Immikkoortortami Aqutsisoq Nanortalik

Nanortalimmi innarluutilinnut suliassaqarfimmi
immikkoortortami aqutsisoq

Nanortalimmi immikkoortortami aqutsisutut atorfik ulloq juulip aallaqqaataat 2017 aallarnerfigalugu, imaluunniit sukumiinerusumik isumaqatigiissuteqarnikkut inuttalerneqarnissaminut piareersimassaaq.
Suliassaqarfik Kommune Kujalliup isumaginnittoqarfiata ataani inissisimavoq aaqqissuussaanikkullu najugaqarfinni sullivinnilu nakkutigisani innarluutilinnut ataqatigiissaarisup ataani inissisimalluni. Kingullertigut januaarip aallaqqaataanni 2017-imi Kommunalbestyrelsi aaqqissuussinermut pilersaarummik nutaamik akuersivoq, taamaattumillu qinnuteqartoq suliassaqarfimmi annertuumik ineriartortitseqataasinnaassaaq.
Kingusinnerpaamik ulloq:
12. juni 2017
Sumiiffik / immikkoortortaq:
Nanortalik
Ulloq sulilerfissaq:
1. juli 2017
Aningaasarsiat:
Isumaqatigiissutit atuuttut naapertorlugit

Immikkoortortami aqutsisup suliassaa pingaarneq tassaavoq innuttaasunut annertuumik innarluutilinnut sunniuteqarluartumik ikorfartuisoqarnissaa ikiuisoqarnissaalu, kiisalu innuttaasunit iluarisimaarinnittoqarnissaa innuttaasullu ikiuunnermi tamakkiisumik ataqatigiittoqarneranik misigitinnissaa. 

 

Atorfiup imarisai ilaatigut makkuupput:

  • Nanortalimmi najugaqarfinni, najugaqatigiiffinni sullivimmilu nakkutigineqartumi ulluinnarni ingerlatsinerup ataqatigiissaarinerullu qulakkeernissaa

  • Najugaqarfinni najugaqatigiiffinnilu ikorfartortit suliaat nakkutigalugillu ataqatigiissarlugit

  • Innuttaasut namminneq angerlarsimaffimminni ikorfartorneqarnerat nakkutigalugu ataqatigiissarlugulu

  • Qinnuteqaatit ikiuinermi pitsaassutimullu aalajangiussat malillugit suliarineqarnersut qulakkeerlugit 

  • Ikorfartit akornanni suleqatiminnik suleqateqaatigalutik ilinniartitsisoqartuarnissaa kiisalu suliassaqarfimmi ineriartortoqarnissaa pitsaassutsillu qaffassarnissaa qulakkeerlugu.

  • Innuttaasup ikorfartimik pisariaqartitsinerani ujartuineq kiisalu suliassaqarfinni assigiinngitsuni suleqatigiinnernut paasisimasaqarneq

  • Suliassaqarfiup iluani avataanilu suleqatit suliani assigiinngitsuni qanimut ingerlajuaannartumillu suleqatigiittoqarnissaa qulakkeerlugu

  • Innarluutilinnut ataqatigiissaarisumut ukiumoortumik nalunaarusiornissaq qulakkeerlugu

     

    Piginnaasatigut piumasaqaatit makkua pigissagitit naatsorsuutigaarput;

  • Isumaginninnermi perorsaasutut pillorissaasutulluunniit ilinniagaqartutit
  • Aqutsinerup tungaatigut misilittagaqartutit
  • Ikorfartortinut ataqatigiissaarinermik misilittagaqartutit
  • Suliassanik isumaginninnermi akisussaaffeqarlutillu namminersorsinnaassuseqartutit kiisalu suliniutinut nutaanut isumassarsisinnaasutit, pilersitsisinnaasutit pilersaarusiorsinnaasutillu.
  • Allaffissornikkut suliassanik, aningaasaqarnermik qarasaasialerinermillu misilittagaqartutit
  • Attaveqarluarsinnaasutit ingerlatitseqqiinermilu oqariartuuteqarluarsinnaasutit angusassamillu toraagaqartuusutit 
  • Sulianik isumaginninnermut ilisimasaqartutit kiisalu kalaallisut qallunaatullu allattariarsornermi oqaluttariarsornermilu attaveqarluarsinnaasutit

 

Uagut neqeroorutigisinnaavavut;

  • Suliffik pissanganartoq, allanngorartoq ilaatigullu ulapaarfiusoq suliassaqarfimmi sunneeqataanissamut ineriartortitsinissamullu periarfissalik
  • Kommune Kujallermi immikkoortortani pisortat qanimut suleqatiginerisigut inuttut suliassatigullu ineriartornissamut periarfissaqarneq
  • Namminersorneq, akisussaaffeqarneq suliassaqarfimmilu oqartussaaqataaneq

 

Atorfinitsitsineq akissarsiallu:

Atorfik NPK-p ataani inissisimavoq – immikkoortortani aqutsisut imaluunniit pillorissaasut isumaqatigiissutaat naapertorlugu.  Avataanit qinnuteqartunut ilaqutariit amerlassusaat naapertorlugu inissaqartitsisoqassaaq kiisalu nuunnermi angalanermilu aningaasartuutit malittarisassat atuuttut naapertorlugit isumagineqassallutik.

 

Pinerliisimannginnermut uppernarsaat:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat. 

 

Paasissutissat sukumiinerusut atorfimmullu nassuiaatit Innarluutilinnut ataqatigiissaarisumit Kathrine Kanuthsen-imit pissarsiarineqarsinnaapput; ankn@kujalleq.gl  64 18 86

 

Qinnuteqaat siornatigut suliffigisimasanik ilinniakkallu pillugit paasissutissartalik il. il. kingusinnerpaamik ulloq juunip 12-anni 2017-imi kommunimit tiguneqareersimassaaq.


Kommune Kujalleq

HR-afdeling

Postboks 514

3920 Qaqortoq

job@kujalleq.gl