imminermi kukkunersiuisumik

imminermi kukkunersiuisumik Kisitsisilerillaqqissoq kukkunersiuillaqqissoq.

Kommune Kujalliup kissaatigaa imminermi kukkunersiuinerup aningaasanillu aqutsinerup nukittorsarneqarnissaat, taamaattumik misilittagaqarluartumik imminermi kukkunersiuisussarsiorluni ulloq 01. januar 2017 aallarnerfigalugu sulilersussaq isumaqatigiissuteqarnikkulluunniit.
Kingusinnerpaamik ulloq:
22. december 2016
Sumiiffik / immikkoortortaq:
Qaqortoq
Ulloq sulilerfissaq:
1. januar 2017
Aningaasarsiat:
Isumaqatigiissutit atuuttut naapertorlugit

Matumani pineqarpoq atorfik nutaaq, aningaasaqarnitsinnik ineriartortitsinissami nakkutilliinermillu (imminermi kukkunersiuineq) pingaarutilimmik inissisimasussaq. Unammillernissamut piumassuseqarlutillu, qunusuitsuullutillu nukittussuseqassuutit kiisalu allaffeqarfimmi imminermi eqeersimaartuullutit nakkutilliisuussaatit.

 

Kommunip sillimmatinik atuinerani sumulluunniit attuumassuteqanngitsumik namminersortumillu tunniussaqarsinnaassaatit, ilanngullugit pissusissamisoortuunngitsunik suussusersinissaq suliallu iluarsineqarnissaannik siunnersuilluarnissaq. Taakku saniatigut ingerlatsiviit siunnersorlugillu ikiussavatit aningaasaqarnikkut pilersaarusiornermut imminermilu nakkutilliinermut/aningaasanik missingersuutinik malinnaaqinnermut tunngatillugit kiisalu aningaasanik aqutsinermik ajutooratarsinnaanermillu nalilersueqataassassaatit.

 

Suliassat pingaarnerit makkuupput:

  • Aningaasanik tigoriaannarnik missingersuussiorneq kiisalu aningaasanik missingersuussiornissamut piareersaaneq aningaasaqarnermik pisortaq kommunilu aqutsisut suleqatigalugit.

  • Aningaasanik nakkutilliinermik ineriartortitsineq, atuutitsineq siunnersuinerlu, ilanngullugit aningaasanik missingersuutinik ataavartumik malinnaajuarneq kiisalu politikerinut pisortanullu ukiumoortumik naatsorsuutit pitsaasusiinik qulakkeerinninneq.

  • Inatsisitigut pisussaaffiusumik kukkunersiuinermi avataaneersunik kukkunersiusunik ikiuineq kiisalu kukkunersiuisut oqaaseqaataasa akissuteqarfigineqarnissaannik qulakkeerinninneq.

  • Qaammatikkaartumik naatsorsuutinik saqqummiussisarnernik qulakkeerinninneq kiisalu taakkununnga naatsorsuutit kisitsisitaannik katersineq.

  • Kommunip immikkoortoqarfiinut aningaasanik aqutsinissamut kommunip peqqussutaannut attuumassuteqartunut suliassanik atuutitsilernissaq, siunnersuinissaq sulissuteqarnissarlu.

  • Ilassutissanik aningaasaliissuteqartarnerni aningaasatigut malitsigisassaannik nalunaarsuineq.

  • Suliassat ingerlaartarnerinik atuuttunik ataavartumik misissuisarneq kiisalu tassunga atasumik nakkutilliinissanik sulissutiginnittarneq, ilanngullugu pisortat aningaasanik nakkutilliisarnerat.

  • Kukkunersiuinerup iluani kommunip immikkoortoqarfiinik siunnersuineq ikiuisarnerlu.

  • Kommunip naatsorsuusereriaasianik iluarsartuusisarneq-

  • Kommunip karsianik naatsorsuutaanillu maleruaqqusanik nutarterisarneq.

