Tanip pissusaanik ilisimasalinnik

Qaqortumi Ilaqutariinnut Sullissivimmut tarnip pissusaanik ilisimasalinnik imaluunniit psykoterapeut pissarsiorpoq

Tarnip pissusaanik ilisimasalittut imaluunniit psykoterapeut ilinniagaqarpit? Inuttut nukittullutillu, nuannaartuullutillu eqeersimaartuuit? Kommune Kujallermi meeqqanik inuusuttunillu taakkulu ilaqutaannik sullissinissannut sapiissuseqarpit - atorfik Qaqortumi inissisimavoq angalaqatigiinnullu attuumassuteqarlutit Kujataata sinnerata misissornissaanut sapiissuseqarpit? Taamaappat soqutiginartumik ilinnut atorfiuteqarpugut, ulloq 01. august 2017 imaluunniit tamatuma kinguninnguaniit aallarnerlugu atorfinissinnaallutit.
Kingusinnerpaamik ulloq:
14. juli 2017
Sumiiffik / immikkoortortaq:
Qaqortoq
Ulloq sulilerfissaq:
1. august 2017
Aningaasarsiat:
Isumaqatigiissutit atuuttut naapertorlugit

Atorfik Ilaqutariinnut Sullissivimmi inissisimavoq, ilaqutariinnut sullissivimmi aqutsisoq qullersarineqassalluni. Ilaqutariinnut sullissivimmi tarnip pissusaanik ilisimasallit allat, siunnersuisut peqqissaasullu suliassatigut siunnersoqatiginissaannut periarfissaqassaatit.  Aaammattaaq illoqarfiup suliffeqarfiini allani tarnip pissusaanik ilisimasalinnik attaveqarnissannut periarfissaqassaatit.  Kommune Kujalliup iluani angalasarnissat naatsorsuutigineqassapput atorfininnermut siunertaammat innuttaasut illoqarfigisaminni kommunillu nuaqarfiini peqqissarlutik katsorsartinnissamut periarfissaqanngitsut periarfissinnissaat.  Angalasarnerit ulapinnarpallaassanngippata tarnip pissusaanik ilisimasalik nittartakkakkut katsorsaasassaaq, teknologiikkullu atortorissaarutit atorlugit tarnip pissusaanik oqaloqateqartarnerit pillugit maleruagassat, tarnip pissusaanik ilisimasallit danskit novembarimi 2016-imi suliaat saqqummiussaallu malinneqassapput, taamaaliornikkut illersorsinnaasumik ileqqorissaartoqarnissaa pitsaassuserlu qulakkeerneqassammata.

 

Kommunit kattunnerannut atatillugu Kommune Kujalleq illoqarfiit pingasut akimorlugit neqeroorutinik naapertuuttunngorsaavoq.   Naapertuuttunngorsaanermi tassani meeqqanut inuusuttunut ilaqutariinnullu navianartorsiortunut suliniarnerit ilaapput, taamaattumillu aaqqissuussaanikkut tulluarsaasoqarnerani Narsami Nanortalimmilu ilaqutariinnut sullissiviup ilaqutariillu illuisa kiisalu sullissisut/isumaginninnermut allaffiup attuumassuteqarnerini allannguinerit ilanngullugit.  Aaqqissuussaanikkut allannguinermi Kommune Kujalleq tarnip pissusaanik ilisimasalinnik amerlanernik atorfinitsitsissaaq, taamaammallu tarnip pissusaanik ilisimasallit kommunip Kujataa tamakkerlugu katsorsaanikkut suliaqarnerani pingaarutilittut inissisimassallutik.

 

Tarnip pissusaanik ilisimasalittut ilinniarlutit naammasseqqammerpit, ukiunilu pingasuni tulliuttuni akuerisatut allagartartaarusuppit?  Atorfimmi matumani ukiut pingasut ingerlanerini akuerisanngornissat piviusunngortissinnaavat taamaalillutillu tarnip pissusaanik ilisimasalittut allagartaqalerlutit.   Kommune Kujalliup aningaasartuutit isumagissavai taamaasillunilu skype atorlugu imaluunniit toqqaannartumik tarnip pissusaanik ilisimasalimmik akuerisamik siunnersueqateqartitsinissannut periarfissillutit.  Tamanna Ilaqutariinnut sullissivimmi aqutsisut suleqatigalugit isumagineqassaaq.

 

Ilaqutariinnut sullissivimmi sulisut allat Ilaqutariinnullu illut suleqatigalugit makku suliarisassavatit:

  • Meeqqanik, inuusuttunik ilaqutaannillu sullissinerup aaqqissornissaa, taamaalillutillu ilaqutariinnik katsorsaanerup ataqatigiissuunissaa tulleriiaarluagaanissaalu qulakkeerlugu.

  • Ilaqutariinnut sammisumik katsorsaaneq ilaqutariit ataasiakkaat isumalluutaat periarfissaallu sammineqarlutik. 

  • Inunnik ataasiakkaanik oqaloqateqarnerit, aappariinnik oqaloqateqarnerit, meeqqanik inuusuttunillu oqaloqateqarnerit

  • Ammasumik siunnersuinernut peqataaneq.

  • Sulisunut ilaqutariinnullu naleqquttumik pikkorissaanernut ilinniartitsineq.

  • Pinartoqartillugu piareersimasussanut peqataaneq aamma pisuni immikkuullarissuni pilertortumik ikiuigasuarneq, ikiunerit taamaattut malitseqartinneqartariaqartarput akulikitsumillu Qaqortup avataani sumiiffinni allaniissinnaasarlutik.

  • Sulisunut suliamut attuumassutilinnut siunnersueqateqartitsineq. 

 

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq.  Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Akissarsiat atorfinitsitaanermilu atugassarititaasut Naalakkersuisut kiisalu tarnip pissusaanik ilisimasallit danskit peqatigiiffiata akornanni isumaqatigiissutaannut naapertuuttumik ingerlassapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Atorfik pillugu sukumiinerusumik paasisaqarusukkuit isumaginninnermut pisortaagallartumut Peter Sonbergimut saaffiginnissinnaavutit imaluunniit mailimik uunga nassiussillutit peso@kujalleq.gl imaluunniit Qaqortumi Ilaqutariinnut sullisivimmi pisortamut Naja Lund Kielsenimut saaffiginnillutit, mail naki@kujalleq.gl, oqarasuaat +299 70 41 00 toqqaannartumilluunniit uunga +299 64 54 22.

  

Kommunip kissaatigaa meeqqanik pinerliisimannginnermut uppernarsaatip aammattaaq pillagaasimannginnermut uppernarsaatip takunissai, aammalu/imaluunniit kommunimi meeqqanik inuusuttunillu sulissisussat tamarmik Pinerluttulerinermut Nalunaarsuivimmit uppernarsaatip assilineqarneranik ilanngussisassasut.

 

Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik ulloq juulip 14-at 2017 nal. 12.00 kommunimit tiguneqareersimassapput, uungalu nassiunneqassallutik:


Kommune Kujalleq

Sulisoqarnermut Immikkoortortaqarfik

Postbox 514

3920 Qaqortoq.

job@kujalleq.gl