Inunnik Isumaginnittoqarfik Qaqortumi allaffissornermik sulialimmik pissarsiorpoq

Kommune Kujalleq Qaqortumi Inunnik Isumaginnittoqarfimmut sulisunik pikkorissunik tunniusimasunillu pissarsiorpoq, ilaatigut fuldmægtigimik 01. oktober 2016 imaluunniit qanimut isumaqatigiissusioqatigiinnikkut sulilersinnaasumik pissarsiorluni.
Kingusinnerpaamik ulloq:
26. september 2016
Sumiiffik / immikkoortortaq:
Qaqortoq
Sivisussusaa:
Ataavartumik sulisussamik
Ulloq sulilerfissaq:
1. oktober 2016
Aningaasarsiat:
Isumaqatigiissutit atuuttut naapertorlugit

Kommune Kujalleq Qaqortumi Inunnik Isumaginnittoqarfimmut sulisunik pikkorissunik tunniusimasunillu pissarsiorpoq, ilaatigut fuldmægtigimik 01. oktober 2016 imaluunniit qanimut isumaqatigiissusioqatigiinnikkut sulilersinnaasumik pissarsiorluni.

 

Allaffimmi kontorfuldmægtig-itut ilinniarsimasumik pissarsiorpugut, sulilertussap ilaatigut allaffissornikkut sulisuvut aammalu Saaffiginnittunik tigujoraasut Naatsorsuussinikkullu suliallit suleqatigisassavai.

 

Nutaanik suleqatigiiliornikuuvugut, tamatumani siunertaraarput inunnik isumaginnittoqarfimmi saaffiginniffissap ataasiunissaa, taamaalilluni innuttaasunik sullissineq oqinnerulerlunilu paasiuminarneruleqqullugu, aammalu sullissinermi tamakkiinerusumik ingerlasoqalernissaa anguniarlutigu.

 

Suliaq ineriartortuuvoq, sulinermi inunnik isumaginninnikkut suliassat pitsaasumik aqunneqarnissaat sulissutigaarput, aammalu eqqortumik naatsorsuussisoqartarnissaa eqqortumillu pisortatigut ikiorsiisoqartarnissaata isumannaarneqarnissaa sulissutigalutigu.

 

Suliassat taakkartorneqarsimasut atorlugit sulisut eqeersimaartut suleqatigerusukkukkit attavigitigut.

 

Piginnaasatigut piumasaqaatit makku naatsorsuutigaavut;

  • Kisitsisilerillaqqinnissat aammalu ikiorsiissutinik naatsorsuillaqqinnissat.

  • Qarasiaasiatigut kisitsinermut programinik il. il. atuinissamut ilisimasaqarluarnissat.

 

Takorloorparput allaffissornikkut ilinniarsimasuunissat aammalu:

  • Danskisut kalaallisullu allattariarsornikkut oqaluttariarsornikkullu piginnaasaqarluarnissat

  • Attaveqatigiinneq pikkoriffigissagit, aammalu oqaloqatiginnittarnermi siunnersuinikkullu sulinermi misilittagaqarnissat

  • Ingerlatsinikkut sulinermi misilittagaqarnissat

  • EDB-p atornissaanut misilittagaqarnissat, ilaatigut Outlook, Word aamma Excel atuisartutut atornisinnaassagitit

  • Aalajaatsuunissat, tunniusimanissat aammalu suliffimmut, suleqatinut sullitanullu tunngatillugu pitsaasumik isiginnittarnissat

  • Ingerlatsivimmi ulapaarfiusumik persuarsiorpalaanngitsumilu sulinissamut kajungerinninnissat

 

Akissarsiassat atorfinitsitaanermilu piumasaqaatit Naalakkersuisut aammalu Sulinermik Inuussutissarsiuteqartut Kattuffiat akornanni allaffissornikkut sulisut pillugit isumaqatigiissutaasimasut naapertorlugit aalajangersarneqassapput.

 

Inissannik tunineqarsinnaavutit, tamatumani malittarisassat atuuttut naapertorlugit inimut akiliut qularnaveeqqusiissullu akilerneqassallutik, aammattaaq atorfininninnut atatillugu angalanerit nuunninnilu aningaasartuutitit malittarisassat atuuttut naapertorlugit kommunimit akilerneqassapput.

 

Atorfik pillugu paasissutissat sukumiinerusut uannga pissarsiarisinnaavatit: Isumaginninnermut pisortaq Dariusz Sobzinski, oqarasuaat: 70 41 00, mail: daso@kujalleq.gl

Qinnuteqaat, ilinniakkat siornatigullu suliffigisimasat pillugit paasissutissat, ilanngussat, ilinniarsimanermut uppernarsaatit assilineqarneri, sulisitsisorisimasanit oqaaseqaatit il. il. kingusinnerpaamik 26. september 2016 Qaqortumi Sulisoqarnermut Allaffimmit tiguneqareersimassapput, uungalu nassiunneqassallutik:


Kommune Kujalleq

HR-afdeling

Postboks 514

3920 Qaqortoq

Mail: job@kujalleq.gl