Atuarfinni Tarnip pissusaanik ilisimasalik

Kommune Kujalleq atuarfinni tarnit pissusaannik immikkut ilisimasalimmik immikkut isumaqatigiissuteqarneq tunngavigalugu atorfinittussamik pissarsiorpoq.

Kommune Kujalleq-mi tarnit pissusaannik immikkut ilisimasalik pisortap tullissaa inuttassarsiuunneqarpoq novembarip aallaqqaataaniit 2016, imaluunniit isumaqatigiissuteqarnikkut kingusinnerulaartukkut.
Kingusinnerpaamik ulloq:
31. oktober 2016
Sumiiffik / immikkoortortaq:
Qaqortoq
Ulloq sulilerfissaq:
1. november 2016
Aningaasarsiat:
Isumaqatigiissutit atuuttut naapetorlugit
MISI-Kujataa Qaqortumiittup kujataani illoqarfiit pingasut perorsaanermi tarnillu pissusaanik tunngasunut siunnersuinissaq akisussaaffigaa. Qaqortumi atuarfiit saniatigut Narsap Nanortallillu atuarfiit kiffartuunneqarput, kiisalu aamma nunaqarfiit tamaasa. Aammattaaq siunissami suli atualinngittut suliamut ilanngunneqarumaarput (meeqqat inuusuttuaqqallu 0 – 18-nit ukiullit). Allaffik sisamanik sulisussaqartitaavoq: tarnit pissusaannik immikkut ilisimasalittut pisortaq, tarnit pissusaannik immikkut ilisimasalik, immikkut ilinniartitsisunut siunnersorti kiisalu allaffimmi fuldmægtigi.

MISI aaqqissugaanikkut Meeqqanut Kultureqarnermullu Ingerlatsiviup ataaniippoq. Allaffissornikkut atuarfinni tarnit pissusaanik immikkut ilisimasallup Meeqqenut Kultureqarnermullu ingerlatsiviup pisortaa qaninnertut qullersaraa, taanna Nanortalimmi kommunip allaffiani inissisimavoq.

Ingerlatsiviup ataaniipput atuarfiit, angerlarsimaffinni atuartitaaneq, ulluunerani meeqqanik paaqqinnittarfiit, meeqqanik paaqqinnittarfiit, suli atualinngittut sammisassaqartinneqarneri, MISI kiisalu kulturimut sunngiffilernermullu tunngasut. Taakkununnga tunngasunik paasisaqarnerorusukkuit kommunip nittartagaa www.kujalleq.gl takujuk.

Suliffiit pillugit paasissutissat sukumiinerusut paaserusukkukkit tarnit pissusaanik immikkut ilisimasalik pisortaq Trudy Høy Kreutzmann saaffigisinnaavat, oqarasuaat +299 64 54 30 imaluunniit mobiilimut +299 49 27 51, email-aluunniit aqqutigalugu: thkr@kujalleq.gl.


MISI annertuumik piumasaqaatitalinnik suliaqartarpoq, assigiinngitsitaartut pissanganartullu inuttut sulianullu tunngasunik ineriartornissamut periarfissaqarluartut.
Tarnip pissusaanik immikkut ilisimasalinnik pissarsiorpugut suliffeqarfimmi kalaallit oqaasiinik kulturiannillu tunngavimmi sulisinnaasumik.
Meeqqanik inuusuttuaqqanullu perorsaanernut tarnillu pissusaannut ilisimasaqarnermik misilittagaqarneq iluaqutaassaaq, namminersorluni sulisinnaasunik sulianullu assigiinngittorpassuarnut sungiussiasunik pissarsiorpugut minnerunngitsumillu suleqatigiinnissamut piginnaaneqarluartumik.

Atorfininnermut atugassarititat immikkut ittut:
Qinnuteqartut piukkunnartut qammarniarlugit Atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit aqqaneq-marluk qaangiukkaagata akiliunneqarlutik sulinngiffeqarsinnaatitaapput piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninit konto-mut matoqqasumut ikisisoqassaaq. Soraarnerup kingorna aningaasat tunniunneqassapput.
Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq § 11 aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

Atorfininnermut atatillugu inissaqartitsisoqarpoq, tassunga ineqarnermut akiliut akilerneqartussaq, qularnaveeqqut il.il. maleruaqqusat atuuttut naapertorlugit akilerneqartassallutik. Inissaaleqineq pissutigalugu initaavinnissaq sivisulaarsinnaavoq, taamaattumik piffissap ilaani utaqqiisaagallartumik inissiisoqarnissaa naatsorsuutigineqassaaq.

Atorfinikkiartorluni angalaneq:
Atorfinikkiartornermi angalaneq akiliunneqarnikkut pissaaq atorfinittumut ilaqutaanullu, siusinnerpaamik ukiut 3 qaangamiuppata soraarnermut atatillugu akiliunneqaqqissinnaalluni, aammattaaq nuunnermut atatillugu pequtit nassiunnerisa akiliunneqarnissaat maleruagassat malillugit ingerlannqassallutik.

Piumasaqaatit naapertorlugit atorfininnermi angalaneq pequtillu angallanneqarneri akilerneqarumaarput.

Paasissutissat sukumiinerusut, soorlu akissarsiat atorfininnermullu tunngasut Meeqqanut kultureqarnermullu ingerlatsiviup pisortaanut Kommune Kujalleq-mut Jens Korneliussen-mut oqarasuaat + 299 70 41 00-mut imaluunniit toqqaannaartumut + 299 61 41 01-mut saaffiginissutigineqarsinnaapput. Aammattaaq uunga email-mut allattoqarsinnaavoq: jeko@kujalleq.gl


Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Qinnuteqaat atsiorsimagaanni pappilissallu attuumassutillit ilanngullugit scannerlugit email atorlugu nassiunneqarsinnaavoq.

Qinnuteqaat kingusinnerpaamik ataasinngorneq oktobarip ulluisa 31-at 2016 tunniunneqassaaq.

Qinnuteqaat pappilissanik attuumassutilinnik assilineqarsimasunik ilalik uunga nassiunneqassaaq:
Kommune Kujalleq
Meeqqanut Kultureqarnermullu Ingerlatsivik
Postboks 166
3922 Nanortalik
bkforv@kujalleq.gl