Suliami pisortaq

Meeqqanut inuusuttunullu tunngasuni suliami pisortaq:

Kommune Kujalleq meeqqanut inuusuttunullu tunngasuni suliami pisortamik pimoorussisumik pissarsiorpoq, juunip aallaqqaataanni 2017-imi imaluunniit sukumiinerusumik isumaqatigiissuteqarnikkut atorfinittussamik.
Kingusinnerpaamik ulloq:
8. maj 2017
Sumiiffik / immikkoortortaq:
Qaqortoq
Ulloq sulilerfissaq:
1. juni 2017
Aningaasarsiat:
Isumaqatigiissutit atuuttut naapertorlugit

Suliassat:

  • Meeqqanut inuusuttunullu tunngasunik suliaqartunut ulluinnarni aqutsineq akisussaaffeqarnerlu (januaarip aallaqqaataanni 2017-imi aaqqissuussaaffik akuerisaq)

  • Naliliineq, ataqatigiissaarineq suliassaqarfimmilu ineriartortitsineq siunertaralugu, isumaginnittoqarfimmi aqutsisunut ilaasortaaneq

  • Kommunip angalasartuinut kvartalikkaartumik aalajangersimasumillu peqataasarneq, politikkikkut siunniussat assigiiaarnerisa qulakkeernissaat siunertaralugu

  • Sulisunut suliassanik ataqatigiissaarinissamut tulleriiaarinissamullu qulakkeerineq akisussaasuunerlu

  • Inatsisit atuuttut sulisunit malinneqarnissaat qulakkeerlugu 

  • Sullisseriaatsit nalunaarsuinerillu ineriartortinneqartarnissaat piukkunnarsarnissaallu kiisalu ingerlatsivimmi sulinerup pitsanngorsarnissaa qulakkeerlugu

  • Ilitsersuineq siunnersuinerlu

  • Ingerlallualersitsineq

  • Suliniutinik nutaanik pilersitsineq

  • Pilersaarusianut assigiinngitsunut ataqatigiissaarineq malinnaanerlu

  • Sulisut peqatigalugit suliassaqarfimmi pisarialinnik malittarisassiorneq, ilitsersuusiorneq, suleriutsinik pilersitsineq qulakkeerinninnerlu

  • Pisortap tullersortaanut suliat pillugit aningaasaqarnerullu sumut ingerlaneranik aporfiusinnaasullu pillugit paasissutissiinermut akisussaasuuneq

  • Ataatsimoorussamik aningaasatigut tunngaviusut pillugit ilisimasaqarneq tassungalu atatillugu aalajangiinerit eqquutsinniarlugit tunaartalimmik sulineq

  • Sulisut suleqatigalugit suliffiup iluani avataanilu ilitsersuineq ilinniartitsinerlu aqqutigalugit, sulisut suliatigut ineriartortinnissaat qulakkeerlugu. Suliassaqarfimmi pilersaarusiornermut siunertap iliuusissatullu pilersaarutip siunertalimmik ineriartortinnissaat pingaartillugu.

  • Namminersorlutik Oqartussanit nakkutilliinermi nalunaarusiat malinnaavigineqarnissaat qulakkeerlugu

  • Kommunip nakkutilliisua suleqatigalugu suliassaqarfimmi missingersuutinik nakkutilliisarneq

  • Suleqammut qaninnermut aningaasaqarnerup sumut ingerlaneranik paasissutissiineq suliarinninnerlu, pisariaqaraangallu Isumaginninnermut Ataatsimiititaliamut missingersuutinut oqaaseqaatinik qinnuteqarneq oqaaseqaasiornerluunniit

  • Sulisut peqatigalugit ukiut tamaasa januaarip naalernerani Isumaginninnermut Ataatsimiititaliamut ukiumoortumik nalunaarusiorneq

  • Ukiumut ataasiaq ukiullu tamaasa sulisut aqutsisuinut MUS-imik oqaloqatiginninnerit (sulisunik oqaloqatiginninnikkut ineriartortitsisarnerit) 

  • Sulisunut atuakkamut najoqqutassamut pingaarnertut akisussaasuuneq - kiisalu suliffiup iluani malittarisassat malinneqarnissaannut akisussaasuuneq

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Naatsorsuutigaarput isumagissuusutit allanut ataqqinnittuullutit - aamma inunnut inuuniarnerminni ajornartorsiuteqartunut. Inuk qitiutissinnaassavat, aaqqiissutissanillu isumaliortuullutit. Attaveqarnermut pikkorissuussaatit, persuarsiortuunatit qiimasuullutillu.k Persuarsiornartuni persuarsiornanngitsunilu inunnik peqateqallaqqissuussaatit. Kalaallisut danskisullu oqaaseqaruit iluaqutaassaqaaq.

 

Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput.

Juunip aallaqqaataani 2017-imiit apriilip 30-ani 2021-mut immikkut sivisussusilikkamik atorfinitsitsisoqassaaq akissarsiaqartitsisoqarlunilu.  Inissannik naleqquttumik tunineqarsinnaavutit, ineqarnermut akiliutit il. il. malittarisassat atuuttut naapertorlugit akilerneqassallutik.

 

Atorfik pillugu sukumiinerusumik paasissutissanik pissarserusukkuit uunga saaffiginnissinnaavutit: Isumaginninnermut pisortaagallartumut Peter Sonberg oqarasuaammut +299 64 53 52 imaluunniit uunga mailimut peso@kujalleq.gl

 

Qinnuteqaat, pillagaasimanermut uppernarsaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri kingusinnerpaamik 08. maj 2017 nal. 12:00 kommunimit tiguneqareersimassapput, kommunillu mailianut nassiunneqassallutik:


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq.

job@kujalleq.gl