Pitsaaliuinermut siunnersorti

Pitsaaliuinermik siunnersorti
ALLAGARSIUTEQQITAQ

Piaarnerpaamik 01. februar 2017 imaluunniit isumaqatigiissuteqarnikkut atorfinittussamik.
Kingusinnerpaamik ulloq:
20. januar 2017
Sumiiffik / immikkoortortaq:
Narsaq
Ulloq sulilerfissaq:
1. februar 2017
Aningaasarsiat:
Isumaqatigiissutit atuuttut naapertorlugit

 

Kommune Kujallermi Isumagittoqarfik Narsaq Pitsaaliuinermik siunnersortissarsiorpoq. Aaqqissuusaanikkut Pitsaaliuinermik siunnersorti Multicenter-ip ataaniissaaq makkuninngalu suliassaqassalluni:

 

  • Kommunimi, aamma nunaqarfinni pinaveersaartitsinermik peqqinnerulersitsiniarnermillu suliat tamalaat ataqatigiissaarisuuffigissallugit.
  • Kommunip pinaveersaartitsinermut politikkianik timitaliinissamut malitseqartitsinissamullu  akisussaassalluni
  • Inuiaqatigiit nunaqqatigiillu ineriartornerannut malinnaassalluni sapinngisamillu piaarnerpaamik pinaveersaartitsiniutinik aallarniisassalluni.
  • Kommunimi pinaveersaartitsiniutaasunik sammisaqartitsinerup pilersaarusiornissaanut akisusssaassalluni.
  • Suleqatit nukingi pioreersut ataqatigiissaassallugit
  • Pinaveersaartitsiniutinik timitalinnik aallarniissalluni – najugaqarfinni iliuusissanik pilersaarusiussalluni.
  • Atuarfiit, sullissiviit – innuttaasut suleqatigalugit tigussaasunik paasititsiniaassalluni.
  • Sammisat pinaveersaartitsiniutaasut peqqinnerulersitsiniarfiusullu pillugit peqatigiiffinnut suleqateqassalluni.
  • Najukkami suliniutit naliliiffigineqartarnerannut malitseqartinneqartarnerannullu akisussaasalluni – aamma Inuuneritta II eqqarsaatigalugu
  • Pinaveersaartitsinermut tunngasut missingersuusiorfigissallugit.
  • Peqqinnerulernissamut perorsaaneq peqataaffigilluassallugu ataqatigiissaarisuuffigissallugulu.
  • Pinaveersaartitsinermut siunnersortit akornanni peqataalluassalluni misilittakkanillu paarlaaseqatiginnittassalluni kiisalu najugaqarfinnut suliartorallartarnissamut periarfissaqassalluni – tassa eqaatsumik sulissalluni.
  • Najukkani ataatsimiititaliani allattaassalluni siunnersortaassallunilu.
  • Nunaqarfinni suleqatigiinnermut ataatsimiititalianut ikiuutissalluni  taakkulu pilersinneqarnerinut akisussaassalluni kiisalu ingerlaavarnissaat qularnaassallugu.
  • Illoqarfiit / najugaqarfiit akornanni suliamut ilisimasaqarnikkut eqqaatsumik ingerlatsisoqarnissaanut ikiuutissalluni.

     

    Piginnaasat:

  • Pinaveersaartitsinermik peqqinnerulersitsiniarnermillu soqutigisaqassalik
  • Kommunimi pinaveersaartitsiniarnerup ineriartortitseqataanissaminut piumassusilik
  • Marluinnik oqaasilik (kalaallisut danskisullu).
  • Ammasoq
  • Isummersuillaqqissoq.
  • Paatsiveerutiaatsoq.
  • Suleqateqallaqqissoq
  • Illoqarfinni nunaqarfinnilu sulianik ataqatigiissaarisinnaassusilik.
  • Eqaatsumik suleriarsinnaassusilik.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Isumaginninnermut, peqqissaanermut, ilinniartitsisutut allatullunniit meeqqanik inuusuttuaqqanillu sullissinermut ilinniarsimasuunissaq piumasarineqarpoq.

 

Atorfeqarnermi akissarsiatigullu atugassarititaasut AK isumaqatigiissutai naapertorlugit pissapput.

 

Kommune Kujalleq inissaqartitsissaaq

 

Atorfik pillugu saasissutissat sukumiinerusut Bolethe Stenskov e-mail bost@kujalleq.gl imaluunniit oqarasuaat 381533 atorlugu saaffiginnilluni pissarsiarineqarsinnaapput.

 

Qinnuteqaat pinerluuteqarsimannginnermut uppernarsaammik, soraarummeernermi uppernarsaatinik, siusinnerusukkut suliffigisimasanik, oqaaseqaatinillu ilallugu Kommune Kujallermi kingusinnerpaamik 20. januar 2017 tiguneqareersimassaaq, uungalu nassiullugu:

Kommune Kujalleq

HR-afdeling 

Postboks 514

3920 Qaqortoq

job@kujalleq.gl