Ilaqutariit Sullissivianni tullersorti

Ilaqutariit Sullissivianni Tullersortimik
Kingusinnerpaamik ulloq:
23. juni 2017
Sumiiffik / immikkoortortaq:
Qaqortoq
Ulloq sulilerfissaq:
1. juli 2017
Aningaasarsiat:
Isumaqatigiissutit atuuttut naapertorlugit

Kommune Kujallermi Isumagittoqarfik Qaqortoq Ilaqutariit Sullissivianni pisortap tullersortissaanik pissarsiorpoq. Ukulu pingaarnertut suliarissallugit:

 

  • Sullissiviup pisortaata peqannginnerani taartaasartussatut.
  • Atuartitsinissap piareersarlugulu ingerlanneqarnissaa.
  • Nammineerluni suleqatigiillu peqatigalugit atuartitsinermi periusissanik sammisassanillu inerisaaneq.
  • Sullissivimmi suleqatigiit peqatigalugit ataavartumik suleqatigiinnikkut aaqqissugaanermi anguniakkat pingaarnerit pingaaruteqannginnerillu pilersaarusiussallugit, naammassissallugit pitsanngorsaavigissallugillu.
  • Pisortaq suleqatigalugu sulisorisat ataatsimiitinneqarnissaasa peqataaffigisarnissaat aaqqissortarnissaallu.
  • Sullissiviup pisortaa tarnillu pissusaanik ilisimasalik isumaqatigiissuteqarfigereerlugit sullissiviup katsorsaasoqatigiivinut/angalaqatigiivinut peqataasarnissaq.
  • Narsami Nanortalimmilu ilaqutariit illuinut angalariataartarnissat.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Isumaginninnermut, peqqissaanermut, ilinniartitsisutut allatullunniit meeqqanik inuusuttuaqqanillu sullissinermut ilinniarsimasuunissaq piumasarineqarpoq.

 

Akissarsianut - atorfinitsitsinermullu atugassarititaasut, taakkualu ataanni angalanernut pisattallu nassiunneqarnissaannut Naalakkersuisut atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.

 

Atorfininnermut atatillugu inissannik neqerooruteqartoqarsinnaavoq, tassunga tunngatillugu inimut akiliut qularnaveeqqusissut ilaallu ilanngullugit sukkulluunniit inatsisit atuuttut naapertorlugit, soorluttaaq sukkulluunniit inatsisit atuuttut naapertorlugit atorfininnermut atatillugu angalanermut nuunnermullu aningaasartuutit kommunimit akilerneqassallutik.

 

Atorfik pillugu saasissutissat sukumiinerusut Naja Lund Kielsen e-mail naki@kujalleq.gl imaluunniit oqarasuaat 64 54 22 atorlugu saaffiginnilluni pissarsiarineqarsinnaapput.

 

Qinnuteqaat pinerluuteqarsimannginnermut uppernarsaammik, soraarummeernermi uppernarsaatinik, siusinnerusukkut suliffigisimasanik, oqaaseqaatinillu ilallugu Kommune Kujallermi kingusinnerpaamik 23. juni 2017 tiguneqareersimassaaq, uungalu nassiullugu:


Kommune Kujalleq

HR-afdeling

Postboks 514

3920 Qaqortoq

job@kujalleq.gl