Isumaginninninnermut Ingerlatsivimmi aningaasanik sulialik

Kommune Kujalleq Inunnik Isumaginninnermut Ingerlatsivik aningaasaqarnermik suliaqartussamik (AK-Controller) sulisussarsiorpoq 01. september 2016 imaluunniit erseqqinnerusumik isumaqatigiissuteqarnikkut atorfinittussamik.
Kingusinnerpaamik ulloq:
2. august 2016
Sumiiffik / immikkoortortaq:
Qaqortoq
Ulloq sulilerfissaq:
1. september 2016
Aningaasarsiat:
Isumaqatigiissutit atuuttut naapertorlugit
Aningaasaqarnermik sulialittut atorfimmi aningaasaqarnermik ingerlatsivimmi suliassaqarfiit tamarmik attaveqarfigineqartassapput, ulluinnarnili Inunnik Isumaginninnermut Ingerlatsivimmi suliassat annermik attuumassuteqarfigineqassallutik, tassanilu aningaasaqarnermut pisortaq qullersarineqassaaq, missingersuusiornerli eqqarsaatigalugu Isumaginninnermut pisortaq qullersarineqassalluni.

Suliassaqarfik:
• Ulluinnarni aningaasaqarnermut pisortaq qullersarineqassaaq, kisiannili missingersuutit naatsorsuutillu eqqarsaatigalugit Isumaginninnermut pisortaq qullersarineqassalluni.
• Missingersuutit naatsorsuutillu eqqarsaatigalugit Isumaginninnermut pisortamut ulluinnarni ikiuutassaaq.
• Missingersuusiornerit ukiumullu naatsorsuusiornerit eqqarsaatigalugit isumaginninnermut pisortamut aalajangersimasumik ikiuuttassaaq, aamma:

o missingersuutit atuinerlu ingerlaavartumik malinnaavigissallugit:

o Missingersuutinik malitseqartitsinerit,

o Naatsorsuutini missingersuutinik nikisitsinerit, assersuutigalugu ilassutitut aningaasaliissutit aammalu nikisitsinerit,

• Misissuiartut nalunaarusiaannik malitseqartitsinerit kiisalu Isumaginninnermut tunngasutigut kukkunersiuisut oqaaseqaataannik malitseqartitsineq.

Tamatuma saniatigut naatsorsuusiorfimmi suliassanngortartut allat suliarineqartarsinnaapput. Nalunaarsuineq naatsorsuutinullu ilanngussuineq Winformatik atorlugu ingerlasarpoq aammalu naatsorsugassartai allattugassartaalu Windows 2010-imi Excel kiisalu Words atorlugit suliarineqartarlutik.

Naatsorsuutigaarput atorfimmut atatillugu makku piginnaaffigissagitit:
• Marluinnik oqaaseqartoq
• Niuernermut allaffissornermullu ilinniarsimasoq, naatsorsuuserinermik paasisimasalik
• Qarasaasiamik nalinginnaasumik atuisinnaassusilik
• Inerisimassaatit nuannersumik eqqarsartariaaseqarlutit akisussaaffeqartuussallutillu
• Nammineq sulisinnaassuseqassaatit peqqissaartuullutit suliassallu sukumiisumik suliarisinnaassallugit
• Nikerartumik sulisinnaassuseqarlutit sualeqartikkuminartuussallutillu
• Pisariaqarnera malillugu suliassanik nutaanik tigusinissamut piumassusilik

Qinnuteqartoq atuagarsornikkut naatsorsuuserinermut ilinniarsimanermi saniatigut atorfimmi suliarineqartussanut uppernarsarneqarsinnaasumik misilittagalik salliutinneqassaaq. Piumasaqaatit taakku naammassisimagukkit immikkoortortami nuannersumi suliamut sunniuteqarluarfigisassani atorfimmik Kommunip neqeroorfigisinnaavaatit.

Sulinngiffeqartoqartillugu, napparsimasoqartillugu allatigullu sulinngittoqartillugu immikkoortortami sulisut suliassatigut tamakkiisumik tapertareqatigiittarnissaat pingaartinneqaqaaq.

Controller-isut atorfinitsitsisoqassaaq. Akissarsiat atorfeqarnermilu atugassarititaasut AK-p isumaqatigiissutai naapertorlugit pissapput. Illoqarfiup avataaneersumik atorfinitsitsisoqassappat angalanermut nuunnermullu aningaasartuutit malittarisassat atuuttut naapertorlugit akilerneqassapput.

Atorfik pillugu paasissutissat sukumiinerusut Aningaasaqarnermut pisortamut Kim Rosendahl oqarasuaat 64 53 30, imaluunniit e-mail: kird@kujalleq.gl atorlugu paasinirneqarsinnaapput

Qinnuteqaat ilinniakkat suliffigisimasallu pillugit paasissutissartalik, soraarummeernermut allanullu uppernarsaatinik ilalik kingusinnerpaamik 02. august 2016 kommunimit tiguneqareersimassaaq uungalu ingerlasussangortinneqassalluni:
Kommune Kujalleq
HR-afdeling
3920 Qaqortoq
hr-afd@kujalleq.gl