Familiecoach Allagarsiuteqqitaq

Inunnik Isumaginnittoqarfik Qaqortumi Ilaqutariinnut Sullissivimmut ilaqutariinnik siunnersuisartumik pissarsiorpoq.

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit? Eqinnaatsuuillu?

Taamaappat unammillernartumik ilinnut atorfiuteqarpugut, ulloq 1. juli 2016 imaluunniit tamatuma kinguninnguaniit aallarnerlugu atorfinissinnaallutit.
Kingusinnerpaamik ulloq:
22. juli 2016
Sumiiffik / immikkoortortaq:
Qaqortoq
Ulloq sulilerfissaq:
1. august 2016
Aningaasarsiat:
Isumaqatigiissutit naapertuutut malillugit
Atorfik Ilaqutariinni Sullissivimmi inissisimavoq, ilaqutariinnik sullissivimmi aqutsisoq qullersarineqassalluni.

Ilaqutariinnik Sullissivik suleqatigalugu ilaatigut makku suliarisassavatit:
• Ilaqutariinnik Sullissivimmiit innersuutigineqartut naapertorlugit
sullinneqartut angerlarsimaviini tapersersuineq aammalu isumaginninermi perorsaanikkut ilitsersuineq.
• Ilaqutariinnik Sullissiviup ilaqutariinnik erloqinartorsiortunik katsorsaanikkut suliaanut peqataaneq.
• Inunnik ataasiakkaanik tapersersuinikkut oqaloqatiginninnerit.
• Meeqqat eqimattakkuutaartut sullinnissaat.
• Ilaqutariinnik Sullissiviup pikkorissaatitsinerani ilinniartitsinerit.
• Nalunaarusiornerit.
• Ilaqutariit Sullissiviani ataatsimiinnerinut peqataanerit.

Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.
Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.
Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

Atorfik pillugu sukumiinerusumik paasisaqarusukkuit Qaqortumi Ilaqutariinnik Sullissivimmi aqutsisoq Cecilie Jeremiassen ima attavigisinnaavat: oqarasuaat +299 70 41 00 imaluunniit toqqaannartumik 64 54 20, mail: ceje@kujalleq.gl.

Kommune Kujalleq pillugu sukumiinerusumik paasissutissat nittartakkami uani pissarsiarisinnaavatit: www.kujalleq.gl.

Kommunip kissaatigaa meeqqanut sulissisinnaanermut uppernarsaat, aammattaaq pillagaasimannginnermut uppernarsaat/imaluunniit kommunimi meeqqanik inuusuttunillu sullissisussatut atorfinittussanut tamanut tunngatillugu Pinerluuteqarsimasunut Nalunaarsuiffimmiit assilisap takunissai.

Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat pillugit paasissutissat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 17. juni 2016 kommunimit tiguneqareersimassapput.
Kommune Kujalleq
HR-ip immikkootortaqarfia
Postboks 514
3920 Qaqortoq
hr-afd@kujalleq.gl