Majoriami aqutsisoq (Siunnersuisarfik) Narsaq

Kommune Kujalleq, inuussutissarsiornermik suliffeqarnermillu ingerlatsivik

Majoriami aqutsisutut atorfik Narsami atorfik septemberip ulluisa aallaaqaataanni 2016,imaluunniit erseqqinnerusumik isumaqatigiissuteqarnikkut inuttalerniarneqarpoq. Atorfik Kommune Kujallermi Inuussutissarsiornermik Suliffeqarnermillu Ingerlatsivimmiippoq, taavalu Inuussutissarsiornermut Suliffeqarnermullu pisortaq ingerlatsivimmi qullersaalluni.
Kingusinnerpaamik ulloq:
15. august 2016
Sumiiffik / immikkoortortaq:
Narsaq
Ulloq sulilerfissaq:
1. september 2016
Aningaasarsiat:
Isumaqatigiissutit atuuttut naapertorlugit
Suliffissaqartitsiniarnermut atatillugu suliffissarsiuussisarfimmik siunnersuisarfiutigisumik pilersitsisoqassaaq - tassa MAJORIAQ - taama ittullu Kommune Kujallermi illoqarfinni tamani 1. januar 2017 pilersinneqassallutik. Siunnersuisarfiit nutaat aaqqissuunneqaleruttorput. Narsami siunnersuisarfittaami ilinniagaqarneq suliffeqarnerlu pillugit ilisimasat tamarmik katersorneqassapput, taamalu suliffissarsiortoq ilinniartunngortussarluunniit ilinniagaqalernissamini suliffeqalernissaminiluunniit pitsaanerpamaik ilitsersorneqassaaq piginnaanngorsarneqarlunilu.

Siunnersuisarfinni Kommune Kujallermi najugaqartut siunnersorneqarnissaannut sulisussanik aningaasanillu immikkoortitsisoqarpoq nukiit pitsaanerusumik atorneqaqqullugit marloqiusamillu allaffissorneq pinngitsoorniarlugit. Taamaammat suliffissarsiuussarfiit Piareersarfiillu kattunneqarput.

Suliffeqanngitsut inuusuttullu sulisimanngisaannartut imaluunniit ilinniakkamik aallartitsisimanngitsut sumiiffimmi Suliffissanut, ilitsersuinernut pikkorissaqqinnernullu qitiusumik ingerlatsivimmit - MAJORIAMIT -qanoq sulilernissaminnut ilinniakkamillu aallartitsinissamut pilersaarusiornissamut ikiorneqarsinnaapput.

Suliffissarsiuussinerup, ilinniarneq suliffissallu pillugit siunnersuinerup, piginnaanngorsaanerup, sulisinnaasunik pikkorissaanerup ilinniartitseqqinnerullu pitsaanerpaamik ingerlanneqarnissaanut akisussaaqataassaatit, tassungalu ilanngullu ilinniagaqalernissaq suliffeqalernissarluunniit siunertaralugit inuit ataasiakkaat pilersaarusiuunneqarnerat peqataaffigissallugu.


Siunnersuisarfiup pisortaata pingaarnerpaamik makku suliassarisassavai:
• Aningaasaqarneq missingersuutillu
• AEU
• Illuutinik ingerlatsineq aserfallatsaaliinerlu
• Sulisut
• Sulinermut sungiusaaneq
• Inuusuttut suliffissaaleqisut, naqitsinneq, iliuusissanik pilersaarusiorneq il.il.
• Pisiortortarneq
• IT

Akissarsiat atorfinitsitaanermilu atugassarititaasut
Naalakkerusisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

Atorfimmut atasumik inissaqartitsisoqassaaq malittarisassat atuuttut malillugit sillimmatinut ineqarnermullu assigiinngitsunullu akiliuteqarfitgineqartartussamik.

Sulisunngortussap ilaqutaasalu atorfininnermut atatillugu angalanermut nutsernermullu aningaasartuutaat kommunimit isumagineqassapput.

Paasissutissat sukumiinerusut

Atorfik pillugu paasissutissat sukumiinerusut Inuussutissarsiornermut suliffeqarnermullu pisortaq Palle Frederiksen på telefon +299 70 41 00 atorlugit imaluunniit mail: pafr@kujalleq.gl atorlugu pissarsiarineqarsinnaapput.


Qinnuteqaat ilinniagarisimasanik, siusinnerusukkut suliffigisimasanik kiisalu ilaqutariit amerlassusiinik paasissutissartalik, soraarummeernermut uppernarsaatinik immaqalu oqaaseqaatinik ilalik 15. august 2016 tiguneqareersimassaaq.
Kommune Kujalliup nittartagaani paasissutissanik sukumiinerusunik ujarlersinnaavutit: www.kujalleq.gl 

Qinnuteqaat aamma uunga mailerneqarsinnaavoq:
Kommune Kujalleq
Sulisunut allaffik
Postbox 514
3920 Qaqortoq
hr-afd@kujalleq.gl