Perorsaasut marluk

Perorsaasutut ilinniarsimasunik marlunnik Qaqortumi Meeqqerivik akuleriinnut naatsersuussaq “Aqqalu”-mi amigaateqarpugut marlunnik. Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit.

Sulilersussat 01. november 2016 imaluunniit isumaqatigiissuteqarnikkut.
Kingusinnerpaamik ulloq:
26. oktober 2016
Sumiiffik / immikkoortortaq:
Qaqqortoq
Ulloq sulilerfissaq:
1. november 2016
Aningaasarsiat:
Isumaqatigiissutit atuuttut naapertorlugit
Meeqqerivik akuleriit ”Aqqalu” meeqqanut 53-nut naatsersuussaavoq 0-6 ukiulinnut.
Sulisoqarpoq katillugit 15-nik, taakkua iluanni pisortaq inissisimalluni, init sisamanut agguagaallutik, init marluk 0-2 ukiullit, inip aappaa 2-3 ukiulinnit inillu sisamaat 3-6-nik ukiulinnut agguataagaallutik.

”Aqqalu” siunertaqarpoq, naalungiarsuup meeraaqqerivimmut ikaarsaarnissaanut piareersarlugu, sutigullu tamatigut meeraq qitiutillugu ikorfartorlugu suliniuteqarneq, pingaartitaraalu assigiinngitsutigut piorsarsimassuseq pillugu ingerlataqarneq, nunallu pissarititaanik atorluaaneq, meeraq qitiutillugu sammisaqarneq, utoqqarnut attaveqarneq, suliffeqarfinnut paasisassarsiortarnerit, angajoqqaanik suleqateqarluarneq, pisariaqartillugulu angajoqqaanik kaammattuinermik imaqartumik ingerlatsisarluni.
Inatsisartut inatsisaat nr 16. 3.dec 2012-meersoq tunngavigalugu qulaani pinertut angajoqqaallu suliniutigaat. Tunngaviit arfineq marluk malillugit suliniuteqartuupputtaaq.

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu, sulisut assigiinngitsutigut pikkorissarneqartuarnermikkut sullitaminnik ilisarisimannilluartuupput tunniusimasuullutillu.

Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.

Qaqortoq illoqarfiuvoq eqqissisimasoq ilinniartoqarfiulluni alutornartoq, pisoqarfiusarpoq ukiup ingerlanerani assigiinngitsunik sammisaqartitsiffiusarluni.

Perorsaasup inip iluani suliassaanik naatsorsuuteqarpugut , makkunannga:

• Suliffimmut tunniusimasoq
• Suliffimmi ataatsimoorussamik isiginnissinnaasoq
• Meeqqat pisariaqartitaannik takunnissinnaasoq
• Atuisunut suleqatikkuminartoq
• Unneqqarissoq
• Nalimmassarluarsinnaasoq
• Isumassarsiullaqqissoq
• Qarasaasialerinermik piginnaasaqarneq- piumasaqaataanngilarli.
• Meeqqat aallaavii naapertorlugit sammisaqartitsisinnaaneq

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.


Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

Annertunerusumik paasisaqarusukkuit uunga saaffiginnissinnaavutit Bibi Kielsen Meeqqerivik “Aqqalu” tlf. 642259 mail: aqqaluk@kujalleq.gl

Qinnuteqarfissaq kingulleq 26. Oktober 2016, uungalu nassiunneqassapput:


Kommune Kujalleq
HR-afdeling
Postbox 514
3920 Qaqortoq
job@kujalleq.gl