Aningaasaliisussarsiortoq


Kommune Kujalleq Aningaasaliisussarsiorpoq:

Kommune Kujallermi atorfimmut nutaamut Qaqortumi inissisimasumut aningaasaliisussarsiortumik pissarsiorpoq, kommunip ingerlatsivii allat suleqatigalugit Kujataani suliniutinut annernut aningaasaateqarfinnut qinnuteqarnermi ikiuussinnaasumik. Ulloq apriilip ulluisa aallaqqaataanni 2017 isumaqatigiissuteqarnikkulluunniit atorfinittussaq.
Kingusinnerpaamik ulloq:
14. marts 2017
Sumiiffik / immikkoortortaq:
Qaqortoq
Ulloq sulilerfissaq:
1. april 2017
Aningaasarsiat:
Isumaqatigiissutit atuuttut naapertorlugit

Atorfik Teknikkeqarnermut Avatangiisinullu Ingerlatsivimmi inissisimavoq, ingerlatsivik arlalinnik suliniuteqareermat sulisullu pilersaarusiornermik piginnaasaqareermata.  Taamaasillutit suleqatigiinni suliniuteqarfiulluartumi kommunillu aaqqissugaanerani tamanut attaveqartumi sulissaatit. 

 

Atorfik nutaajummat atorfimmik annertuumik ilusilersueqataassaatit.  Naatsorsuutaavorli aningaasaliisussarsiortoq ujartuisuussasoq, eqeersimaartoq aningaasaateqarfinnullu qinnuteqaasiornermi peqataasassasoq.  

 

Neqeroorutigaavut:

  • nalinginnaasumik ullut suliffiit qaffasissumik ilisimasatigut avitseqatigiiffiusut pissanganartunillu suliassartallit,

  • persuarsiorpalaanngitsumik eqqissisimasumillu suleqatigiit akornanni avatangiiseqarneq,

  • Kujataani ineriartornermut sunneeqataaneq kiisalu

  • kommunimi ataqatigiinnermut nutarsaasumut ineriartortumullu peqataaneq. 

     

    Naatsorsuutigaarput:

  • Ilinniagartuutut ilinniarsimasuunissat (tusagassiortoq, magisteri, inatsisileritooq/økonomi assigisaallu) imaluunniit/aamma

  • atorfinnit assingusunit aningaasaateqarfinnut qinnuteqarneq misilittagaqarfigigit,

  • allattariarsornermi oqalunnermilu saqqummiillaqqittutit,

  • ammasuusutit, eqeersimaartuusutit, suleqatikkuminartuusutit qiimasuusutillu. 

     

    Suliassat saniatigut Kujataani atorfeqarnermi aamma inuuniarnermi atugassarititaasut immikkuullareqisut atugassaapput:

  • Illoqarfiit angivallaarujussuanngitsut "kikkut tamarmik ilisarisimaqatigiiffii"

  • illoqarfinni avatangiisit oqaluttuarisaanikkut, qalipaatimikkut, timersornikkut kulturikkullu immikkuullarissut,

  • pinngortitaq imaaliallaannaq tikitassaq

  • pisuttuarfigineqarsinnaasoq, aalisarfigineqarsinnaasoq, qajartorfigineqarsinnaasoq, piniariarfigineqarsinnaasoq il. il.

     

    Suliassat pissanganartut tamakku imaluunniit inuttut periarfissat pilerigilluinnarukkkit immaqa aningaasaliisussarsiortutut sulisorilersinnaaruttoritsigit?

     

    Naalakkerusisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

     

    Inissaqartitsisoqarsinnaavoq malittarisassat qaqugukkulluunniit atuuttut malillugit sillimmatinut ineqarnermullu akilerneqartartussamik, aammattaaq atorfininninnermi angalanermut kiisalu minnerpaamik ukiut pingasut atorfeqareernermi malittarisassat atuuttut malillugit akiliussisoqartassaaq.

     

    Atorfik pillugu sukumiinerusumik paasisaqarusukkuit Teknikkimut pisortaq Leif Baadh oqarasuaammut +299 64 54 00 sianerlutit imaluunniit e-mail-ikkut lewb@kujalleq.gl paasiniaaffigisinnaavat.

     

    Qinnuteqaat, ilinniagarisimasat pillugit paasissutissartalik, siornatigut suliffigisimasat ilaquttavillu qanoq amerlatiginerannut paasissutissat, soraarummeersimanermut uppernarsaatit assigiissaallu assilineqarneri, oqaaseqaatit il. il. kommunimut ulloq 14. marts 2017 nallertinnagu nassiunneqareersimassapput uungalu nassiunneqassalluni:


Kommune Kujalleq

HR-afdeling

Postboks 514

3920 Qaqortoq

job@kujalleq.gl