Ajarsivasik peqqissaasutut imaluunniit peqqissaasumut assistent-itut ilinniarsimasumik

Ulloq 01. Oktoberi 2016 imaluunniit sukumiinerusumik isumaqatigiissuteqarnikkut sulilersinnaasumik.

Ajarsivasik tassaavoq utoqqarnik sullissivik nuannersoq qaamasorlu, marlunnik paaqqutarinninnikkut immikkoortortaqarfilik, puigortunngorsimasunut immikkoortortaqarfik aammalu ulluunerani sullissivik atulersussaq. Qitiusumik igaffeqarpoq, najugalinnut nerisassiuussinerup saniatigut aamma innuttaasunut angerlarsimaffimminniittunut nerisassanik tuniniaasartoq. Najugallit 48-ruupput, sulisullu 58-iullutik.
Kingusinnerpaamik ulloq:
15. september 2016
Sumiiffik / immikkoortortaq:
Qaqortoq
Ulloq sulilerfissaq:
1. oktober 2016
Aningaasarsiat:
Isumaqatigiissutit atuuttut naapertorlugit
Sulisut tassaapput: peqqissaasoq, peqqissaasumut ikiorti, peqqinnissamut isumaginninnermullu ikiortit, sammisassaqartitsivimmi tagiartuisartoq, angerlarsimaffimmi ikiortinut ataqatigiissaarisoq, økonoma, igaffimmi ikiortit, igasoq, pedel, biilertoq, errorsinermut ikiortit aammalu ikiortit. Kommunip tagiartuisartua, pillorissaasoq ikiortilu aamma illumi sulisarput.

Naatsorsuutigaarput:
• peqqissaasutut ilinniarsimasuussasutit
• najugallit pitsaasumik inuuneqarnissaat qitiutillugu annertuumik sulerusussuseqassasutit
• aqutsisooqatigiit suleqatigissagitit, tassaasut sullissivimmi pisortaq, pisortap tullersortaa, aammalu immikkoortortaqarfinni aqutsisut marluk
• suleqatiginninnissamut piginnaasaqarluassasutit illulu tamakkerlugu pitsaasumik ataqatigiinnerup ilaaffiginissaa soqutigisarissagit
• eqinnaatsuussasutit siumullu takorluuisinnaassallutit
• najugallit paaqqutarineqarnissaat isumassorneqarnissaallu akisussaaffigissavat

Uagut neqeroorutigisinnaavagut:
• suliffik nuannersoq, unammillernartoq aammalu ineriartortoq, najugallit pitsaasumik inuuneqarnissaannik qitiutitsisoq.
• sulisut sulerusussusillit, najugalinnut iluaqutaasussamik inariartuutaasumik suleqatiginninnissamut qilanaartut
• suliffik allanngorartoq, ingerlalluarfiusoq ataatsimullu akisussaassuseqarfiusoq
• suliffimmi avatangiisit illit annertuumik sunnernissaannut periarfissaqarfigisat
• sap. ak. akunnerit 40-t, nikerartumik suliffiusut

Isumaqatigiissutit atuuttut naapertorlugit atorfinitsinneqarneq akissarsialerneqarnerlu.

Inissamik innersuussisoqarsinnaavoq, malittarisassat sukkulluunniit atuuttut malillugit ineqarnermut akiliut aammalu qularnaveqqusiissut akilerneqassallutik, soorluttaaq kommunip angalaneq nutsernermilu aningaasartuutit akilissagai.

Paasissutissat sukumiinerusut Ajarsivasimmi aqutsisumit uannga pissarsiarineqarsinnaapput: Pisortamut tullersorti Aka Motzfeldt 565630 akmo@kujalleq.gl

Qinnuteqaat, siornatigut suliffigisimasat pillugit paasissutissartalik, aammattaaq peqqissaasutut allagartaq assigiissaallu kingusinnerpaamik pingasunngorneq 15. september 2016 kommunimit tiguneqareersimassapput, uungalu nassiunneqassapput:
Kommune Kujalleq
Immikkoortortaqarfik HR
3920 Qaqortoq
hr-afd@kujalleq.gl