Kommune Kujalleq atuarfinni tarnit pissusaannik immikkut ilisimasalimmik immikkut isumaqatigiissuteqarneq tunngavigalugu atorfinittussamik pissarsiorpoq.

Kommune Kujalleq-mi tarnit pissusaannik immikkut ilisimasalik pisortap tullissaa inuttassarsiuunneqarpoq martsip aallaqqaataaniit 2017, imaluunniit isumaqatigiissuteqarnikkut kingusinnerulaartukkut.
Kingusinnerpaamik ulloq:
20. februar 2017
Sumiiffik / immikkoortortaq:
Qaqortoq
Ulloq sulilerfissaq:
1. marts 2017
Aningaasarsiat:
Isumaqatigiissutit atuuttut naappertorlugit

MISI-Kujalleq aaqqissugaanikkut Meeqqanut Kultureqarnermullu Ingerlatsiviup ataaniippoq. Allaffissornikkut atuarfinni tarnit pissusaanik immikkut ilisimasallup Meeqqenut Kultureqarnermullu ingerlatsiviup pisortaa qaninnertut qullersaraa, taanna Nanortalimmi kommunip allaffiani inissisimavoq. 

 

Ingerlatsiviup ataaniipput atuarfiit, angerlarsimaffinni atuartitaaneq, ulluunerani meeqqanik paaqqinnittarfiit, meeqqanik paaqqinnittarfiit, suli atualinngittut sammisassaqartinneqarneri, MISI kiisalu kulturimut sunngiffilernermullu tunngasut. Taakkununnga tunngasunik paasisaqarnerorusukkuit kommunip nittartagaa www.kujalleq.gl takujuk.

 

 

MISI-Kujalleq Qaqortumiittup kujataani illoqarfiit pingasut perorsaanermi tarnillu pissusaanik tunngasunut siunnersuinissaq akisussaaffigaa. Qaqortumi atuarfiit saniatigut Narsap Nanortallillu atuarfiit kiffartuunneqarput, kiisalu aamma nunaqarfiit tamaasa. Aammattaaq siunissami  suli atualinngittut suliamut ilanngunneqarumaarput (meeqqat inuusuttuaqqallu 0 – 18-nit ukiullit).

 

MISI-Kujalleq tallimanik sulisussaqartitaavoq: tarnit pissusaannik immikkut ilisimasalittut pisortaq, tarnit pissusaannik immikkut ilisimasalik, immikkut atuartitsinermut siunnersorti, oqallorissaasoq kiisalu allaffimmi fuldmægtigi. Tarnip pissusaanik immikkut ilisimasallip pisortarissavaa tarnit pissusaannik immikkut ilisimasalittut pisortaq.

 

Suliassat/akisussaaffiit:

 

  • MISI Kujallermi suleqatigiit ilaaffigalugit meeqqanik inuusuttunillu misissuineq, nalilersuineq kiisalu siunnersuineq tarnikkut perorsaanikkullu unammilligassanut, kiisalu MISI-mi sulisut suleqatigiillu ataatsimiinnerini peqataasarnissaq imaluunniit kommunimi suleqatissat allat suleqatigalugit meeqqanut tunngasut unammilligassat suleqataaffigissallugit.
  • Perorsaanikkut kiisalu tarnip pissusaanut tunngasunik meeqqanik innersuunneqarsimasunik nalilersuineq/misissuineq, kiisalu misissuinerit pillugit nalunaarusiorneq, atuarfinnik assigisaanillu misissuinerit naammassinerinik ilisimatitsineq, kiisalu angajoqqaanik, perorsaasunik ilinniartitsisunillu meeqqat immikkut pisariaqartitsisut pillugit siunnersuineq.
  • Immikkut annertusisamik atuartitsinerup piareersarneranut peqataaneq, Meeqqat atuarfiat pillugu Inatsisartut inatsisaat nr. 15, 3. december 2012-imeersoq kiisalu Nalunaarut nr. 22, 23. juli 1998-imeersoq tunngavigalugit.
  • Kommune Kujallermi meeqqat inuusuttullu  ineriartornissaat, atugarissaarnissaat ilinniagaqarnissaallu siunertaralugit suliffiit akimorlugit suleqatigiinnut peqataasarnissaq.
  • Ineriartortitsinermut tunngasuni, meeqqat ajornartorsiutaanik suliffiup iluani avataanilu sulianut ineriartortitsinissamut peqataaneq.

