Pisortartitut Perorsaasutut imaluunniit socialassistent-isut ilinniarsimasumik Nanortalimmi amigaateqarpugut.

Illit Perorsaasutut ilinniarsimaguit imaluunniit socialassistent-isut allamillu misilittaarusullutit nutaaliorusussuseqaruillu taava illerpiaq ujarpatsigit. Nanortalimmi Pisortartitut Meeraaqqerivimmi ” Qatanngutigiit”-nni. 01. august 2017
imaluunniit isumaqatigiissuteqarnikkut atorfinittussamik.
Kingusinnerpaamik ulloq:
19. juni 2017
Sumiiffik / immikkoortortaq:
Nanortalik
Ulloq sulilerfissaq:
1. august 2017
Aningaasarsiat:
Isumaqatigiissutit atuuttut naapertorlugit

Meeraaqqerivik ”Qatanngutigiit”naalungiarsunnut 20-nut naatsersuussaavoq 0-3 ukiulinnut.

Sulisoqarpoq katillugit 9-nik, taakkua iluanni pisortaq inissisimalluni, inillu marluupput.

 

”Qatanngutigiit” siunertaqarpoq, naalungiarsuup meeraaqqerivimmiit meeqqerivimmut ikaarsaar-  nissaanut piareersassallugu, sutigullu tamatigut meeraq qitiutillugu ikorfartorlugu, pingaartitaraalu assigiinngitsutigut piorsarsimassuseq pillugu ingerlataqarneq, nerisassatigut, anersaakkut (qilaam-mik atuinikkut), nunallu pissarititaanik atorluaanikkut.

Angajoqqaanik suleqateqarluarneq, pisariaqartillugulu angajoqqaanik kaammattuinermik imaqartu-mik ingerlatsisarluni.

Inatsisartut inatsisaat nr 16- 3.dec 2012-meersoq tunngavigalugu qulaani pinertut angajoqqaallu suliniutigaat.

 

Suleqatigiit imminnut ilisarisimalluartuupput sutigullu tamatigut ulapaarfiup nalaani pisariaqartuti-gut aaqqiipallassinnaanermik sungiusimasallit, suleqatikkuminartut qiimasullu.

 

Nanortalimmi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik  pingaartitsisuullutik.

 

Nanortalik illoqarfiuvoq eqqissisimasoq pinngortitarsuarmullu illoqarfittaa qanittuugami atorluarne-qartuulluni.

 

Illit perorsaasutut ilinniarsimasuullutit ”Qatanngutigiit”-ni makkua akisussaaffigissavatit:

  • Illup ingerlanganik sutigut tamatigut nakkutiginninneq, taassuma iluani allaffisoorneq

  • Illup siunertaanik malititsiniartoq

  • Inatsisartut inatsisaat nr 16, 3.dec 2012-meersoq pillugu suliniuteqarneq

  • Angajoqqaanik suleqateqarnermi eqqummaarissuuneq

  • Perorsaanilerinermik nakkutiginninneq, nutarsaajuarneq

  • Suleqatikkuminartoq, tarnikkut timikkullu nukittooq

  • Killiliisinnaasoq

  • Suleqatinik ataatsimoortitsisinnaasoq

  • Ajornartorsiutinik qaangiinissamik aqqutissiuisinnaasoq

  • Ulapaarfimmi ataatsikkoorussisinnaasoq

  • Aqutsinermik misilittagaqartoq,iluaqutaassaaq piumasaqaataanngilarli

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfinitsitsisoqassaaq akissarsiaqartitsisoqassallunilu Namminersornerullutik Oqartussat aamma Perorsaasut Ilinniarsimasut Peqatigiiffiat isumaqatigiisut atuuttut naapertorlugit.

 

Atorfimmut Perorsaasumut inissaqartitsisoqarsinnaavoq malittarisassat qaqugukkulluunniit atuuttut malillugit akilersorneqartussamik.

 

Annertunerusumik paasisaqarusukkuit uunga saaffiginnissinnaavutit majf@kujalleq.gl  

Imaluunniit sianerlutit uunga: 64 41 02 Maj-Britt Serano. Qinnuteqarfissaq kingulleq 19. juni 2017 uungalu nassiunneqassaaq:

Kommune Kujalleq

HR-afdeling

Postboks 514

3920 Qaqortoq

job@kujalleq.gl