Overassistent

Narsami Teknikkeqarnermut Avatangiisinullu Ingerlatsivimmi ernisoqarnerani paarlattaasutut overassistentitut atorfik inuttassarsiorneqarpoq.

Kommune Kujallermi suleqaterput Narsami teknikkeqarnermut avatangiisinullu immikkoortortaqarfimmi atorfeqartoq ulloq juunip 26-at 2017 aallarnerfigalugu erninermi sulinngiffeqartussaammat ernisoqarnerani paarlattaasutut overassistentitut atorfik Narsamiittoq inuttassarsiorparput.
Kingusinnerpaamik ulloq:
1. august 2017
Sumiiffik / immikkoortortaq:
Narsaq
Aningaasarsiat:
Isumaqatigiissutit atuuttut malillugit

Ingerlatsivik teknikkimut pisortamit siulersorneqartoq qulinik teknikereqarpoq pingasunillu allaffimmioqarluni.

 

Suliassat makku suliarisassavatit:

  • Qimmit qitsuillu nalunaarsorneqarneri

  • Ullut 14-ikkaarlugit akissarsiassat nalunaarutigisarnissaat

  • Eqqagassat ikuallaavimmukartut tigooraaffimmukartullu nalunaarsornissaat. 

  • Eqqagassalerineq anartarfilerinerlu

  • Akiligassat tamalaat

     

    Piumasaqaatit:

  • Naleqquttumik allaffissornikkut ilinniagaqarsimassasutit ajornanngippallu suliassaqarfiit ilaat misilittagaqarfigissagitit.

  • Namminersorlutit aaqqissuulluakkamik sulisinnaassasutit.

  • Sullissiumatuujussasutit suleqatikkuminarlutit qiimasuullutillu.

  • Suliassat suliarinerini isumassarsiullaqqissusermik pitsaassusermillu takutitsisassasutit.

  • Qarasaasiamik atuisinnaasutit.

  • Kalaallisut qallunaatullu allattariarsornikkut oqaluttariarsornikkullu erseqqissumik takorlooruminartumillu oqariartuuteqarsinnaasutit.

     

    Ilinnut neqeroorutigisinnaasavut:

  • Kommunimi illoqarfitsigut annertuumik ineriartorfiusumi sulineq soqutiginartoq.

  • Suliffik pikkunartunik suliassaqarfiusoq.

  • Inuttut suliatigullu ineriartornissamut periarfissat pitsaasut.

  • Suleqatit suleqatigiinnerlu pitsaasut.

Akissarsiat atorfinitsitaanermilu atugassarititaasut.

Naalakkersuisut aammalu sulisunngortussap kattuffiata isumaqatigiissutaat naapertorlugit atorfinitsitsisoqarluni akissarsiaqartitsisoqassaaq.

 

Atorfimmut inissiamik innersuussisoqarsinnaanngilaq.

 

Paasissutissat allat

Atorfik pillugu paasissutissanik sukumiinerusunik pissarsiniaruit, immikkoortortami pisortamut saaffiginnissinnaavutit Margrethe Lundblad-Hansenimut, oqarasuaat +299 70 41 00 imaluunniit mailikkut: malu@kujalleq.gl 

 

Qinnuteqaat

Qinnuteqaat, ilinniagarisimasat pillugit paasissutissartalik, siornatigut suliffigisimasat, soraarummeersimanermut uppernarsaatit assigiissaasalu assilineqarneri, aamma ajornanngippat innersuussutit il. il. kingusinnerpaamik augustip 1-anni 2017 kommunimit tiguneqareersimassapput.

Qinnuteqaat faxikkut uunga nassiunneqarsinnaavoq: 70 41 77 imaluunniit mailikkulluunniit uunga:


Kommune Kujalleq

HR-afdeling

Postboks 514

3920 Qaqortoq

job@kujalleq.gl