Isumaginninnikkut Siunnersorti

Isumaginninnikkut siunnersortinik Qaqortumi pissarsiorpugut
Kommune Kujalleq isumaginninnikkut immikkoortortaqarfik - Qaqortumut pikkorissumik tunniusimasumillu ulloq 01. december 2016 imaluunniit isumaqatigiissusiornikkut atorfinittussamik sulisussarsiorpugut.

Qaninnertut Isumaginninnermut siunnersortit aqutsisuat qullersarissavat, innarluutilinnut – utoqqalinersialinnut siusinaartumik pensionsialinnut, Nanortalimmiit – Narsamiit – Qaqortumiillu siunnersortit qanimut suleqatigissasavatit, soorluttaaq allaffissornikkut sulisut allat, susassaqaqatigiit ataatsimiititaliai oqartussaasullu allat qanimut suleqatigisartussaallugit.
Kingusinnerpaamik ulloq:
11. november 2016
Sumiiffik / immikkoortortaq:
Qaqortoq
Ulloq sulilerfissaq:
1. december 2016
Aningaasarsiat:
Isumaqatigiissutit atuuttut naapertorlugit
Naatsorsuutigineqassaaq suliassat siusinaartumik utoqqalinersiutillit naliliiffigeqqinnissaat siusinaartumik utoqqalinersiuteqarnermut suliassat ataanni.

Suliassat:
• Tamakkiisumik ilisimatitsisarluni sullissineq, ilaatigut inatsisit malittarisassallu naapertorlugit innarluutillit, utoqqaat & pension-isiallit pillugit saaffiginnittunik siunnersuineq ilitsersuisussaatitaanerlu.
• Susassaqaqatigiit ataatsimiititaliaannut aalajangiisussatullu suleqatigiissitalianut saqqummiussassat allaganngortillugit suliarisarnissaat, aammattaaq oqartussaasunut allanut suliat pillugit allattariarsorluni oqaluttariarsorlunilu attaviginnittarnissaq.
• Ingerlatsivinni oqartussaasoqarfinnilu suleqataasutut takussaasuunissaq.
• Pension-isialinnut, utoqqaat najugaqatigiiffiinut aammalu utoqqaat illuinut najoqqutassanik naapertuutisinissaq.
• Pension-siaqartunut – innarluutilillu pillugit allaffissornikkut attaveqaataanissaq
• Nunaqarfinnut tunngatillugu attaveqaataanissaq.
• Utoqqaat inissiaannut – utoqqaat najugaqatigiiffiinut aammalu utoqqaat illuinut tunngatillugu inissanik agguataarisarisarnermi ilaasortaanissaq.
• Isumaginnittoqarfimmi suliassanik takkussortunik isumaginnittarnissaq.
• Suliniutinut assigiinngitsunut peqataasarnissaq.
• Isumaginnittoqarfimmi pigaartoqarnikkut aaqqiissummut ilaanissaq.


Piginnaasatigut piumasaqaatini makkua naatsorsuutigaavut;
• Isumaginninnermut siunnersortitut ilinniagaqarsimasuussasutit, imaluunniit ukiut arlallit sullissinikkut misilittagaqartusimanissat
• Allaffissornikkut suliassatigut aningaasatigullu aqutsinikkut misilittagaqarnissat.
• Attaveqatigiinnikkut akunniliuttutullu oqariartuutinik apuussinissamut piginnaasaqarluarnissat.

Uagut neqeroorutigaavut;
• Sulineq assigiinngisitaartoq ilaatigullu ulapinnartoq, illit sulininni sullissisut Narsamiittut Qaqortumiittullu peqatigalugit suliffinni sunniuteqarnissamut periarfissaqassallutit.
• Atorfik pissanganartuullunilu unamminartuuvoq, sulinermi ilinniartitaaneq pikkorissarneqarnerlu pingaartinneqartuullutik.

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Atorfinitsinneqarneq akissarsiaqartinneqarnerlu atorfillit kattuffianni isumaqatigiisutit atuuttut naapertorlgit ilinniagaqarsimanerit naapertorlugu akissaasersorneqassaaq.
Atorfininnermut atatillugu inissannik neqerooruteqartoqarsinnaavoq, tassunga tunngatillugu inimut akiliut qularnaveeqqusissut ilaallu ilanngullugit sukkulluunniit inatsisit atuuttut naapertorlugit, soorluttaaq sukkulluunniit inatsisit atuuttut naapertorlugit atorfininnermut atatillugu angalanermut nuunnermullu aningaasartuutit kommunimit akilerneqassallutik.

Atorfik pillugu annertunerusumik paasisaqarusukkuit Isumaginninnermi siunnersortit aqutsisuat Otto Mathiassen saaffigisinnaavat, mail: otma@kujalleq.gl oqarasuaat: 64 53 77. Nittartagarput una alakkarlugu kommuni pillugu annertunerusumik atuagaqarsinnaavutit: www.kujalleq.gl

Qinnuteqaat, pillagaasimannginnermut uppernarsaammik ilallugu, aammattaaq ilinniagarisimasat siornatigullu suliffigisimasat pillugit paasissutissanik ilalerlugu, ilinniagarisimasanut uppernarsaatit, sulisitsisumiit oqaaseqaatit ilaallu ilanngullugit kingusinnerpaamik ulloq 11.november 2016 kommunimit tiguneqareersimassapput, uungalu nassiunneqassallutik:
Kommune Kujalleq
Sulisoqarnermut Pisortaqarfik
Postbox 514
3920 Qaqortoq
job@kujalleq.gl