Oqalutsi Nutserisoq ALLAGARSIUTEQQITAQ

Kommunimi sunut tamanut malinnaallutit pissutsinillu allanngueqataasinnaallutit atorfeqarusuppit? Taamaappat taava Kommune Kujallermi oqalutsinngornissannut piukkunnarputit.
Kommune Kujalleq Qaqortumi oqalutsisut nutserisutullu atorfik inuttassarsiorneqarpoq Aggustip ulluisa aallaqqaataani 2016 isumaqatigiissuteqarnikkulluunniit atorfinitsinneqartussanik.
Kingusinnerpaamik ulloq:
17. juni 2016
Sumiiffik / immikkoortortaq:
Qaqortoq
Ulloq sulilerfissaq:
1. august 2016
Aningaasarsiat:
Isumaqatigiissut atuuttut naapertorlugit
Atorfinittussaq annermik qitiusumik allaffeqarfiup allakkatigut nutsigassaataanik, avammut saqqummiussassanik, sullissivinnit assigiinngitsunit nalunaarusianik assigisaannillu suliaqartassaaq, kisiannili aamma politikkikkut allaffissornikkullu ataatsimiittoqarnerani, innuttaasunik ataatsimiititsinermi assigisaannilu (toqqaannartumik) oqaluttaasassaaq.

Nutserissut SDL Translation Management Systemet nutsigassanut atorneqartarpoq pisariaqartitsinerlu malillugu atornissaa suliffimmi ilinniartitsissutigineqarsinnaalluni.

Suliassat nalinginnaasumik qaffasissuusarput tassami nutsigassat oqaluttaaffissallu annikinnerusut allaffissornikkut sulialinnit isumagineqartarmata.

Taamaammat atorfik inuttalerneqarusuppoq suleqatimik aalajaatsumik, soqutiginnittumik aammalu tamatigoortumik, oqaatsinik piumasarineqartunik piginnaanilimmik. Kalaallisut qallunaatullu oqaatsit pingaarnerupput, qinnuteqartulli nunat allat oqaasiinik, ingammik tuluttut, piginnaannillit pingaartinneqassapput. Qinnuteqartut pisortat ingerlatsiviiniit, aammalu inatsisinik aammalu atortorissaarutitigut tunngassutilinnik misilittagallit pingaartinneqarnerussapput.

Kommunip aaqqissugaanerani atorfik allattoqarfimmiippoq, nutserisoqarfilli sisamanik sulisoqartussatut aalajangigaasoq nutserisut aqutsisuannit siulersorneqarpoq.

Sulisumut naleqquttumut atorfimmi suliassat pissanganartut amerlaqaat, atorfillu tigussagaani eqaatsuusariaqarpoq, suliffimmi politikkimik suliaqarfiusumi sulisinnaasariaqarluni, eqqissisimasariaqarluni aammalu uisanartoqalersillugu paatsiveerunnaveersaartariaqarluni. Pingaartorsiorfiunngitsumi atorfeqalernissaq neqeroorutigineqarpoq.

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

Paasissutissat annertunerusut pissarsiarineqarsinnaapput allattoqarfimmi pisortamut Kim Dahl, oqarasuaat 70 41 00 e-mail: kida@kujalleq.gl imaluunniit nutserisuuneq Kelly Berthelsen, oqarasuut 70 41 00 e-mail: kebe@kujalleq.gl saaffigalugit.

Qinnuteqaat ilinniakkamik aammalu siusinnerusukkut suliffiusimasat pillugit paasissutissanik, ilinniakkamik allagartap il.il. ilalik, kommunimi tiguneqareersimassaaq kingusinnerpaamik 17. Juni 2016 uungalu nassiunneqassalluni:
Kommune Kujalleq
Postboks 514
3920 Qaqortoq
hr-afd@kujalleq.gl