Igaffimmi ikiortit marluk Ajarsivasik Qaqortoq

Ulloq 1. december 2016 imaluunniit isumaqatigiissusioqatigiinnikkut atorfiginittussanik marlunnik pissarsiorpoq.
Kingusinnerpaamik ulloq:
24. november 2016
Sumiiffik / immikkoortortaq:
Qaqortoq
Sivisussusaa:
Ataavartumik atorfinittussaq
Ulloq sulilerfissaq:
1. december 2016
Aningaasarsiat:
Isumaqatigiissutit atuuttut naapertorlugit

Ajarsivasik aaqqissugaanikkut Kommune Kujallermi Isumaginnittoqarfimmi inissisimavoq.

Utoqqaat illuat Ajarsivasik marlunnik immikkoortortaqarpoq, tassa ikiortarialinnut immikkoortortaq taavalu puigortunngortunut immikkoortortaq.

 

Atorfiup taaneqartup saniatigut Utoqqaat illuanni aamma makku sulisuupput: peqqissaasut, timikkut piginnaanngorsaasut, sundhedsassistentit, sundhedsmedhjælperit, sundheds- aamma socialhjælperit, igaffimmiut, pedel, biilertoq, errorsisartut aammalu ikiortit.

 

Sulinermi avatangiisit pitsaasut neqeroorutigisinnaavavut, "Ajarsivasik" qaamasuuvoq initullunilu, iggavik 2002-imi sanaajuvoq.  Iggavimmi najugaqartut 48-it nerisassiuunneqartarput, tamatumalu saniatigut illoqarfimmi pensionisiallit nerisassanik pisisarput.

Sulisoq aalajaatsoq suleqatikkuminartorlu pissarsiarerusupparput, utoqqarnut peqqinnartunik nerisassiorusuttumik, ajornanngippallu iggavimmi ikiortitut imaluunniit nerisassaqartitsinermi ikiortitut ilinniarsimassaatit.

Inuussutissalerinermut ilinniarsimasut pillugit Naalakkersuisut, Aningaasaqarnermut ministeriaqarfiup kiisalu SIK-ip isumaqatigiissutaat naapertorlugit akissarsiaqartitsisoqassaaq suliffimmilu atugassaqartitsisoqassalluni.

Inissaqartitsisoqarpoq, ineqarnerlu malittarisassat atuuttut naapertorlugit akilerneqartassalluni.

"Ajarsivasimmi" atorfik pillugu paasissutissat sukumiinerusut igaffiup pisortaa Kirsten Nielsen, imaluunniit Utoqqaat Illuanni pisortaq Wanja Petersen, oqaq. 541154. saaffigalugit pissarsiarineqarsinnaapput.

Qinnuteqaat siornatigut suliffigisimasanik paasissutissartalik kiisalu ilinniagarisimasat pillugit uppernarsaatit kiisalu oqaaseqaatit ”Ajarsivasik”meeriissapput kingusinnerpaamik 24. november 2016 uungalu nassiunneqassallutik:

Kommune Kujalleq

Postbox 514

3920 Qaqortoq

e-mail: job@kujalleq.gl