Angalaarluni pinaveersaartitsisumik pissarsiorpoq

Ornittagaq Neriusaaq ataatsimik angalaarluni pinaveersaartitsisumik pissarsiorpoq

Qaqortumi Inunnik Isumaginnittoqarfik miljøarbejderimik angalaarluni pinaveersaartitsisumik ulloq 1. Januar 2017. aallarnerlugu atorfinissinnaasumik isumaqatigiissusiornikkulluunniit sulilersinnaasumik sulisussarsiorpoq.
Kingusinnerpaamik ulloq:
20. december 2016
Sumiiffik / immikkoortortaq:
Qaqortoq
Ulloq sulilerfissaq:
1. januar 2017
Aningaasarsiat:
AK-p isumaqatigiissutit

Maannakkorpiaq sulisuuvoq angalaarluni pinaveersaartitsisuni aqutsisoq, taassuma ilaqutariinnik sullissivimmi angalaarlutik pinaveersaartitsisut qanimut suleqatigisarlugit.

 

Angalaarluni pinaveersaartitsisup pingaarnertut makku akisussaaffigissavai:

  • Meeqqat inuusuttullu pillugit Ornittagaq ”Neriusaaq”-mi sulisarnissaq, ilaatigut meeqqat inuusuttullu qanoq ingerlaneri nakkutigisassallugu.
  • Meeqqat inuusuttullu Ornittakkamukartartut inuunerminni qanoq iliorsinnaanerat pillugu siunnersorlugillu ilitsersortarnissaat.
  • Nanu Børn-ip angalaarlutillu pinaveersaartitsisut suliniutaannut peqataasassalluni.

 

Naatsorsuutigaarput:

  • Ingerlalluartuunissat, qanilaartuunissat, eqeersimaartuunissat aammalu meeqqat inuusuttullu ingerlalluarnissaat pillugu sulissuteqarumasuunissat.

  • Kalaallisut oqaaseqartuunissat, dansk-isut paasinnissinnaasuunissat.

  • Isumaginninnikkut siunnersuisartutut, perorsaasutut ilinniartitsisutulluunniit ilinniagaqarsimasuunissat, imaluunniit allatut ilinniagaqarsimasuullutit meeqqat inuusuttullu sullinneqartarnerini misilittagaqqortuujunissat.

     

    Meeqqanik pinerliisimannginnermut uppernarsaammik:

    Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

    Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

     

    Sulinermi piumasaqaatit:

    Ornittagaq ”Neriusaaq” maannakkorpiaq sapaatip akunneranut ullut tallimat ammasarpoq. Ullut ilai unnukkoorfiusassapput ilaatigullu weekendtimi sulisarnissaq naatsorsuutigineqassalluni.

     

    Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

     

    Atorfininnermut atatillugu inissannik tunineqarsinnaavutit, tassunga tunngatillugu inimut akiliut qularnaveeqqusissut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq

    angalanermut nuunnermullu aningaasartuutit sukkulluunniit inatsisit atuuttut naapertorlugit kommunimit akilerneqassallutik.

     

    Atorfik pillugu sukumiinerusumik paasissutissat uunga saaffiginninnikkut pissarsiarineqarsinnaapput: miljøarbejderitut aqutsisoq Else P. Heilmann, oqarasuaat: 49 44 67, e-mail: ephe@kujalleq.gl

     

    Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik ulloq 20. December 2016 Qaqortumi Aqutsisoqarfimmut nassiunneqarsimassapput:

     


Kommune Kujalleq

HR-imi immikkoortortaqarfik

Postboks 514

3920 Qaqortoq

job@kujalleq.gl