  • Aaqqissuusaasumik nammineerluni pisortat sulisullu suleqatigalugit immikkoortortanik piginnaaneqarnerulersitsinissaq sunniutaasut, malitsigisat iliuutsillu pingaartumik ukkannerisigut (ilaatigut pisinnaatitaaffik aamma inatsisit naapertorlugit innarlitsaalineqarnissaq).

  • Kukkunersiuisut avataaneersut suleqatigalugit imminermi kukkunersiuinissamik aaqqissuusisarneq.

  • Ilaatigut aningaasanik ingerlatsivik peqatigalugulu ataavartumik aningaasanik aqutseqataaneq kiisalu naatsorsuutinik eqqortumik nalunaarsuinermik nakkutilliineq.

     

    Naatsorsuutigaarput makkuninnga piginnaaneqarnissat:

  • Kukkunersiuinermik piginnaaneqarluarnissaq aamma aningaasanik aqutsinermik piginnaaneqarluarnissat, ilanngullugit pisortatigut kukkunersiuinermik ingerlatsinermillu kukkunersiuinermik misilittagaqarnissat.

  • Innimermi kukkunersiuinermik aaqqissuusisarnermik pilersaarusiornermillu piginnaaneqartuunissat pitsaassuseq naammassisaqarluarnissarlu qitiutillugit.

  • Periutsimik paasinnissinnaassuseqarnissaq kiisalu suleriaaseqarluarnissaq kiisalu pitsaasumik suleqatigiilersitsinissaq imminermi kukkunersiuinermi soqutigisaqaqatigiit assigiinngitsut suleqatigisallu iluanni.

  • Kisitsisinik, allatat oqaatsillu atorlugit nassuiaasinnaasuseqarluassaatit.

  • Iluaqutaalluassaaq kalaallisut oqaaseqarnissat, aamma imaluunniit Kalaallit Nunaannik kalaallinullu tunngassutilinnik pitssutsinik ilisimasaqarnissat.

 

Neqeroorutigaavut:

  • Ineriartornissamut periarfissat pitsaasut, periarfissaqarlunilu piginnaanernik unammillernissaq nutaanillu isumassarsiornissaq.

  • Suleqatitsialaat sullarissut.

  • Peqatigiinneq mersernanngitsoq suliffimmilu isumagissaarluarneq.

  • Kujataani pinngortitarsuaq kusanarluinnartoq ulluinnarnilu inuit ilassiortut.

     

    Akissarsiat atorfeqartitaanerlu.

    Akissarsianik isumaqatigiissut atuuttoq malillugu atorfeqartitaaneq. Soqutiginnittut akissarsianik isumaqatigiissut takusinnaavaat www.kanukoka.gl sammineqartup ataani: sulisut, akissarsiat aamma sullivimmi avatangiisit.

     

    Ineqartitsisoqarsinnaavoq malittarisassat atuuttut malillugit depositumi/ineqarnermut akiliummik akiliisoqartarluni. Sulilernermi angalanermut aamma pequtinik assartuinermut akiliunneqarneq malittarisassat atuuttut malillugit. Qinnuteqartut marluinnik oqaasillit salliutinneqassapput piumasaqaataananili.

     

    Annerusumik paasisaqarusukkuit:
    Attaveqarfigikkit:

    Aningaasaqarnermut pisortaq Kenneth Høegh oqarasuaat 565604 iml. e-mail: keho@kujalleq.gl

     

    Aningaasaqarnermik siunnersorti Claus W. Hansen oqarasuaat 64 53 69 iml. e-mail: clha@kujalleq.gl

     

    Qinnuteqarnissaq:

    Qinnuteqaat ilinniarsimanermik, siusinnerusukkut suliffeqarnermik ilaqutariillu amerlassusiinik paasissutissartalik, soraarummeernermik uppernarsaatit assinginik oqaaseqaataasinnaasunillu ilallit il.il. kommunip tigoreersimassavai kingusinnerpaamik 22. december 2016 nal. 12:00, ulloq 29. december 2016 suliffissarsiortoq oqaloqatigineqarsinnaassalluni.


Kommune Kujalleq

HR-afdeling

Postboks 514

3920 Qaqortoq

job@kujalleq.gl