Isumaginninnermut siunnersorti/sullissisoq

Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aammalu isumaginninnermut piginnaasalik? Taamaakkuit meeqqanik inuusuttuaqqanillu sullissivimmi. Atorfik 01. marts 2017 imaluunniit isumaqatigiissuteqarnikkut inuttalerniarneqarpoq.
Kingusinnerpaamik ulloq:
9. februar 2017
Sumiiffik / immikkoortortaq:
Qaqortoq
Ulloq sulilerfissaq:
1. marts 2017
Aningaasarsiat:
Isumaqatigiissutit atuuttut naappertorlugit

Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu Isumaginninnermut Siunnersortimik ineriartortitsinermut kivitseqataanissamullu peqataarusuttumik atorfinititsinissarput kissaatigalutigu.  Meeqqanut Inuusuttunullu isumaginnittoqarfiup qulakkiissavaa meeqqat inuusuttullu pillugit suliat suliarineqarneri, nalunaarutiginninnerit aammalu meeqqanik inissiisarnerit inatsisit atuuttut naapertorlugit ingerlanneqartarnersut, aammalu inuit ataasiakkaat tamarmik aalajangersimasumik naliliiviginerinik tunuliaqutaqartarnissaq qulakkiissallugu.

 

Naatsorsuutigaarput:

  • Isumaginninnermi siunnersortaasutit imaluunniit Allaffimmiusut sullissinermik misilittagalik

  • Isumaginninnermi sulianik suliarinninnermik misilittagaqartutit

  • Suleqatiginninnisssamut oqartussanillu allanik suleqateqarnissamut piginnaasagissaqartutit

  • Isumaginninnermi pikkunartunik suliassaqarfiusumi sunniuteqaqataallutit iliuuseqarusussuseqartutit

  • Sanngisuujusutit

     

    Meeqqanik pinerliisimannginnermut uppernarsaammik:

    Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

    Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

     

    Neqeroorutigisinnaavarput atorfik meeqqanut inuusuttuaqqanullu sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik illit sunnernissaanut ilusilersornissaanullu periarfissaqalernivit saniatigut, kalaallit kulturiat pinngortitaallu qanimut misiginissaanut periarfissaqalissaatit.

     

    Inunnik Isumaginnittoqarfiup aaqqissuussaanikkut ilusilersuineq allanngortitileruttorpaa, aammalu suliatigut avatangiiisit ineriartortinnissaat kissaatigalugu.

     

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput. Atorfik ukiuni aalajangersimasuni immikkut atugassaqarluni qinnutigineqarsinnaavoq. Isumaginninnermi siunnersortit akissarsiaqartitsisoqassaaq. Inissannik naleqquttumik tunineqarsinnaavutit, ineqarnermut akiliutit il. il. malittarisassat atuuttut naapertorlugit akilerneqassallutik.

 

Atorfik pillugu paasissutissat sukumiinerusut aammattaaq atorfimmi suliassanik nassuiaat pillugu paasissutissat uannga pissarsiarisinnaavatit: 

Isumaginninnermut pisortaq Dariusz Sobczynski, oqarasuaat 64 53 22 imaluunniit e-mail; daso@kujalleq.gl

 

Qinnuteqaatit Kommune Kujallermiit tiguneqareersimassapput kingusinnerpaamik 09. februar 2017 nal. 12:00. Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput:

Kommune Kujalleq

HR-afdeling

Postboks 514

3920  Qaqortoq

Mail: job@kujalleq.gl