Fuldmægtig

Qaqortumi ilaqutariinnik sullissivimmi allaffimmioq:

Qaqortumi Ilaqutariinnik Sullissivik allaffimmiussarsiorpoq marsip aallaqqaataani 2017 imaluunniit isumaqatigiissuteqarnikkut atorfinittussamik.
Kingusinnerpaamik ulloq:
24. februar 2017
Sumiiffik / immikkoortortaq:
Qaqortoq
Ulloq sulilerfissaq:
1. marts 2017
Aningaasarsiat:
Isumaqatigiissutit atuuttut naapertorlugit

Sulisut makkuupput: Pisortaq, Tarnip pissusaanik immikkut ilisimasalik, Ilaqutariinnik siunnersortit marluk, pitsaaliuinermut siunnersorti, inuusuttuaqqanut siunnersortit marluk, allaffimmiu, asaasoq ullup affaa sulisartoq.

 

Suliassamik allaaserinninneq:

 

  • Missingersuutit

  • Missingersuutinik suliaqarneq.

  • Missingersuutinut nassuiaasiorneq.

 

  • Aningaasaliissutit

    • Aningaasaliissutinik atuinermullu nakkutilliineq.

    • Tapiissutinik nakkutilliineq

 

  • Naatsorsuutit

    • Qaammatikkaartumik ukiumoortumillu naatsorsuuserineq.

    • Naatsorsuutinik taaneqareersunik oqaaseqaasiorneq.

    • Asimi suliniutini naatsorsuutit suliarineqarneri

 

  • Akissarsianit nalunaarsuineq

    • Qaammammusiat

    • Ullut 14-kaartut

 

  • Oqaluuserisassat/sulisut ataatsimiinneranni imaqarniliorneq.

  • Oqarasuaatikkut saaffiginnittunik tigooraaneq.

  • Illoqarfinni nivingaassuineq.

  • Angalanerni naatsorsuineq inniminniinernilu.

  • Ullormusiat naatsorsornerat.

  • Allaffimmi suliat allat nalinginnaasut

  • Saaffiginnissutinik tigooraaneq

  • Pikkorissarsimasunik allattorsimaffinik allattuineq

  • Sullitanut attaveqarluarneq

 

Tamakku ilaqutariinnik sullissivimmi Qaqortumi, Nanortalimmi Narsamilu suliarineqartassapput.

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq, meeqqanik pinerliisimannginnermik uppernarsaat aalajangeeqataasussaavoq.

 

Namminersorlutik Oqartussat aammalu Sulinermik Inuussutissarsiuteqartut Kattuffiata allaffimmiunut niuertarfimmiunullu isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.

 

Malittarisassat atuuttut naapertorlugit atorfininnermi soraarnermilu angalanermut akiliussisoqarsinnaavoq, aamma sulisutut inissannik innersuussiffigineqarsinnaavutit sillimmatinut, ineqarnermut allanullu malittarisassat qaqugukkulluunniit atuuttut naapertorlugit akilertagassannik.

 

Atorfik pillugu sukumiinerusumik paasissutissat Pisortap tullersortaanut Peter Sonberg oqarasuaat 64 53 54, e-mail: peso@kujalleq.gl  paasiniarneqarsinnaapput imaluunniiit Ilaqutariinnut sullissiviup pisortarigallagaa Naja Lund Kielsen telefon 64 54 22 imaluunniit e-mail naki@kujalleq.gl

 

Qinnuteqaat, pillagaasimannginnermi allagartaq, ilinniagaqarsimanermut siornatigullu suliffigisat paasissutissiinerat ilinniagaqarsimanermut uppernarsaatit suliffigisimasaniillu oqaaseqaatit allallu assingi ilanngullugit kingusinnerpaamik februaarip ulluisa 24-t 2017 nal. 12.00 nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl