Meeqqerivik Angajup pisortassaanik - allagarsiuteqqitaq

Kommune Kujalleq Qaqortumi pisortamik perorsaasutut ilinniarsimasut amigaateqarpugut.

Meeqqerivik “Angaju” Pisortamik perorsaasutut ilinniarsimasumik pissarsiorpoq. Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit. Ulloq sulilerfissaq: 1. februar 2017 imaluunniit isumaqatigiissuteqarnikkut.
Kingusinnerpaamik ulloq:
30. januar 2017
Sumiiffik / immikkoortortaq:
Qaqortoq
Sivisussusaa:
Ataavartoq
Ulloq sulilerfissaq:
1. februar 2017
Aningaasarsiat:
Isumaqatigiissutit malillugit

Meeqqerivik akuleriit ”Angaju” meeqqanut  64-nut naatsorsuussaavoq 0-6 ukiulinnut.

Sulisoqarpoq katillugit 15-nik, taakkua iluanni pisortaq inissisimalluni, init sisamanut agguagaallutik, init marluk 0-3 ukiullit init tamarik 12-nik meeraaqqanik inissaqarluni, init marluk 3-6 ukiulinnut inissaqarlutik ini tamarmik 20-nik inissaqarluni.

 

”Angaju” siunertaqarpoq, naalungiarsuup meeraaqqerivimmut ikaarsaarnissaanut piareersarlugu, sutigullu tamatigut meeraq qitiutillugu ikorfartorlugu suliniuteqarneq, pingaartitaraalu assigiinngitsutigut piorsarsimassuseq pillugu ingerlataqarneq, nunallu pissarititaanik atorluaaneq, meeraq qitiutillugu sammisaqarneq, utoqqarnut attaveqarneq, suliffeqarfinnut paasisassarsiortarnerit, angajoqqaanik suleqateqarluarneq, pisariaqartillugulu angajoqqaanik kaammattuinermik imaqartumik ingerlatsisarluni.

Inatsisartut inatsisaat nr 16. 3.dec 2012-meersoq tunngavigalugu qulaani pinertut angajoqqaallu suliniutigaat. Tunngaviit arfineq marluk malillugit aallartisartoqalerpoq. Pingaartitaavoq meeqqap toqqissimanisumik ineriartornissaa sulisut angajoqqaallu suleqatigiinnerisigut.

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, sulisut assigiinngitsutigut pikkorissarneqartuarnermikkut sullitaminnik ilisarisimannilluartuupput tunniusimasuullutillu. Sulisut nukittuffigaat meeqqanut angajoqqaanullu qanilaartumik suleriuseqarneq.

 

Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.

Illit pisortatut ”Angaju”-ni makkua akisussaaffigissavatit:

  • Illup ingerlanganik sutigut tamatigut nakkutiginninneq, taassuma iluani allaffissorneq
  • Illup siunertaanik malititsiniartoq
  • Inatsisartut inatsisaat nr 16, 3.dec 2012-meersoq pillugu suliniuteqarneq
  • Angajoqqaanik suleqateqarnermi eqqummaarissuuneq
  • Perorsaanilerinermik nakkutiginninneq, nutarsaajuarneq
  • Suleqatikkuminartoq, tarnikkut timikkullu nukittooq
  • Killiliisinnaasoq
  • Suleqatinik ataatsimoortitsisinnaasoq
  • Ajornartorsiutinik qaangiinissamik aqqutissiuisinnaasoq
  • Ulapaarfimmi ataatsikkoorussisinnaasoq
  • Aqutsinermik misilittagaqartoq,iluaqutaassaaq piumasaqaataanngilarli

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Annertunerusumik paasisaqarusukkuit uunga saaffiginnissinnaavutit meeqqerivimmi pisortaagallartoq Regine Andreassen angaju@kujalleq.glImaluunniit sianerlutit uunga: 64 22 74

Qinnuteqarfissaq kingulleq 30. januar 2017 nal. 12:00 uungalu nassiunneqassaaq:


Kommune Kujalleq

HR-afdeling

Postboks 514

3920 Qaqortoq

job@kujalleq.gl