Atuarfimmi pisortaq, Narsap Atuarfia, Narsaq

Qinnuteqarusussinnaasut amerlanerusut periarfissikkusullugit, matumuuna atorfik una allagarsiuteqqipparput. Atorfik inuttalerneqassaaq 1. september 2017.
Narsaq pinngortitamik kusanarluinnartumik avatangiiseqarpoq, pinngortitami pisuttuarnissamut, qaqqaliarnissamut kiisalu immakkut angalanissamut periarfissagissaarpoq. Narsap eqqaani savaateqarfiit arlallit inissisimapput, soorlumi aamma Kommune Kujalliup ilisarnaataani takuneqarsinnaasoq.
Narsap atuarfia 1. oktober 2016-imi 229-inik atuartoqarpoq atuartitsisartullu 27-it atuarfiup pisortaa ilanngullugu.
Atuarfik nutaaliaavoq siorna august-imi atulerneqarpoq. Atuarfiup init atuartitsinermi atugassat atuartitsinermilu atortorissaarutit nutaaliaasut tamaasa pigai, soorlu prowice aammalu iPad.
1. september 2017 inuttalerneqartussanngorlugu nittarsaanneqarpoq,
Kingusinnerpaamik ulloq:
24. juli 2017
Sumiiffik / immikkoortortaq:
Narsaq
Ulloq sulilerfissaq:
1. september 2017
Aningaasarsiat:
Isumaqatigiissutit naapertortuuttut malillugit
  • Atuarfiup pisortaata pingaarnertut suliassarai:

    • Pamersaanikkut allaffissornikkullu atuarfimmik aqutsineq
    • Atuartitsinermi pilersaarutit atuuttut tunngavigalugit atuartitsinerup pilersaarusiortarnissaa  
    • Atuarfik pillugu Inatsisartut inatsississaat malillugu atuarfimmik ineriartortitsineq   
    • Atuarfiup arserfallatsaalinissaanut nakkutiginninneq
    •  Atuarfiup angerlarsimaffiullu suleqatigiinnera
    • Atuarfiup siulersuisuinut allatsitut inissisimaneq
    • Atuarfiup aningaasatigut missingersuutaannik pilersaarusiorneq atuinermillu nakkutilliineq
    • TrioGreenland, TabulexTEA kiisalu skemalægning-i atornissaanut ilisimasaqarnissaq

     

    Pisortassasiorpugut

    • Meeqqat atuarfianni ilinniartitsisutut ilinniagalimmik imaluunniit ilinniarneq alla Naalakkersuisut akuerisimasaat naammassillugu ilinniarsimasoq

    • Atuarfiup, skolebestyrelsep kiisalu kommune anguniagai malillugit pamersaanikku, allaffissornikkut kiisalu sulisunik aqutsinissaminut aaqqissuussillaqqissoq

    • Atuartut angusarissaarnissaanut siunnerfilimmik suleriaaseqartumik takorluuisinnaasumillu

    • Suleqatigisat peqatigalugit isummersullaqqilluni tunniusimalluni atuartut ineriartortinnissaanut sulisinnaasumik

    • Atuarfiup sulisui peqatigilluinnarlugit atuartut angusarissaarnissaanik siunertalimmik, ammassumillu angajoqqaanik suleqatiginnissinnaasumik

    • Suliassanik tamakkiisumik isiginnissinnaasumik, aalajangersinnaasumik, pilersaarusiorsinnaasumik suliassanillu agguataarisinnaasumik

    • Suleqatit atuartitsinerminni ineriartornissaanut suleqataalluarluni tapersersuilluarsinnaasoq

       

       

      Qinnuteqartut piumaffigineqarput qinnuteqaammi pisortatut sulinissami anguniakkatut takorluukkat ersarissumik allaaserissagaat.

       

      Atuarfiup pisortaata naalagarissavaa Kommune Kujallermi Atuartitaanermi meeqqeriveqarnermilu ingerlatsivimmi pisortaq kommunip allaffiani Nanortalimmi inissisimasoq.

       

      Atorfinitsinneqarnissaq pissaaq Naalakkersuisut IMAK-illu isumaqatigiissutaat, meeqqat atuarfiini nunatsinni il.il. isumaqatigiissut malillugu, § 6 imm. 2 litra 6) akissarsiat inissisimaffianni 36-mi immikkut tapilik ukiumut 60.940,00 kr.  

       

      Atorfilittut atorfinitsitsisoqarsinnaavoq; taamaallaat Kalaallit Nunaanni meeqqat atuarfiinut atatillugu atorfilittut atorfeqareersunut.

       

      Illussaqartitsisoqassaaq tulluartumik, maleruagassat malillugit akilerneqartussamik.

       

      Meeqqanik pinerliisimannginnermut uppernarsaammik:

      Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

      Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

       

      Atorfik pillugu annertunerusumik paasisaqarusukkuit saaffigisinnaavaat Kommune Kujallermi meeqqanut kultureqarnermullu ingerlatsivimmi pisortaq Jens Korneliussen oqarasuaatikkut +2999 70 41 00-kkut imaluunniit angallattakkakkut +299 53 86 65- ikkut.     

      Aamma email jeko@kujalleq.gl atorlugu saaffiginnittoqarsinnaavoq.

      Qinnuteqarfissaq kingulleq tassaavoq 24. Juli 2017

      Qinnuteqaat allagartanik uppernarsaatinik oqaaseqaatinillu ilallugu uunga nassiunneqassaaq:

    Kommune Kujalleq,  Meeqqanut kultureqarnermullu Ingerlatsivik, Postboks 166, 3922 Nanortalik.


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq.

job@kujalleq.gl