Perorsaasoq

Perorsaasutut ilinniarsimasumik Narsami amigaateqarpugut. Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit.

Meeqqerivik akuleriinnut naatsersuussaq “Viivi” perorsaasunik ilinniarsimasunik 1-nik pissarsiorpoq. Sulilersussat 15. januar 2017 imaluunniit isumaqatigiissuteqarnikkut.
Kingusinnerpaamik ulloq:
6. januar 2017
Sumiiffik / immikkoortortaq:
Narsaq
Ulloq sulilerfissaq:
15. januar 2017
Aningaasarsiat:
Isumaqatigiissutit naapertortuuttut malillugit

Meeraaqqerivik ”Viivi” meeraaqqanut 48-nut naatsersuussaavoq 0-3 ukiulinnut inini sisamanik agguarnikuulluni.

Sulisoqarpoq katillugit 16-nik, taakkua iluanni pisortaq inissisimalluni, init sisamanut agguagaallutik. ”Viivi” siunertaqarpoq, naalungiarsuup meeraaqqerivimmut ikaarsaarnissaanut piareersarlugu, sutigullu tamatigut meeraq qitiutillugu ikorfartorlugu suliniuteqarneq, pingaartitaraalu assigiinngitsutigut piorsarsimassuseq pillugu ingerlataqarneq, nunallu pissarititaanik atorluaaneq, meeraq qitiutillugu sammisaqarneq, utoqqarnut attave-qarneq, suliffeqarfinnut paasisassarsiortarnerit, angajoqqaanik suleqateqarluarneq, pisariaqartillugulu angajoqqaanik kaammattuinermik imaqartumik ingerlatsisarluni.
Inatsisartut inatsisaat nr 16. 3.dec 2012-meersoq tunngavigalugu qulaani pinertut angajoqqaallu suliniutigaat. Tunngaviit arfineq marluk malillugit aallartisartoqalerpoq. Pingaartitaavoq meeqqap toqqissimanisumik ineriartornissaa sulisut angajoqqaallu suleqatigiinnerisigut.                                                                

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartutigut aaqqiipallassinnaanermik sungiusimasallit, suleqatikkuminartut qiimasullu, sulisut assigiinngitsutigut pikkorissarneqartuarnermikkut sullitaminnik ilisarisimannilluartuupput tunniusimasuullutillu. Sulisut nukittuffigaat meeqqanut angajoqqaanullu qanilaartumik suleriuseqarneq.                                        Meeraaqqerivik illoqarfiup qanittuani inissisimavoq, pinngortitamullu qanittuulluni, atorluarneqartarluni.      Narsami meeqqeriviit marluupput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik. Narsaq illoqarfiuvoq eqqissisimasoq ilinniartoqarfiulluni alutornartoq, pisoqarfiusarpoq ukiup ingerlanerani assigiinngitsunik sammisaqartitsiffiusarluni.

 

Perorsaasup inip iluani suliassaanik naatsersuuteqarpugut , makkunannga:

  • Suliffimmut tunniusimasoq

  • Suliffimmi ataatsimoorussamik isiginnissinnaasoq

  • Meeqqat pisariaqartitaannik takunnissinnaasoq

  • Atuisunut suleqatikkuminartoq

  • Unneqqarissoq

  • Nalimmassarluarsinnaasoq

  • Isumassarsiullaqqissoq

  • Qarasaasialerinermik piginnaasaqarneq- piumasaqaataanngilarli.

Meeqqanik pinerliisimannginnermut uppernarsaammik: Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Atorfininnermi inissaqartitsisoqarsinnaavoq malittarisassat atuuttut malillugit ineqarnermut akiliisoqartassalluni.

 

Annertunerusumik paasisaqarusukkuit uunga saaffiginnissinnaavutit meeqqeriup pisortaa: Stine Joelsen, narviivi@greennet.gl imaluunniit sianerlutit uunga: 66 11 54. Qinnuteqarfissaq kingulleq 06. januar 2017, uungalu nassiunneqassallutik:


Kommune Kujalleq 

HR-afdeling

Postboks 514

3920 Qaqortoq

E-mail: job@kujalleq.gl