atorfinitsinneqarneq

Isumaqatigiissutit atuuttut naapertorlugit atorfinitsinneqarneq akissarsialerneqarnerlu.
Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

Atorfik pillugu sukumiinerusumik paasisaqarusukkuit Isumaginninnermut pisortagallartoq Peter Sonberg attaviginissaanut tikilluaqqusaavutit, oqarasuaat: 64 53 74 imaluunniit mail: peso@kujalleq.gl
Aammattaaq atorfiup allaaserineqarnera sulinermullu najoqqutassiaq piniarneqarsinnaapput

Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat pillugit paasissutissat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 02. maj 2016 kommunimit tiguneqareersimassapput
Atorfimmik neqeroorfigineqassaguit atorfinitsinneqarnermi innersuussutinik ilaatigullu pinerlussimannginnermut uppernarsaammik piniartoqarnissaa naatsorsuutigissavat.

Qinnuteqaat uunga nassiunneqassaaq:
Sulisoqarnermut immikkoortortaqarfik
Kommune Kujalleq
3920 Qaqortoq
hr-afd@kujalleq.gl