 

 

MISI annertuumik piumasaqaatitalinnik suliaqartarpoq, assigiinngitsitaartut pissanganartullu inuttut sulianullu tunngasunik ineriartornissamut periarfissaqarluartut.  

Tarnip pissusaanik immikkut ilisimasalinnik pissarsiorpugut suliffeqarfimmi kalaallit oqaasiinik kulturiannillu tunngavimmi sulisinnaasumik.

Meeqqanik inuusuttuaqqanullu perorsaanernut tarnillu pissusaannut ilisimasaqarnermik misilittagaqarneq iluaqutaassaaq, namminersorluni sulisinnaasunik sulianullu assigiinngittorpassuarnut sungiussiasunik pissarsiorpugut minnerunngitsumillu suleqatigiinnissamut piginnaaneqarluartumik.

 

Suliffiit pillugit paasissutissat sukumiinerusut paaserusukkukkit tarnit pissusaanik immikkut ilisimasalik pisortaq Trudy Høy Kreutzmann saaffigisinnaavat, oqarasuaat +299 64 54 30 imaluunniit mobiilimut +299 49 27 51, email-aluunniit aqqutigalugu: thkr@kujalleq.gl.

 

 

 

Atorfininnermut atugassarititat immikkut ittut

 

Qinnuteqartut piukkunnartut qammarniarlugit Atorfinitsitineq ukiuni killilinni atorfinititseriaaseq atorlugu atorfinitsisisoqassaaq.Tamanna imannak isumaqarpoq atorfinittoq ilaqutaalu qaamatit aqqaneq-marluk qaangiukkaagata akiliunneqarlutik sulinngiffeqarsinnaatitaapput piumasaqaatit atuuttut naapertorlugit. Tamatuma saniatigut atorfimmi soraarnerup kingorna atorfinitsitsisarnerup piumasaqaataa 1991-meersoq malillugu 18.000 kroninit konto-mut matoqqasumut ikisisoqassaaq. Soraarnerup kingorna aningaasat tunniunneqassapput.

Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq § 11 aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

 

Atorfininnermut atatillugu inissaqartitsisoqarpoq, tassunga ineqarnermut akiliut akilerneqartussaq, qularnaveeqqut il.il. maleruaqqusat atuuttut naapertorlugit akilerneqartassallutik. Inissaaleqineq pissutigalugu initaavinnissaq sivisulaarsinnaavoq, taamaattumik piffissap ilaani utaqqiisaagallartumik inissiisoqarnissaa naatsorsuutigineqassaaq.

 

Atorfinikkiartorluni angalaneq

Atorfinikkiartornermi angalaneq akiliunneqarnikkut pissaaq atorfinittumut ilaqutaanullu, siusinnerpaamik ukiut 3 qaangamiuppata soraarnermut atatillugu akiliunneqaqqissinnaalluni, aammattaaq nuunnermut atatillugu pequtit nassiunnerisa akiliunneqarnissaat maleruagassat malillugit ingerlannqassallutik.

 

Piumasaqaatit naapertorlugit atorfininnermi angalaneq pequtillu angallanneqarneri akilerneqarumaarput.

 

Paasissutissat sukumiinerusut, soorlu akissarsiat atorfininnermullu tunngasut tarnip pisusaanik immikkut ilisimasallit pisortaanut Trudy Høy Kreutzmannimut, oqarasuaat +299 64 54 33 saaffiginissutigineqarsinnaapput. Aammattaaq uunga email-mut allattoqarsinnaavoq: thkr@kujalleq.gl

 

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Ansøgning sendes til: 

Kommune Kujalleq

HR-afdeling
Postboks 515
3920 Qaqortoq
E-mail: job@kujalleq.gl