Isumaginninnermi siunnersortimik aqutsinikkut piginnaasalimmik

Aaqqissukkamik sulisarpit, suliannut pikkorissuuit, pitsaassutsimik pingaartitsisuuit aammalu aqutsinermut piginnaaneqarpit? Taamaassimappat Meeqqanut Inuusuttuaqqanullu immikkoortortami ineriartorluartumi Qaqortumilu inissisimasumi aqutsisussaqqipput. Atorfik 1. juli 2017 imaluunniit isumaqatigiissuteqarnikkut inuttalerniarneqarpoq.
Kingusinnerpaamik ulloq:
6. juni 2017
Sumiiffik / immikkoortortaq:
Qaqortoq
Ulloq sulilerfissaq:
1. juli 2017
Aningaasarsiat:
Isumaqatigiissutit naapertortuuttut malillugit

Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu pisortatut oqartussaasumik ineriartortitsinermut kivitseqataanissamullu peqataarusuttumik atorfinititsinissarput kissaatigalutigu.  Isumaginninnermi siunnersortit aqutsisuat Meeqqanut Inuusuttuaqqanullu suliaqarfimmi aqutsisoq peqatigalugu suliassaa tassaavoq meeqqat inuusuttuaqqallu pillugit suliassat, isumaginnittoqarfimmut nalunaarutiginninnerit, meeqqanik inissiinerit angerlartitsinerillu pisassasut inatsisit malillugit aammalu suliassat aalajangersimasumik naliliivigineqarnerat tunngavigalugu.

 

Sullissisut ulluinnarni aqunneqarnerat akisussaaffigilissavat aammalu kommunimi ilaqutariinnik sullissiviit pingasuusut aammattaaq meeqqat ornittagaat marluk qanimut suleqatigissallugit. Aammattaaq kommunip avataani suleqatigisartagai qanimut suleqatigissavatit, soorlu napparsimaveqarfik, atuarfik aammalu politiit.

 

Piumasaqaatit:

  • Isumaginninnermi siunnersortaasutit

  • Isumaginninnermi sulianik misilittagaqarnissaq

  • Aqutsinermik misilittagaqartutit

  • Suleqatiginninnisssamut oqartussanillu allanik suleqateqarnissamut piginnaasagissaqartutit

  • Isumaginninnermi pikkunartunik suliassaqarfiusumi sunniuteqaqataallutit iliuuseqarusussuseqartutit

  • Sanngisuujusutit

     

    Meeqqanik pinerliisimannginnermut uppernarsaat:

    Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

    Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

     

    Neqeroorutigisinnaavarput atorfik meeqqanut inuusuttuaqqanullu sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersornissaanullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

     

    Isumaginnittoqarfik aaqqissuuteqqinneqaleruttorpoq suleqatigiillu avatangiiserissaarnissaat kissaatigineqarluni, taannalu illit peqataaffigisinnaavat.

     

    Akissarsiat atorfimmilu atugassarititaasut, aamma atorfininnermi soraarnermilu angalaneq pequtillu assartorneqarnerat, atorfininnerup nalaani Namminersorlutik Oqartussani kommuninilu tjenestemanditut atorfimmut assingusumik atorfiit qaffasissusiligaanerat pillugu isumaqatigiissummi atuuttumi aalajangersakkat malillugit pissapput. Isumaginninnermi siunnersortit aqutsisuattut akissarsiaqartitsisoqassaaq. Ukiuni aalajangersimasuni atorfinninnissaq isumaqatigiinniutigineqarsinnaavoq. Inissannik naleqquttumik tunineqarsinnaavutit, ineqarnermut akiliutit il. il. malittarisassat atuuttut naapertorlugit akilerneqassallutik.

     

    Atorfik pillugu paasissutissat sukumiinerusut Peter Sonbergmit pissarsiarineqarsinnaapput oqarasuaat 645352 e-mail peso@kujalleq.gl 

     

    Qinnuteqaatit Kommune Kujallermiit tiguneqareersimassapput kingusinnerpaamik 06. juni 2017 nal. 12.00. Qinnuteqaat, soraarummersimanermut allagartat, oqaaseqaatit ilaallu ilanngullugit uunga nassiunneqassapput:


Kommune Kujalleq 

HR-afdeling

Postboks 514

3920 Qaqortoq

E-mail: job@kujalleq.gl