Perorsaasut

Perorsaasutut ilinniarsimasumik “Inneriilat” Qaqortumi amigaateqarpoq. Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit.

Sulilersussaq 01. November 2016 imaluunniit isumaqatigiissuteqarnikkut.
Kingusinnerpaamik ulloq:
17. oktober 2016
Sumiiffik / immikkoortortaq:
Qaqortoq
Ulloq sulilerfissaq:
1. november 2016
Aningaasarsiat:
Isumaqatigiissutit naapertuuttut malillugit

Meeqqerivik akuleriinnut naatsorsuussaq “Inneriilat” perorsaasunik ilinniarsimasunik 3-nik pissarsiorpoq, 2-3-nillu ukiliunni meeqqat 12-lit inaanni.

Meeqqerivik akuleriit ”Inneriilat”meeqqanut 76-nut naatsorsuussaavoq 0-6 ukiulinnut.
Sulisoqarpoq katillugit 18-nik, init tallimanut agguagaallutik, 0-2-nik init marluk, sinnerit init ataasiakkaat 2-3, 3-4, 4-6 ukiulinnut agguataagaallutik.

”Inneriilat” siunertaqarpoq, naalungiarsuup meeraaqqerivimmut ikaarsaarnissaanut piareersarlugu, sutigullu tamatigut meeraq qitiutillugu inerisaaneq suliniuteqarneq, pingaartitaraalu assigiinngitsutigut piorsarsimas- suseq (kultur) pillugu ingerlataqarneq, meeqqat misigissusaat paasineqarnissaat, nunallu pissarititaanik atorluaaneq, atoqqiineq, meeqqap timaata silassorissusaatalu killiffia apeqqutaatillugu sammisaqarneq,
Angajoqqaanik atuisunik/paaqqutarinnittunik suleqateqarneq, pisariaqartitsinerlu naapertorlugu meeraq qitiutillugu suliniutinik aallutaqarneq.
Inatsisartut inatsisaat nr 16. 3.dec 2012-meersoq tunngavigalugu qulaani pinertut angajoqqaallu suliniutigaat. Kammagiitta (Fri for mobberi) sapaatsip akunneranut ataasiarluni angajullerni 4-6 ukiulinni sammine- qartarpoq, siunertat assigiingitsut inerisaataasullu imaritinneqarlutik, meeqqallu isumaat malillugu iliuuse- qarneq. Tunngaviit 7-it iluanni meeqqap killiffia kinaasusaa aallaavigalugu sammisaqarneq inerisaaneq ingerlanneqartarpoq.
0-6 tungaanut ikaarsaarfiit tamarmik tulluarsakkamik piareersaaneq sammisaqarneq, aammalu atua- lernissamut assigiingitsutigut atuarfik suleqatigalugu piareersaaneq sammisaqarnerlu aallunneqarluarlutik.

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu, sulisut assigiinngitsutigut pikkorissarneqartuarnermikkut sullitaminnik ilisarisimannilluartuupput tunniusimasuullutillu.

Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.

Qaqortoq illoqarfiuvoq eqqissisimasoq ilinniartoqarfiulluni alutornartoq, pisoqarfiusarpoq ukiup ingerlanerani assigiinngitsunik sammisaqartitsiffiusarluni.

Perorsaasup inip iluani suliassaanik naatsersuuteqarpugut , makkunannga:
• Suliffimmut tunniusimasoq
• Suliffimmi ataatsimoorussamik isiginnissinnaasoq
• Meeqqat pisariaqartitaannik takunnissinnaasoq
• Atuisunut suleqatikkuminartoq
• Unneqqarissoq
• Nalimmassarluarsinnaasoq
• Isumassarsiullaqqissoq
• Qarasaasialerinermik piginnaasaqarneq- piumasaqaataanngilarli.

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.
Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

Annertunerusumik paasisaqarusukkuit uunga saaffiginnissinnaavutit Malene Høegh-Olsen Inneriilat@kujalleq.gl Imaluunniit sianerlutit uunga: 64 29 74

Qinnuteqarfissaq kingulleq 17. Oktober 2016 ​uungalu nassiunneqassalluni:

Kommune Kujalleq
Postboks 514
3920 Qaqortoq
job@kujalleq.gl