Tullersorti

Kommune Kujalleq Qaqortoq Meeqqerivimmi “Inneriilat”-ni perorsaasutut ilinniarsimasunik tullersortissamik pissarsiorpugut.

Perorsaasutut tullersortitut ilinniarsimasumik Qaqortumi amigaateqarpugut sulilersussaq 01. december 2016 imaluunniit isumaqatigiissuteqarnikkut.
Kingusinnerpaamik ulloq:
23. november 2016
Sumiiffik / immikkoortortaq:
Qaqortoq
Ulloq sulilerfissaq:
1. december 2016
Aningaasarsiat:
Isumaqatigiissutit atuuttut najoqqutaralugit
Meeqqerivik “Inneriilat” meeqqanut 76-nut naatsorsuussaavoq 0-6 ukiulinnut. Sulisut katillugit 12-put, taakkua iluanni pisortaq ilaalluni.

”Inneriilat” siunertaqarpoq, naalungiarsuup meeraaqqerivimmut ikaarsaarnissaanut piareersarlugu, sutigullu tamatigut meeraq qitiutillugu inerisaaneq suliniuteqarneq, pingaartitaraalu assigiinngitsutigut piorsarsimassuseq (kultur) pillugu ingerlataqarneq, meeqqat misigissusaat paasineqarnissaat, nunallu pissarititaanik atorluaaneq, atoqqiineq, meeqqap timaata silassorissusaatalu killiffia apeqqutaatillugu sammisaqarneq. Angajoqqaanik atuisunik/paaqqutarinnittunik suleqateqarneq, pisariaqartitsinerlu naapertorlugu meeraq qitiutillugu suliniutinik aallutaqarneq. Inatsisartut inatsisaat nr 16. 3.dec 2012-meersoq tunngavigalugu qulaani pinertut angajoqqaallu suliniutigaat. Kammagiitta (Fri for mobberi) sapaatsip akunneranut ataasiarluni angajullerni 4-6 ukiulinni sammine- qartarpoq, siunertat assigiingitsut inerisaataasullu imaritinneqarlutik, meeqqallu isumaat malillugu iliuuse- qarneq. Tunngaviit 7-it iluanni meeqqap killiffia kinaasusaa aallaavigalugu sammisaqarneq inerisaaneq ingerlanneqartarpoq.
0-6 tungaanut ikaarsaarfiit tamarmik tulluarsakkamik piareersaaneq sammisaqarneq, aammalu atua- lernissamut assigiingitsutigut atuarfik suleqatigalugu piareersaaneq sammisaqarnerlu aallunneqarluarlutik.

Suleqatigiit imminnut ilisarisimalluartuupput ulapaarfiup nalaani pisariaqartutigut aaqqiipallassinnaanermik sungiusimasallit, sulisut assigiinngitsutigut piginnaasaminnik atorluuaasuupput, sullitaminnik ilisarisiman- nilluartuupput tunniusimasuullutillu.

Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.

Qaqortoq illoqarfiuvoq eqqissisimasoq alutornartoq, ukiup ingerlanerani assigiinngitsunik sammisaqartitsiffiusarluni.

Illit perorsaasutut ilinniarsimasuullutit ”Inneriilat”-ni Tullersortinngoruit makkua akisussaaffigissavatit akisussaaffigissavatit:
• Illup ingerlarnganik sutigut tamatigut nakkutiginninneq, taassuma iluani allaffissorneq
• Illup siunertaanik malitsitsiniartoq
• Inatsisartut inatsisaat nr 16, 3. dec 2012-meersoq pillugu suliniuteqarneq
• Angajoqqaanik suleqateqarnermi eqqummaarissuuneq
• Perorsaanilerinermik nakkutiginninneq, nutarsaajuarneq
• Suleqatikkuminartoq, tarnikkut timikkullu nukittooq
• Killiliisinnaasoq
• Suleqatinik ataatsimoortitsisinnaasoq
• Ajornartorsiutinik qaangiinissamik aqqutissiuisinnaasoq
• Ulapaarfimmi ataatsikkoorussisinnaasoq
• Aqutsinermik misilittagaqartoq
• Meeqqanut asannittoq tunniussimasorlu

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.
Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq.

Atorfininnermut atatillugu inissannik tunineqarsinnaavutit.

Annertunerusumik paasisaqarusukkuit uunga saaffiginnissinnaavutit Malene Høegh-Olsen inneriilat@kujalleq.gl Imaluunniit sianerlutit: 64 29 74
Qinnuteqarfissaq kingulleq 23. november 2016 uungalu nassiunneqassaaq imaluunniit:
Kommune Kujalleq
Postboks 514
3920 Qaqortoq
job@kujalleq.gl