Qaqortumi isumaginnittoqarfik pensionisialinnut sullivimmi nakkutilliisussarsiorpoq

Kommune Kujallermi isumaginnittoqarfik atorfinittussamik ataatsimik pissarsiorpoq, juunip aallaqqaataa 2017 aallarnerfigalugu imaluunniit qanimut isumaqatigiissuteqarnikkut. Atorfik qitiusumik Qaqortumi inissisimavoq.
Utoqqalinersiutilinnut siusinaartumillu pensionisialinnut malittarisassiornermut atatillugu atorfik nutaaq pilersinneqarpoq.
Kingusinnerpaamik ulloq:
29. maj 2017
Sumiiffik / immikkoortortaq:
Qaqortoq
Ulloq sulilerfissaq:
1. juni 2017
Aningaasarsiat:
Isumaqatigiissutit naapertortuuttut malillugit

Suliassat akisussaaffigisassallu ilaatigut makkuupput: 

  • Kommune Kujallermi pensionisiallit pisartagaannut aningaasatigut pitsaanerusumik aqutsinissamut nakkutiginninneq

  • Wimformatik aqqutigalugu pensionisialinnut sullivimmi nakkutilliineq

  • Sullissisunik nutaanik wimformatik pillugu ilinniartitsineq ataqatigiissaarinerlu 

  • Isumaginninnermi aqutsisunut - Namminersorlutik Oqartussanut kisitsisitigut paasissutissanik tunniussinernut nakkutilliineq

  • Pensionisialinnut sullissisut suleqatigalugit inassuteqaatit akuerisat eqqortumik suliarineqarsimanerinik ataqatigiissaarineq, pilersitsinerit ilanngullugit allallu.

  • Qaammatit tamaasa sullissisut suleqatigalugit pensionisiallit isertitaanni allannguuteqartoqarsimatillugu allattorsimaffik misissortarlugu ataqatigiissarlugulu

  • Qaammatikkaartumik allannguutit akissarsialerivimmut naapertuuttumik nalunaarsorneqarsimanersut nakkutigalugit misissorlugillu.

  • Ukiumoortumik pensionisianut iluarsiissutinik suliaqarneq

  • Utoqqalinersiutilinnut siusinaartumillu pensionisialinnut malittarisassat pillugit ilisimasaqarneq

  • Sulliviup iluani avataanilu suleqatigisat akornanni suleriutsinik ineriartortitsineq

  • Fagchef-imut killiffiit pillugit nalunaarusiorneq 

  • Kommunip kukkunersiuineranut Namminersorlutillu Oqartussat Nakkutilliinermik ingerlatsivianut siunersiueqataaneq 

  • Suliffiup iluani pitsaassutsimik nalunaarsuivik (kvalitetstjekliste) atorlugu aqutsinikkut nakkutilliineq

     

    Qinnuteqartumut makku ilaatigut naatsorsuutaapput:

    Niuernerup allaffissornerullu tungaatigut assigisaanilluunniit ilinniagalik. Winformatik-imik atuinermut ilisimasaqarneq. Namminersortoq ulluinnarnilu suliassanik aaqqissuussisinnaasoq kiisalu pensionisialinnut sullivimmi sullissisut qanimut suleqatiginerisigut pingaarnertut ataqatigiissaarisoq.  Unammillernarsinnaasunik nuannarisalik aaqqiissutissanillu pitsaasunik siunnersuusiorsinnaasoq. Aaqqissuussaaffimmi politikkikkut aqunneqartumi piumasaqaatitalimmilu sulinermik misilittagalik. Pensionisiaqarnerup tungaatigut sulinissamut kajumissuseqarneq soqutiginninnerlu. Suliffiup iluani avataanilu suleqatinut akuersaarsinnaassusilimmik periuseqarneq.  Suliffimmi avatangiisinut pitsaasunut sunneeqataaneq

     

    Isumaginnittoqarfiup neqeroorutai tassaapput:

    Pensionisialinnut tunngasuni suliat innarluutilinnut tunngasunit immikkoorpoq taamaammat qinnuteqartoq sulilertussaq Kommune Kujallermi innuttaasunut sullissinermi allanngueqataasinnaallunilu ineriartortitseqataasinnaassaaq.  Sapaatip akunneranut akunnerit 40-it suliffiusarput.

     

    Pinerlussimannginnermut uppernarsaat:

    Atorfik una pinerlussimannginnermik allagartamik paasiniaanissamit inatsimmik pisussaatitaavoq.  Inatsit naapertorlugu Kommune Kujalleq pinerlussimannginnermik allagartaq naammaginartoq tigoreerpagu atorfinitsitsisinnaavoq. 

     

    Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.  Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

     

    Atorfik pillugu sukumiinerusumik paasisaqarusukkuit Innarluutilinnut – utoqqarnut – siusinaartumik pensionsialinnut Fagchef-imut Maline Lyberth-imut attaveqarsinnaavutit mailimut uunga:Mall@kujalleq.gl

     

    Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri  il. il. kingusinnerpaamik ulloq maajip 29-anni 2017  kommunimit tiguneqareersimassapput, uungalu nassiunneqassallutik:

Kommune Kujalleq 

HR-afdeling

Postboks 514

3920 Qaqortoq

E-mail: job@kujalleq.gl