Angalaarluni pinaveersaartitsisoq

Qaqortumi isumaginnittoqarfik angalaarluni pinaveersaartitsisartumik ataatsimik, 1. februari 2017 aallarnerlugu atorfinissinnaasumik isumaqatigiissusiornikkulluunniit sulilersinnaasumik sulisussarsiorpoq.
Kingusinnerpaamik ulloq:
9. februar 2017
Sumiiffik / immikkoortortaq:
Qaqortoq
Ulloq sulilerfissaq:
1. marts 2017
Aningaasarsiat:
Isumaqatigiissutit atuuttut naappertorlugit

Massakkut sulisuusut tassaapput, angalaarlutik pinaveersaartitsisut aqutsisuat ilaqutariinnik sullissivimmi angalaarlutik pinaveersaartitsisunik, kiisalu isumaginnittoqarfimmik qanimut suleqateqartoq.

 

Peqqissaasumik suleqateqarnikkut, anaanat sapaatip akunneranut ataasiarlutik Neriusaami naapittarput.

Pisariaqartitsinikkut politiinik, inuusuttuaqqat ornittagaannik atuarfimmillu suleqateqartarpugut.

Atuartut inaat suleqatigaarput.

 

Angalaarluni pinaveersaartitsisup pingaarnertut makku akisussaaffigissavai:

  • Meeqqat inuusuttuaqqallu ornittakkaminni, nuannersumik toqqissisimanartumillu ulloqartinnissai.

  • Meeqqat inuusuttuaqqallu ornittakkamut saaffiginnikkaangata, siunnersorlugillu ilitsersornissai.

  • Isumaginnittoqarfiup ilaqutariinnullu sullissiviup suleqatigiinnerannut peqataaneq.

  • Angajoqqaat, angajoqqaarsiat meerarsiallu suleqatigiinnerannut peqataaneq.

  • Meeqqat inuusuttuaqqallu ilaanneeriarlutik angalaartassapput, soorlu assersuutigalugu savaateqarfinnut.

 

Naatsorsuutigaarput:

  • Ingerlalluartuusutit, qanilaartuusutit, eqeersimaartuusutit aammalu meeqqat inuusuttullu ingerlalluarnissaat pillugu sulissuteqarumasuusutit.

  • Meeqqanik, inuusuttuaqqanik angajoqqaanillu oqaloqateqallaqqittuusutit.

  • Meeqqanik inuussuttunillu sullissinermi misilittagaqartutit.

 

Meeqqanik pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq, meeqqanik pinerliisimannginnermik uppernarsaat aalajangeeqataasussaavoq.

 

Sulinermi piumasaqaatit:

 

Nal. 8-20 akornanni suliartortassaatit, sapaatillu akunneranut marloriaq, unnukkut nal. 12-20 kiisalu 11-19 sulisassallutit.  Pisariaqartitsinermili isumaqatigiissusiornikkut allanngortinneqarsinnaavoq.

 

Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu atorfinititsisoqassaaq.

 

Inissannik tunineqarsinnaavutit, malittarisassat atuuttut naapertorlugit ineqarnermut akiliut qularnaveeqqutillu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik.

 

Atorfik pillugu sukumiinerusumik paasissutissat uunga saaffiginninnikkut pissarsiarineqarsinnaapput: miljøarbejderitut aqutsisoq Else P. Heilmann, oqarasuaat: 49 44 67, e-mail: ephe@kujalleq.gl. 

 

Qinnuteqaat, pillagaasimannginnermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri, Qaqortumi Aqutsisoqarfimmut nassiunneqarsimassapput kingusinnerpaamik ulloq 9.februar.2017


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq.

job@kujalleq.gl