Allaffimmi Fuldmægtig

MISI Kujallermi allaffimmiutut atorfik fuldmægtig inuttassarsiorneqarpoq 1.september 2016, isumaqatigiissuteqarnikkulluunniit inuttalerneqartussamik.

Atorfik MISI Kujallermi inissisimavoq, fuldmægtigillu pisortarissavaa tarnip pissusaanik immikkut ilisimasalik pisortaq.
Kingusinnerpaamik ulloq:
26. august 2016
Sumiiffik / immikkoortortaq:
Qaqortoq
Ulloq sulilerfissaq:
1. september 2016
Aningaasarsiat:
Isumaqatigiissutit malillugit
Suliassatit pingaarnerit ukuussapput:
MISI Kujallermi allaffissornikkut suliassat tamaasa.
MISI Kujalliup ingerlatsinermut aningaasartuutai naatsorsuutillu ingerlatissallugit, qaammatikkaartumillu aningaasartuutit killiffii malinnaaffigissallugit.

Angalanernut atasumik naatsorsuutit nakkutigalugit. Billitsinik inniminniinerit. Allakkanik nassiussuineq tigooraanerlu akisussaaffigissallugit. Illup iluani avataanilu inerisaanermut peqataassalluni. Siunnersortit tarnip pissusaanik ilisimasallillu angalanerini attuumassuteqarfinnut attaveqarnermik akisussaalluni.

Nutsigassat annikinnerusut isumagisarnissaat. Illumi eqqiaanerup akisussaaffiginissaa. Sanasunut allanullu pisarialinnut attaveqartarnerup akisussaaffiginissaa. Sulisoqarnermut oqaloqatigiinnernut peqataassalluni.

Atuartut misissugassat pillugit saaffiginnissutit tigunerinik uppernarsaasarneq inissitsiterinerlu suliarissallugit.

Sulianik inaalitsiterineq isumagissallugu.

Ulluinnarni ingerlatsinermi pisiassat pisariallit pisiarisassallugit.

Naatsorsuutigaarput allaffimmiutut ilinniarsimanissat, kiisalu illit:

• namminersorlutit suliassatit piareersarlugillu, suliaralugillu saqqummiuttassagitit.
• sapissanngikkit oqaluinnarlutit allallutillu kalaallisut qallunaatullu saqqummersinnaasutit.
• pisortat suliffeqarfiutaani sulillutit misiliisimanissat
• IT atorlugu sulisinnaassuseqartutit, ilaatigut Outlook, Word aamma Excel atorsinnaallugit.
• aalajaatsuusutit, suliannik soqutiginnillutit, avammut sammisuullutit sullisserusussuseqarlutillu.

Aningaasarsianut atorfeqarnermullu tunngasut Namminersorlutik Oqartussat aamma Sulinermik Inuussutissarsiuteqartut Kattuffiata niuernermut allaffissornermullu isumaqatigiissutaat malippaat, kiisalu sulininnut atatillugu inissannik innersuusivigineqarsinnaassallutit, depositum, qaammammut akiliutit il.il maleruagassat atuuttut malillugit akilerneqartartussat.

Atorfimmut paasissutissat annertunerusut, Misi pisortamut Trudy Høy Kreutzmanna-imut saaffiginninnikkut pissarsiarineqarsinnaapput oqarasuaat 64 54 30 e-mail: thkr@kujalleq.gl .

Qinnuteqaat, pillagaasimannginnermut uppernarsaammik ilalik, ilinniagarisanik siusinnerusukkullu suliffigisimasanik paasissutissartalik, ilinniakkat uppernarsaataanik, sulisitsisut oqaaseqataanik ilallugu MISI Kujallermut tunniunneqassaaq kingusinnerpaamik 26. august 2016.
MISI KUJALLEQ
Augo Lyngesvej B 1262
Postboks 520
3920 Qaqortoq