Meeqqanut inuusuttuaqqanullu suliniarneq nukittorsarneqarpoq.

Ersitsumik allanngueqataagit!
Atorfimmi atugassarititaasut pitsassuit!

Kommune Kujalleq meeqqanut inuusuttuaqqanullu sullissinerminik nukittorsaavoq. Maanna su-liassaqarfimmi tassani isumaginninnermi siunnersortinik / sullissisunik sisamanik pissarsiorpugut, taamaalillutillu aqutsisoq ilanngullugu sulisut 12-inngussallutik.
Kingusinnerpaamik ulloq:
27. september 2016
Sumiiffik / immikkoortortaq:
Qaqortoq
Sivisussusaa:
Ataavartumik sulisussamik
Ulloq sulilerfissaq:
4. oktober 2016
Aningaasarsiat:
Isumaqatigiissutit atuuttut naaperlugit

Pingaarnerpaatut makku suliassarisassavatit: 

Isumaginninnermi siunnersortit / sullissisut meeqqanut, inuusuttuaqqanut ilaqutaannullu tunngasunik pingaartitsilluinnartunik pissarsiorpugut. Sulinermi ilaqutaasut avatangiisillu peqataatinneqarnerannut ilaarusuppit. Meeqqqanik, inuusuttuaqqanik ilaqutaanillu sullissinermi ilaqutariinnik isumasioqatigiisitsisarneq atulerniarlugu Kommune Kujalleq pilersaaruteqarpoq.

 

Sulininni annertuumik Meeqqat, Inuusuttut aammalu Ilaqutariit pillugit malittarisassat naapertorlugit sullissineq ingerlattassavat, ilaatigut iliuusissatut pilersaarusiornerit, isumaginninnikkut nalunaarusiornerit aammalu susassaqarfiit akimorlugit suleqatigiinnermut ataatsimiititamut innersuusiornerit suliarisassavatit.

 

Sulisut sulinerminni tarnimikkut atugaat pitsanngorsarniarlugit suliassalerisut ataasiakkaat isumaginninnermi suliassanik 30-35-iinnarnik tigummiaqartalernissaat isumaginnittoqarfimmiit ilungersuullugu anguniarneqarpoq.

 

Aamma suliffiup aaqqissugaanera allanngortinniarlugu aalajangersimagatta sunniuteqaqataanissamut periarfissaqassaaq.


 

 Uagut neqeroorutigisinnaavavut;

  • Ukiuni aalajangersimasuni immikkut ittunik atugaqartitaalluni atorfeqarneq.

  • Sivikinnerpaamik ukiuni pingasuni atorfeqarnissamik isumaqatigiissut.

  • Sulinissap aallartinnissaani aammalu isumaqatigiissutip naareernerani Kommune Kujallermut tassanngalu angalanermi pisattat angallanneqarnerat angalanerlu akilerneqassapput. Ilaqutariit tamarmik tassani pineqarput, meeqqat 18 inorlugit ukiullit aammalu immaqa aapparisaq / inooqatigisaq.

  • Inissaq, malittarisassat atuuttut malillugit akilersorneqartussaq. (Illussannik pisinallu pissarsiniartariaqanngilatit)

  • Soraarnermi ajunngitsorsiassat ukiumut 20.000 kr.-nik amerlassusillit

  • Ilaqutariit tamakkerlutik ukiut tamaasa akiliunneqarlutik angalasarnerat.

  • Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqassaatit.

  • Atorfik pissanganartuuvoq sulianik unammillernartunik namminersuutigisassanik imaqartoq, ilinniartitaaneq pikkorissarneqartarnissarlu sulinermi annertuumik pingaartinneqarlutik.

  • Sulinikkut avatangiisit pitsaasut eqeersimaarfiusullu.

 

Atorfeqarneq akissarsiaqarnerlu Namminersorlutik Oqartussani Kommuninilu atorfinni tjenestemandinut assingusuni qaffasissusiliineq pillugu isumaqatigiissutit malillugit pissapput. Atorfiit ukiuni aalajangersimasuni immikkut atugassaqarluni atorfiupput.

 

Isumaginninnermi pisortaq Dariusz Sobcsynski oqarasuaat. (00 299) 64 53 73 persuarsiornanngitsumik oqaloqatigiuk.


QINNUTEQARFISSAQ KINGULLEQ 

Qinnuteqaat, pinerluuteqarsimasunik nalunaarsuiffimmiit uppernarsaat, ilinniagarisimasat siornati-gullu suliffigisimasat, ilinniagarisimasat allagartaasa sulisitsisorisimasallu oqaaseqaataasa allallu assilineri kingusinnerpaamik ulloq 27. septembrer 2016 nal. 12.00 kommunimit tiguneqareersi-massapput, kommunillu mailianut nassiunneqassallutik: job@kujalleq.gl

Kommune Kujalleq
Sulisunut allaffik
Postbox 514
3920 Qaqortoq