Suliniummut ukiunik marlunnik sivisussusilimmut avatangiisinik sullissisoq

Kommune Kujalleq pikkorissumik pimoorussisumillu sulisussarsiorpoq - avatangiisinut tunngasunik suliaqartussamik.

Suliffik pillugu naatsumik
Qaqortumi Teknikkeqarnermut Avatangiisinullu Ingerlatsivimmut peqataalissaatit. Immikkoortortaqarfimmi sulineq soqutiginarlunilu suliatigut pissangartuuvoq sulianullu tunngatillugu ineriartornissamut periarfissaqarluni.

Avatangiisinut immikkoortortaqarfimmut ulluinnarni inummit ataatsimit isumagineqartumut inissinneqassaatit. Avatangiisinut immikkoortortaqarfiup pitsaasumik kiffartuussinissaq, pitsaassusilimmik sullissinissaq kiisalu tamakkiisumik ilisimasaqarluni faginullu pituttorsimanngitsumik sulianik naammassinnissinnaaneq pingaartitaraa. Innuttaasunut, suliffeqarfinnut, immitsinnut minnerunngitsumillu avatangiisinut eqqortumik iliuuseqarnissap ajornaatsuunissaa, sunniuteqarluarnissaa sukkanissaalu aallaavigalugit sulisarpugut.
Immikkoortortaqarfimmi ammasuuneq oqaloqatigiissinnaanerillu pingaartinneqarput, suliassannullu sunniuteqarsinnaallutillu nammineerlutit sulinivit aaqqissornissaanut annertuumik periarfissaqarlutit.
Kingusinnerpaamik ulloq:
17. juli 2017
Sumiiffik / immikkoortortaq:
Narsaq
Aningaasarsiat:
Isumaqatigiissutit atuuttut naapertorlugit

Suliassatit
 Pingaarnertut suliniummut nutaamut ataqatigiissaarisutut suliaqassaatit, suliniutillu siunertaa tassaavoq eqqakkanik assartuinissamut aaqqiissutissanik piviusunngortitsinissap qulakkeernissaa, kiisalu illoqarfinni nunaqarfinnilu suliffeqarfiit, paaqqinniffiit, umiarsualiviit najukkallu nalinginnaasut silataanni eqqiluisaarnissamut inatsisit pillugit annertunerusumik paasissutissiinissaq atuutsitsinissarlu.

 Makku ilaatigut suliassannut ilaapput
Eqqakkanik assartuinissaq pillugu  ataqatigiissaarineq sullissinerlu.
 Silami eqqiluisaarnissaq pillugu  ataqatigiissaarineq sullissinerlu.
 Suliffeqarfinnut innuttaasunullu siunnersuineq ilitsersuinerlu. 
 Paasissutissiinissamut ilitsersuinissamullu atortunik suliaqarneq.

Kissaatigaarput
Ingerlaqqiffiusumik akademiskimik ilinniagaqartutit imaluunniit allamik naleqquttumik ilinniagaqartutit.
 Avatangiisinut tunngasunik soqutigisaqarlutillu ilisimasaqartutit pingaartumik eqqagassalerinerup tungaatigut.
Suliniutinut aqutsineq misilittagaqarfigigit, aningaasaqarneq missingersuutinillu malitseqartitsineq ilanngullugit.
Aaqqissuussaaffimmit politikkikkut aqunneqartumit misilittagaqartutit.
Pisortat ingerlatsiviannit imaluunniit ingerlatseqatigiiffimmit siunnersuisartumit misilittagaqartutit.
Ajornartorsiutit erseqqissumik nassuiarnissaannut piginnaasaqartutit.
Suleqataanissamut piginnaasaqarluartutit suliassallu assigiinngitsut ataatsikkut suliarisinnaagitit.
Oqaatsitigut piginnaasaqarluartutit qallunaatut kalaallisullu  ilanngullugit.

Pingaartipparput, nammineerlutit sulisinnaassuseqartutit, pimoorussisuusutit, naammassisaqarluarsinnaassuseqartutit qiimasuullutillu.

Akissarsianut atorfinitsitaanermullu tunngasut Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.
 Sapaatip akunneranut akunnerit 40-t suliffiusarput flextid-eqarporlu.

Inissiaq
Atorfimmut atatillugu inatsisit atuuttut naapertorlugit inissiamik pequtaqanngitsumik innersuussisoqarsinnaavoq.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu inigisaq atorfiup atorunnaarnerani qimanneqassaaq.

Paasissutissat allat
Atorfik pillugu sukumiinerusumik paasisaqarusukkuit Teknikkeqarnermut pisortaq Leif Baadh oqarasuaatikkut ugguuna attavigisinnaavat +299 70 41 00, lokal nr. 5400, imaluunniit mailikkut: lewb@kujalleq.gl
Uge 29-ip naalernerani atorfininnissamut oqaloqatigiittoqarnissaa naatsorsuutaasinnaavoq.

Qinnuteqarneq
Qinnuteqarnissamut killigititaq tassaavoq juulip 17-at, 2017, taassuma kingorna piaarnerpaamik sulilernissaq naatsorsuutigineqarluni. 

Qinnuteqaat uunga nassiunneqassaaq:


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq.

job@kujalleq.gl