Ilaqutariinnut Siunnersorti

Inunnik Isumaginnittoqarfik Qaqortumi Ilaqutariinnut Sullissivimmut ilaqutariinnik siunnersuisartumik pissarsiorpoq.

Perorsaasutut assingusumilluunniit ilinniarsimasuuit? Aalajaajaatsuuit? Ammasuuit? Aammalu eqeersimaartuuit? Suleqatigiit akornanni sulisinnaavit? Eqinnaatsuuillu?

Taamaappat unammillernartumik ilinnut atorfiuteqarpugut, ulloq 01. december 2016 imaluunniit tamatuma kinguninnguaniit aallarnerlugu atorfinissinnaallutit. Atorfik Qaqortumi Ilaqutariinni Sullissivimmi inissisimavoq, ilaqutariinnik sullissivimmi aqutsisoq qullersarissallugu.
Kingusinnerpaamik ulloq:
24. november 2016
Sumiiffik / immikkoortortaq:
Qaqortoq
Ulloq sulilerfissaq:
1. december 2016
Aningaasarsiat:
Isumaqatigiissutit atuuttut naapertorlugit
Ilaqutariinnik Sullissivik suleqatigalugu ilaatigut makku suliarisassavatit:
• Tapersersuinikkut siunnersuinikkullu oqaloqatiginninnerit.
• Ilaqutariit angerlarsimaffiini pulaarnerit.
• Ilaqutariit iliuusissatut pilersaarusiuunneri malinnaaviginerilu.
• Ilaqutariit peqatigalugit ”pisortat” ataatsimeeqatigineri.
• Ilaqutariit peqatigalugit pilersaarusiukkanik angalanissat aaqqissuunneri aammalu/imaluunniit peqataaffigineri.
• Ilaqutariinnik Sullissivimmi pikkorissaanerni ilinniartitsineq.
• Tidlig Indsatsimi ataatsimiinnerni peqataaneq.

Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput. Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

Atorfik pillugu sukumiinerusumik paasisaqarusukkuit Qaqortumi Ilaqutariinnik Sullissivimmi aqutsisoq Naja Lund Kielsen ima attavigisinnaavat: oqarasuaat +299 70 41 00 imaluunniit toqqaannartumik 64 54 22, mail: naki@kujalleq.gl.

Kommune Kujalleq pillugu sukumiinerusumik paasissutissat nittartakkami uani pissarsiarisinnaavatit: www.kujalleq.gl.

Kommunip kissaatigaa meeqqanut sulissisinnaanermut uppernarsaat, aammattaaq pillagaasimannginnermut uppernarsaat/imaluunniit kommunimi meeqqanik inuusuttunillu sullissisussatut atorfinittussanut tamanut tunngatillugu Pinerluuteqarsimasunut Nalunaarsuiffimmiit assilisap takunissai.

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 24. november 2016 kommunimit tiguneqareersimassapput, uungalu nassiunneqassallutik:

Kommune Kujalleq
Postboks 514
3920 Qaqortoq
job@kujalleq.gl