Ajarsivasik Qaqortoq allaffimmiussarsiorpoq

Qaqortumi utoqqaat illuanni "Ajarsivasimmi" fuldmægtigitut atorfik 1. oktober 2016 imaluunniit isumaqatigiissuteqarnikkut inuttalerniarneqarpoq.
Kingusinnerpaamik ulloq:
23. september 2016
Sumiiffik / immikkoortortaq:
Qaqortoq
Sivisussusaa:
Ataavartumik sulisussaq
Ulloq sulilerfissaq:
1. oktober 2016
Aningaasarsiat:
Isumaqatigiissutit atuuttut naapertorlugit

Pingaarnerpaatut makku suliassarisassavatit:

 

  • Akunnermusiassanik naatsorsuineq

  • Qaammammusiassanik naatsorsuineq

  • Matuersaatinik nalunaarsuineq

  • Najugaqartut aningaasaataannik aqutsineq

  • Sulisunik nutaanik nalunaarsuiffimmi pilersitsineq

  • Suliffeqarnermi isumaqatigiissutit pillugit ilisimasaqarneq, pingaartumik SIK-mut aamma PPK-mut tunngasunik

  • Suliffiup iluani allagarsialerineq

  • Toqusunik / nuuttunik nalunaarsuineq inaarinerlu

  •  Peqqumaasivimmik aqutsineq nioqqutissanillu inniminniineq

  • Kisitsisitigut paasissutissat.

     

Allaffimmiutut ilinniarsimasut, aammalu:

  • kommunip ingerlatsinerani sulinermut misilittagaqartutit

  • qarasaasianik atuinermut misilittagaqartutit, aamma makku atuisutut atorsinnaagitit Outlook, Word aamma Excel

  • kalaallisut danskisullu allassinnaallutillu oqalussinnaasutit

  • aalajaatsuullutik, nassaarsiullaqqissuullutit, namminersorsinnaallutit, tunniusimasuullutit, ammasuullutit sullissiumatuusutillu

     

    Namminersorlutik Oqartussat aammalu Sulinermik Inuussutissarsiuteqartut Kattuffiata allaffimmiunut niuertarfimmiunullu isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.

     

    Malittarisassat atuuttut naapertorlugit atorfininnermi soraarnermilu angalanermut akiliussisoqarsinnaavoq, aamma sulisutut inissannik innersuussiffigineqarsinnaavutit sillimmatinut, ineqarnermut allanullu malittarisassat qaqugukkulluunniit atuuttut naapertorlugit akilertagassannik.

     

    Paasissutissat sukumiinerusut uunga saaffiginninnikkut pissarsiarineqarsinnaapput: pisortaq Wanja Petersen oqarasuaat 64 13 56, e-mail: wape@kujalleq.gl atorlugit. 

     

    Qinnuteqaat, pinerluuteqarsimannginnermut uppernarsaatinik, ilinniagarisimasanik  atorfigisimasanillu paasissutissartalik, ilinniakkanut uppernarsaatinik, sulisitsisup oqaaseqaataanik ilallugu Suliffeqarnermut immikkoortortamit tiguneqareersimassaaq kingusinnerpaamik 23. september 2016 uunga nassiunneqassapput: job@kujalleq.gl imaluunniit.

Kommune Kujalleq

HR-afdeling

Postboks 514

3920 Qaqortoq


<br>