Timimik Sungiusaasoq

Kommune Kujalleq Qaqortumi aallaaveqartussamik pillorissaasussarsiorpoq:

Kalaallit Nunaata kommunit kujallerpaanni pissanganarluinnartumik suliamut inuttullu ineriartorfigissaarluartumut pillorissaasutut sulerusuppit?

Kommune Kujalleq pillorissaasussarsiorpoq isumaginnittoqarfimmi atorfinittussamik sulilertussamillu juulip aallaqqaataanniit imaluunniit sukumiinerusumik isumaqatigiissuteqarnikkut.
Kingusinnerpaamik ulloq:
28. april 2017
Sumiiffik / immikkoortortaq:
Qaqortoq
Ulloq sulilerfissaq:
1. juli 2017
Aningaasarsiat:
Isumaqatigiissutit atuuttut malillugit

Kommune Kujallermi Timimik sungiusaasoq suleqataasutut Peqqinnissaqarfimmi suliassat siulersussavatit - pingaarnertut innarluutilinnut tunngasut

Kommune pingasunik illoqarfeqarpoq 11-nillu nunaqarfeqarluni. Timimik sungiusaasut allat peqatigalugit Qaqortumi aallaaveqassaatit, kisiannili illoqarfinnut nunaqarfinnullu angallammik / qulimiguulimmik suliartortarnissaq naatsorsuutigisariaqarpoq.

 

Suliamut tunngatillugu siamasissumik suliaqassaatit, isumaginnittoqarfiup ataani kiffartuussivittut nammineq Timimik sungiusaasoqatigiit ataatsimuussallusi Timimik sungiusaasullu pisortaat qaninnertut pisortarissallugu.

 

Kujataa pinngortitarsuuvoq alianaatsorsuaq, kulturikkut oqaluttuassartai pissanganartut innuttaasullu qamannga pisumik inussiarnersorsuit tikikkuminartullu.  Ulluinnarni tamakku tamaasa nuannaarutaasinnaalluarput.

 

Pigisavut:

  • Kommune, sutigut tamatigut ineriartorfiulluartoq illit nammineq suliamut tunngatillugu sunneeqataaffigilluarsinnaasat.

  • Suliffik pissanganartoq pitsaasunik atortorissaaruteqarfiusoq, isumaginnittoqarfimmi sulisut, suleqatit, innuttaasut, illit Timimik sungiusaassutut suleqatissatit taakkulu ilaqutaat qanimut suleqatigisassasatit.

  • Sungiusartarfik, allaffik aamma atortorissaarutaasivik.

  • Innuttaasutsialassuit suleqatillu pitsaalluinnartut, timimik sungiusaasutut piginnaasannik ingerlatsilernissannut qilanaartut.

 

Suliassatit – akisussaaffigiligassatillu makkuupput:

  • Kommune tamakkerlugu nakorsiartarfimmi innuttaasunik misissuineq naliliisarnissarlu.

  • Timikkut sungiusarneqartussanik misissuineq.

  • Kommunimi innuttaasut timimikkut piginnaasaqarnikkut annertuumik ajoqutillit aamma/imaluunniit anigorsinnaanngisaminnik innarluutilinnut piginnaasaqarnikkut inissisimanerisa attatiinnarnissaannut tunngatillugu Timimik sungiusaanissaq suliarinninnissarlu.

  • Kommunimi innuttaasunut atortussaannik ujartuineq pisinerlu kiisalu inigisamiit nuunnissamut siunnersuineq.

  • Sullissineq atortussanullu atatillugu suliassat assigiinngitsut.

  • Innuttaasut ilaqutaasullu namminneq sungiusarnissaannut siunnersuineq. 

  • Tapersersorteqarneq, paaqqinnittoqarneq, sullitanik nuutitsinermut teknikki pillugu sulisoqarneq, nappaatinik misissuineq, kingusissukkut qaratsakkut ajoquteqalertarneq allallu pillugit ilinniartitsineq.

  • Sapaatip akunneri marluk allorlugit innarluutillit ulloq unnuarlu angerlarsimaffianni Ivaaqqami napparsimmavimmilu timimik sungiusaasut pillorissaasullu ataatsimiinneranni peqataasarnissaq.

  • Ukiumut ataasiarluni nakorsat immikkut ilinniagallit soorlu isit nakorsaat, meeqqat nakorsaat, bandagistit (avatit amigaataannik sanartut) allallu tikeraartarnerannut atatillugu peqataasarnissaq.

  • Kommunimi tamarmiusumi suliassaqarfiit akimorlugit suleqatigiinni peqataasarnissaq.

 

 

Suleqatissarsiorpugut:

  • Suliassanut suleqatigiinnermillu ilisimasaqarluartoq kiisalu naammagittassuseqartoq qasusuitsumillu sulisaaseqartoq.

  • Timimik sungiusaanermut tunngatillugu siamasissumik sulinermik sullitanullu ukkassilluarnermik nuannarisalik.

  • Innuttaasut innarluutillit suleqatiginissaannik nuannarisalik.

  • Kalaallit Nunaanni allanertanik oqaasilittut malunnaatilimmik namminersorsinnaassuseqarluni sulinissamut sapiissuseqarneq.

  • Nalinginnaasumik alapernaassuseqarnikkut nutaaliorsinnaassuseqarnikkullu innarluutillit aaqqiissutissaannik siunnersuuteqarsinnaaneq.

  • Suleqatikkuminartoq kiisalu sullitat suleqatillu kulturiannik ataqqinnittoq.

  • Pisunut malussarissoq, aaqqiissuteqarnissamut ilisimaarinnittoq ullullu tamarmik assigiinngittarnerannik pingaartitsisoq.

  • Allanik nuannaaqateqarsinnaasoq imminullu illaatigisinnaasoq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Isumaqatigiissutit atuuttut naapertorlugit atorfinitsitsineq  ingerlanneqassaaq.  Maleruagassat atuuttut naapertorlugit atorfinitsitsinermut atatillugu (ukiut ikinnerpaamik pingasut atorfeqareernerup kingorna) soraarnerullu kingorna angalanerit  kommunimit aningaasartuutigineqassapput.  Atorfimmut atatillugu inissiamik pequsersorneqanngitsumik kommune neqerooruteqarsinnaavoq inigisamullu qularnaveeqqusiissutit inigisamullu akiliut qaqugukkulluunniit maleruagassat malillugit akilerneqassallutik.

 

Atorfik pillugu sukumiinerusumik paasissutissat piniarneqarsinnaapput Timimik sungiusaasup pisortaannut Louise Møller Knudsenimut pissarsiarineqarsinnaapput,  e-mail: lomk@kujalleq.gl oqarasuaat +299 641350 mobil nr. +299 531958.

 

Sap. ak. 18-imi skype-ikkut oqaloqatigiinnissaq naatsorsuutigineqarpoq.

 

Qinnuteqaat aamma inuunermit taasassat (CV) , soraarummeersimanermut uppernarsaat, innersuussutit il. il. kommunimut tunniunneqareersimassapput kingusinnerpaamik apriilip 28-anni 2017, nal. 12.00 e-mailimullu uunga nassiunneqassallutik:


Kommune Kujalleq

HR-afdeling

Postboks 514

3920 Qaqortoq

job@kujalleq.gl