Kommune Kujalleq Nanortalimmi ilaqutariit illuannut immikkoortortami aqutsisussarsiorpoq:

Nanortalimmi ilaqutariit illuat immikkoortortami aqutsisussarsiorpoq septembarip aallaqqaataanni, 2017 sulilertussamik, imaluunniit sukumiinerusumik isumaqatigiissuteqarnikkut.

Ilaqutariit illuata isumaginninnermik siunertaqarluni suliniutaa tassaavoq, Qaqortumi ilaqutariinnut sullissiviup pisortaata suleqatigineratigut Nanortalimmi tarnikkut peruluttunut neqeroorutinik saqqummiussisarnissaq. Nanortalimmi ilaqutariit illuat Qaqortumi ilaqutariinnut sullissivimmik qanimut suleqateqarpoq qaninnertullu qullersaralugu.
Kingusinnerpaamik ulloq:
4. august 2017
Sumiiffik / immikkoortortaq:
Nanortalik
Ulloq sulilerfissaq:
1. september 2017
Aningaasarsiat:
Isumaqatigiissutit naapertortuuttut malillugit

Sulisorisinnaasatut akuerisat tassaapput ilaqutariinnut siunnersorti, inuusuttunut siunnersortit marluk, pitsaaliuinermut siunnersorti kiisalu eqqiaasoq.

 

Sullissivimmi neqeroorutit arlallit allanngorartut susassaqartitsinermi ingerlanneqartarput.  Susassaqartitsinerit ilaat ataatsikkut ingerlanneqartartut ilaalli uteqattaartinneqartarput.  Taakkunannga eqqaaneqarsinnaapput:

 

  • Suliassanik aqutsineq agguaassinerlu

  • Ilaqutariit illuannik ingerlatsinermut missingersuusianut killiliussanut aningaasatigut akisussaasoq

  • Sullitanik naatsorsueqqissaarnermut  akisussaasuuneq

  • Ilaqutariinnik katsorsaanissamut sulianik qulakkeerinninneq, annermik tarnip pissusaanik ilisimasallit angalasartut suleqatiginerisigut. Sullissisumik peqateqarluni siumoortumik nalilersuisoqartassasoq kiisalu siumoortumik oqaloqatiginnittoqartarlunilu ilaqutariit peqatigalugit killiffissiorluni ataatsimiittoqartassasoq.

  • Sulisut sullitallu piginnaasatigut inuttullu ineriartornissaat 

  • Sulisut peqatigalugit sammisassanik pilersaarusiorneq, soorlu ilaqutariinnut højskolertitsineq.

  • Sulisut ataatsimiinnissaannik pilersaarusiorneq ullormullu nalilersuisarneq

 

 

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaat pissarsiarereerpagu aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Suliassat:

Pisortap suliassaraattaaq aqutsineq suliassanillu agguaassineq.  Ilaqutariit illuanni pikkorissartunik misissuinermut peqataaneq  Sullissiviup susassaqartitsinerisa naatsorsoqqissaartarnissaat.  Tarnip pissusaanik ilisimasalimmut susassaqartitsinerit/katsorsartinnerit taanna suleqatillu allat peqatigalugit pilersaarusiornerat. Isumaginninnermut Ataatsimiititaliamut ilaqutariit sullitallu pillugit saqqummiussassanik suliarinninneq.  Ilinniaqqinnernut peqataaneq sulisunillu nakkutilliineq. Pikkorissartunik ilinniartitsineq aamma sullitanik innersuussanik katsorsaaneq.  Pisortaq peqartinnagu suliassaq taanna pisortap tullersortaata akisussaaffigilersarpaa.

 

Akisussaaffeqarfiit:

Missingersuutinik aqutsineq, skemaliorneq, sulisunik attartorneq, suliffeqarfiup ingerlatsinera, suliffeqarfiup peqqissaartumik eqqortumillu pilersaarusiornera suliarineqarneralu, illup sulisuinik suleqateqarneq kommunimilu ingerlatsiviup suleqatigisarnissaa.

 

Ilinniagaqarsimanermit piumasaqaatit:

Sullissivimmi pisortaq inulerisutut perorsaasutulluunniit tunuliaqutilimmik ilinniagaqarsimassaaq.  Tassunga atatillugu perorsaanermut tunngassutilimmik ilinniarnertuujussasoq, ukioq ataaseq pikkorissarsimassalluni, pædagogikki naammassisimassallugu assigisaannilluunniit ilinniagaqarsimanissaq naatsorsuutigineqarpoq.  Aammattaaq immikkoortortami aqutsisoq aqutsinermik suleqatigiinnermillu misilittagaqassaaq. Soorunalimi pisortaq kalaallisut/danskisullu oqaaseqassaaq.

 

Inuttut piginnaasat:

Suleqatinut patajaatsunut aaqqissuussaalluartumik nutaaliornissamullu piginnaanilinnut tikkuussisinnaassaaq, pikkorissutsiminullu ilisimaarinnissalluni taamaattorli aamma nutaanik ilinniarnissamik soqutiginnittuussalluni, inuttut piginnaaneqartussaalluni suleqatiminut avatangiisiminullu akornuteqanngitsumik maligassiorsinnaassuseqassalluni.

 

Akissarsiat – atorfinitsinneqarnermullu tunngasut:

Isumaqatigiissutit atuuttut aamma inuttut piginnaaneqarneq naapertorlugu atuutissapput.  Angalanermi aningaasartuutit pequtinillu nuunnermut atatillugu aningaasartuutit akilerneqassapput.  Kommune inissiamik naapertuuttumik pissarsinissamut ikiuussinnaavoq, kommunip sulinermut tunngatillugu inissaqartitsinermut aningaasaateqarfianit.

 

Sukumiinerusumik paasisaqarusukkuit Ilaqutariinnut Sullissiviup pisortaanut Naja Lund Kielsen-imut attaveqarsinnaavutit oqarasuaammut uunga 64 54 22 imaluunniit e-mail: naki@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. ilanngullugit kommunimut tunniunneqariissapput kingusinnerpaamik aggustip ulluisa 4-t 2017 uunga:

Kommune Kujalleq 

HR-afdeling

Postboks 514

3920 Qaqortoq

E-mail: job@kujalleq.gl